ವಾಸುದೇವ

ಆ ನದಿ!

2012-02-08T07:13:00.001+05:00

ಸಿನಿಮಾದವರ ಪರಿಚಯ ಒಂದು ಕಡೆ ಆಗ್ತಾ ಇರುತ್ತೆ ವೃತ್ತಿಗೆ ಸಂಬಂಧಿಸಿದಂತೆ, ಆದರೆ ಅದೇ ರೀತಿ ಟೀವಿ - ರೇಡಿಯೋ ಅವರನ್ನು ಪರಿಚಯ ಮಾಡಿಕೊಂಡು ಬರೆಯುವ ಕೆಲಸ ಆರಂಭ ಆಗಿದೆ . ಒಂದು ರೀತಿ ಚೆನ್ನಾಗಿದೆ. ಸಮಯ ವಾಹಿನಿಯ ಜಿ. ಎನ್. ಮೋಹನ್ ನನ್ನ ಪರಮಾಪ್ತ ಮಿತ್ರರು, ಸೊ ಅವರ ಪರಿಚಯ ಬೇಕಿಲ್ಲ ನನಗೆ. ಆದರೆ ಇತ್ತೀಚೆಗೆ ಸಮಯ ವಾಹಿನಿಗೆ ಹೋಗಿದ್ದೆ, ಅದೂ ಅವರು ದೊಡ್ದ ಹುದ್ದೆಯನ್ನು ಅಲಂಕರಿಸಿದ ಮೊದಲ ಬಾರಿ. ಇದ್ದ ಅರ್ಧ ಗಂಟೆಯಲ್ಲಿ ಅದೇ ಮಾತು-ನಗು ಚರ್ಚೆ..! ಚೆಂದಿತ್ತು ಸಮಯದಲ್ಲಿ ಕಳೆದ ಸಮಯ. ಟೀವಿ ಮಂದಿಗಳ ಜೊತೆ ಮಾತುಕತೆಯ ಒಂದು ಲಹರಿ ಆರಂಭ ಆಗಿದೆ. ಆ ದಾರಿಯಲ್ಲಿ ಸಾಕಷ್ಟು ಮಂದಿ ಸಿಕ್ಕರು. ಮತ್ತಷ್ಟು ಮಂದಿಯ ಜೊತೆಯಲ್ಲಿ ಕಳೆದ ಸಮಯವನ್ನು ಡಾಕ್ಯುಮೆಂಟ್ ಮಾಡುವ ಕೆಲಸ ಭರದಿಂದ ಸಾಗಿದೆ.

ಅದೇ ರೀತಿ ಹೆಚ್ಚು ಹರಟಿದ್ದು ಅಂದ್ರೆ 91.1 ಎಫೆಮ್ ಆರ್ಜೆ ಗಳಾದ ಪ್ರದೀಪ್ (ಪ್ರಾ ದೀ ಪಾ ) ಮತ್ತು ಸೌಜನ್ಯ . ಪ್ರದೀಪಾ ಬುದ್ಧಿವಂತ ಆರ್ಜೆಗಳಲ್ಲಿ ಒಬ್ರು. ಅವರ ಸೆನ್ಸ್ ಆಫ್ ಹ್ಯೂಮರ್ ಅದ್ಭುತ!

ಒ೦ದು ವರ್ಗದ ಜನರನ್ನು ಆಕರ್ಷಿಸಿರುವ ಧಾರವಾಹಿ ಅಂದ್ರೆ ಸುವರ್ಣ ವಾಹಿನಿಯ ಗುರು ರಾಘವೇಂದ್ರ ವೈಭವ. ಅದರಲ್ಲಿ ಗುರು ರಾಯರು ಬೃಂದಾವನ ಸೇರುವ ಎಪಿಸೋಡ್ ಮತ್ತು ಅವರ ವಿಶೇಷ ಭಕ್ತರಾದ ಅಪ್ಪಣ್ಣಾ ಚಾರ್ಯರ ಶ್ರೀ ಪೂರ್ಣಭೋದ ಶ್ಲೋಕ ರಚನೆಯ ಸನ್ನಿವೇಶಗಳಲ್ಲಿ ಕೆಲವು ಆಭಾಸಗಳು ಕಾಣ ಸಿಕ್ತು. ಮುಖ್ಯವಾಗಿ ರಾಯರು ಬೃಂದಾವನ ಸೇರುವಾಗ ಹತ್ತಿರದಲ್ಲಿ ತುಂಗೆ ಹರಿತಾ ಇರುವ ಸಂಗತಿ ಎಲ್ಲರಿಗೂ ಗೊತ್ತು. ಆದರೆ ನಿರ್ದೇಶಕರು ಒಂದು ಸರ್ತಿಯೂ ತುಂಗೆಯನ್ನು ತೋರಿಸಲೇ ಇಲ್ಲ. ಮಂತ್ರಾಲಯ ಇಷ್ಟೆಲ್ಲಾ ಬೆಳೆದಿದ್ದರೂ ನಮಗೆ ಆ ತಾಯಿ ಕಾಣ್ತಾಳೆ ಅಂತಹುದರಲ್ಲಿ ಆಗಿನ್ನೂ ಏನೇನೂ ಅಲ್ಲದ ಮಂಚಾಲೆ ಗ್ರಾಮಕ್ಕೆ ಹೊಂದಿಕೊಂಡಂತೆ ಇದ್ದ ಆ ನದಿ ಪಾತ್ರ ತೋರಿಸುವತ್ತ ನಿರ್ದೇಶಕರು ಗಮನ ಹರಿಸಲಿಲ್ಲ.

ಶ್ರೀ ಪೂರ್ಣಭೋದ ಗುರು ತೀರ್ಥ ಪಯೋಬ್ದಿಪಾರ ...ಈ ಶ್ಲೋಕದ ಚಿತ್ರೀಕರಣದ ಬಗ್ಗೆ ಅತಿ ಹೆಚ್ಚು ನಿರೀಕ್ಷೆಗಳಿತ್ತು . ಆದರೆ ನಿರ್ದೇಶಕರು ಸಿನಿಮೀಯ ಮಾಡಿದ್ದು ನಿಜವಾಗಿಯೂ ಸಾಕಷ್ಟು ಭಕ್ತ ವೃಂದಕ್ಕೆ ಆಪ್ತ ಆಗಲಿಲ್ಲ .. ದಿಟ!

ಆದರೆ ಈಗ ರಾಯರ ನಂತರ ತೆಗೆದುಕೊಂಡಿರುವ ಕಥೆಗಳು ಸಹ ಚೆನ್ನಾಗಿ ಬರ್ತಾ ಇದೆ. ಕನಕ ಪುಟ್ಟನ ಪಾತ್ರ ಮಾಡಿದ್ದ ಆ ಮಗುವಿನ ಪುನಃ ಅವಕಾಶ ಕಂಡು ಖುಷಿ ಅನ್ನಿಸಿತು. ಪ್ರತಿಭಾವಂತ ಬಾಲಕ. ಆತನ ಕಣ್ಣುಗಳಲ್ಲಿರುವ ಮುಗ್ಧತೆ ನನಗೆ ಇಷ್ಟ .

ಇದೆ ವಾಹಿನಿಯ ಕಿಚನ್ ಕಿಲಾಡಿಗಳು ಯೂನಿಕ್ ಆಗಿದೆ . ಚಂದ್ರು ಹಾಗೂ ಸೃಜನ್ ಜೋಡಿ ಚೆನ್ನಾಗಿದೆ. ಈ ವಿಷಯಕ್ಕೆ ಸಂಬಂಧಿಸಿದಂತೆ ಚಂದ್ರು ಸಿಕ್ಕಾಪಟ್ಟೆ ಕೆಲಸ ಮಾಡ್ತಾ ಇದ್ದಾರಂತೆ. ಅಡುಗೆ ಅಂದ್ರೆ ಸಾಮಾನ್ಯವಲ್ಲ .

ಈ ಪ್ರಯತ್ನ !

2012-01-20T11:45:00.000+05:00

ಹಿರಿಯ ಕಲಾವಿದ ದಿವಂಗತ ಕೆ.ಎಸ್. ಅಶ್ವಥ್ ಅವರ ಬಗ್ಗೆ ಟೀವಿ ನೈನ್ ಮತ್ತು ಸುವರ್ಣ ನ್ಯೂಸ್ ಎರಡೂ ವಾಹಿನಿಗಳಲ್ಲೂ ಕಾರ್ಯಕ್ರಮ ಪ್ರಸಾರ ಆಯ್ತು ಅವರ ಪುಣ್ಯತಿಥಿ ಯಂದು. ಕಲಾವಿದ ಎಂದಿಗೂ ಸಾಯುವುದಿಲ್ಲ ಎನ್ನುವುದಕ್ಕೆ ಚಾಮಯ್ಯ ಮೇಸ್ತ್ರ ಈ ಕಾರ್ಯಕ್ರಮವೇ ಸಾಕ್ಷಿ. ಟೀವಿ ನೈನ್ ವಾಹಿನಿಯ ಉತ್ತಮ- ಕ್ಯೂಟ್ ನಿರೂಪಕಿಯರಲ್ಲಿ ಒಬ್ಬರಾದ ಉಷಾ ( ಆದ್ರೆ ಹೇಮಾ ವೆರಿ ಕ್ಯೂಟ್ :-)] ಈ ಕಾರ್ಯಕ್ರಮದ ನಿರೂಪಕಿಯಾಗಿದ್ರು.ಇಂತಹ ಕೆಲವು ಕಾರ್ಯಕ್ರಮಕ್ಕೆ ಈಕೆ ಹೆಚ್ಚು ಸೂಟ್ ಆಗ್ತಾರೆ.

ಆದರೆ ಹೆಚ್ಚು ಗಮನ ಸೆಳೆದದ್ದು ಕಾರ್ಯಕ್ರಮದ ತಿರುಳು. ಡಾ. ರಾಜ್ ಕುಮಾರ್ ಅವರ ಮೆಚ್ಚಿನ ಕಲಾವಿದ ಎನ್ನುವ ಮಾತು ಕೇಳಿ ಖುಷಿ ಅನ್ನಿಸಿತು. ರಾಜ್ ಫ್ಯಾನ್ಸ್ ಸಂಖ್ಯೆ ತುಂಬಾ ದೊಡ್ಡದು. ಆದರೆ ಅವರು ಅಶ್ವಥ್ ಅವರ ಅಬಿಮಾನಿ ಅಂದ್ರೆ... ನಿಜಕ್ಕೂ ಆ ಮೇರು ಕಲಾವಿದರ ವ್ಯಕ್ತಿತ್ವ ಎಂತಹುದು ಎಂಬುದು ತಿಳಿದು ಬರುತ್ತದೆ. ಕಾರ್ಯಕ್ರಮದಲ್ಲಿ ಮರುಸೃಷ್ಟಿ ಮಾಡಿ ಶಂಕರ್ ಅಶ್ವಥ್ ಅವರ ಕೈಲೆ ಅಶ್ವಥ್ ಅವರ ಪಾತ್ರ ಮಾಡಿಸಿದರು. ವಾವ್ ! ಅದ್ಬುತ ಪ್ರಯೋಗ ಟೀವಿ ನೈನ್ದು. ಎಲ್ಲರಿಗೂ ಸೂಟ್ ಆಗುವ ಮೈಕಟ್ಟು ಅಶ್ವಥ್ ಅವರು ಹೊಂದಿದ್ರು.. ಡಾ.ರಾಜ್ ಗೆ ತಂದೆ ಪಾತ್ರ ಮಾಡಿದ್ದ ಆ ನಟ ಶಿವಣ್ಣನಿಗೂ ತಂದೆ ಪಾತ್ರ ಮಾಡಿದ್ರು. ಹೆಣ್ಣಾಗಲಿ -ಗಂಡಾಗಲಿ ಇಂತಹ ಅವಕಾಶ ಸಿಗೋದು ಕಡಿಮೆ ಬಿಡಿ. ಮತ್ತೊಂದು ಸಂಗತಿ ಮನಸೆಳೆದದ್ದು ಅಂದ್ರೆ ಭಾಗ್ಯವಂತ ಸಿನಿಮಾಕ್ಕೆ ಪುನೀತ್ ರಾಜ್ ಕುಮಾರ್ ದೊಡ್ಡಪ್ಪನ ಪಾತ್ರಕ್ಕಾಗಿ ಡಾ.ರಾಜ್ ಅಶ್ವಥ್ ಅವರ ಕಾಲ್ಶೀಟ್ ಗಾಗಿ ಕಾದಿದ್ರಂತೆ. ಏನ್ರಿ ಎಂತಹ ಮಹನೀಯರು ಕಣ್ರೀ ಇವರು.

ಸುವರ್ಣ ನ್ಯೂಸ್ನಲ್ಲಿ ಸಹ ಅಶ್ವಥ್ ಅವರಿಗೆ ಸಂಬಂಧಿಸಿದಂತೆ ಪ್ರಸಾರವಾದ ಕಾರ್ಯಕ್ರಮ ತುಂಬಾ ವಿಶೇಷವಾಗಿತ್ತು. ಅವರು ಓದಿದ ಶಾಲೆ, ಕಾಲೇಜ್, ಅವರು ಕೆಲಸ ಮಾಡಿದ ಜಾಗ, ಅವರ ಭಾವುಕತೆ, ಅವರ ಬಾಲ್ಯ ಗೆಳತಿ ಅಮ್ಮಯ್ಯನ ಪರಿಚಯ, ಅವರು ಬೆಳೆದ ಮನೆ ಎಲ್ಲವನ್ನು ಅವರ ಪುತ್ರ ಶಂಕರ್ ಅಶ್ವಥ್ ಭಾವುಕರಾಗಿ ವೀಕ್ಷಕರಿಗೆ ಹೇಳಿದರು- ಪರಿಚಯಿಸಿದರು. ಈ ಕಾರ್ಯಕ್ರಮವು ಸಹ ವಿಶೇಷವಾಗಿತ್ತು. ಒಬ್ಬ ವ್ಯಕ್ತಿಯ ಬದುಕನ್ನು ಸಾವಿನಲ್ಲಿ ಕಾನು ಅಂತಾರೆ ಹಿರಿಯರು ..ಈ ಮಾತು ಎಷ್ಟು ಸತ್ಯ ಅನ್ನುವುದು ಚಾಮಯ್ಯ ಮೇಷ್ಟ್ರಿಂದ ತಿಳಿದು ಬರುತ್ತದೆ. ತಾವೇ ಪಾತ್ರವಾಗಿ ಕಲಾಭಿಮಾನಿಗಳ ಹೃದಯಕ್ಕೆ ತಂಪನ್ನು ನೀಡ್ತಾ ಇದ್ದ ಈ ಮೇರು ನಟನ ಆತ್ಮಕ್ಕೆ ಶಾಂತಿ ದೊರಕಲಿ...

ಎರಡು ವಾಹಿನಿಗಳ ಈ ಪ್ರಯತ್ನ ನಿಜಕ್ಕೂ ಅದ್ಭುತ ...

ಬೆಳಕು

2012-01-20T11:04:00.002+05:00

ಚಿತ್ರ ಕೃಪೆ : ಸತೀಶ್ ಆಚಾರ್ಯ

ಹಾಗೇ ಸುಮ್ ಸುಮ್ನೇ ಹುಟ್ಟದ್ದು:( ಅಸಲಿಗೆ ಶಶಿ, ರವಿ. ರಫೀ ನನ್ನ ಕ್ಲೋಸ್ ಫ್ರೆಂಡ್ಸ್)
ನಲ್ಲೆ ಇದೀಗ ತಾನೆ ಮನೆ ಸೇರಿದೆ
ನೀನಿಲ್ಲಿಲ್ಲವೆಂಬುದು ನಾಬಲ್ಲೆ ಬಿಡು
ಅರೆರೆ... ಈವತ್ತು ಶಶಿ ಕೂಡ ಜೊತೆಗಿಲ್ಲ ನೋಡು!
ರವಿ ತನ್ನ ಲೋಕದಲ್ಲಿ ತಾನು ಮುಳುಗಿ ಭಾಳ ಹೊತ್ತಾಗಿದೆ;
ಮಹ್ಮದ ರಫೀ ಗಾನವದೇಕೋ ಸಮಾಧಾನಿಸಲಿಲ್ಲ!
ಸದ್ಯ ನೀರವ ಮೌನ ಆವರಿಸಿದೆ
ನಿನ್ನ ಮೆಸೇಜ್ ನ ಝೇಂಕಾರವೇ ನನ್ನ ಜೀವಾಳವಾಗಿದೆ
ನಿನೀಗ ಮೆಸೇಜ್ ನಿಲ್ಲಿಸಿದರೆ ನನ್ನೀ ಮನೆ ಸ್ಮಶಾನ
ನಾನು ಸಮಾಧಿಯೊಳಗಿನ ಶವ!
ಹೇಗೂ ಸೂರ್ಯನೊಂದಿಗೆ ನಿನ್ನ ಸಂಜೀವಿನಿ ಸಂದೇಶ ಬಂದೇ ಬರುತ್ತದಲ್ಲ
ನನ್ನ ಬದುಕಿಸಲು....!

ಬಸವರಾಜ್ ಮುದನೂರ್ ಟೀವಿ ನೈನ್ ವಾಹಿನಿಯ ವರದಿಗಾರ.. ಇದುಅ ಅವರು ಬರೆದ ಹನಿ ಗವನ. ಸಾಮಾನ್ಯವಾಗಿ ಫೆಸ್ ಬುಕ್ ಪ್ರಪಂಚದಲ್ಲಿ ತಮಗೆ ತೋಚಿದ್ದನ್ನು ಬರೆದು ಗೋಡೆಗೆ ಅಂಟಿಸಿ ಬಿಡ್ತಾರೆ. ಕವಿ ಮನಸ್ಸುಗಳು-ಭಾವುಕ ಹೃದಯಗಳು, ಕಠಿಣ ಧ್ವನಿಗಳು, ಅಭಿಮಾನದ ಪ್ರತಿರೂಪಗಳು ಅಲ್ಲಿ ಕಾಣ ಸಿಗುತ್ತದೆ. ನಂಗೆ ಟೀವಿ ಮಂದಿಯೂ ತುಂಬಾ ಕಡಿಮೆ ಸ್ನೇಹಿತರಾಗಿದ್ದಾರೆ. ಇದನ್ನು ವಿಷಾದದಿಂದ ಹೇಳ್ತಾ ಇಲ್ಲ. ಆದರೆ ಆದವರು ಸ್ನೇಹವನ್ನು ಅದರಲ್ಲೂ ಫೆಸ್ ಬುಕ್ :-) ಸ್ನೇಹವನ್ನು ಚೆನ್ನಾಗಿ ನಿಭಾಯಿಸ್ತಾ ಇದ್ದಾರೆ. ಅವರು ಪ್ರತಿಕ್ರಿಯೆಗಳು, ಅಭಿಪ್ರಾಯಗಳು ಸ್ವೀಕೃತವಾಗಿರುತ್ತದೆ. ತಮ್ಮ ಮನಾಸ್ಸಿನ ಭಾವನೆ ಹೇಳದೆ ಇದ್ರೂ ಬಸವರಾಜ್ ತಪ್ಪದೆ ಆನ್ ಲೈನ್ಗೆ ಬಂದಾಗ ಒಂದು ಲೈಕ್ ಕೊಡ್ತಾರೆ.ಕವಿ ಮನದ ಭಾವುಕ ಜೀವ ಬಸವರಾಜ್ ಅವರ ಚುಟುಕಗಳು ಓದಲು ಚಂದ-ಅದರ ಸವಿ ನಿಮಗೂ ನೀಡುವ ಇಚ್ಚೆಯಿಂದ ಒಂದು ಜೇನಿನ ಹನಿ ಕೊಟ್ಟಿದ್ದೇನೆ ಸವಿಯಿರಿ :-)

ನನ್ನ ಎಫ್ಬಿ ಸ್ನೇಹಿತರಲ್ಲಿ ಪರಶುರಾಮ್ ತಹಸಿಲ್ದಾರ್ ಸಹ ಒಬ್ರು. ಇವರು ಈ ಟೀವಿ ವರದಿಗಾರಗಿದ್ರು..ಈಗ ಪ್ರಾಯಶಃ ಜನಶ್ರೀ ಗೆ ಬಂದಿರ ಬೇಕು. ಆದರೆ ಅವರ ಗುಣವು ಬಸವರಾಜ್ ರೀತಿಯದ್ದು. ಟೀವಿ ಲೋಕ ಹಾಗೂ ಸಾಮಾನ್ಯರ ನಡುವಿನ ಗೋಡೆ ಕಟ್ಟಲು ಹೋಗಿಲ್ಲ. ಮುಂಜಾನೆ ನನ್ನ ತರಲೆ-ಗಂಭೀರ ಮಾತುಗಳಿಗೆ ಲೈಕ್ ಕೊಡುವ ಸ್ವಭಾವ. ಇನ್ನೇನೂ ಕೆಲಸ ಇರಲಿಕ್ಕಿಲ್ಲ . ಅವರ ಪ್ರೊಫೈಲ್ ಪಿಕ್ ನೋಡಿದರೆ ಪರಶುರಾಮ್ ಅನ್ನುವ ಬದಲು ಆರಾಮ್ ಅನ್ನಬಹುದು ಅಷ್ಟು ರಿಲಾಕ್ಸ್ ಡ್. ಹಾಗೆಂದು ನಾವು ಬರೆದದ್ದು ಅವರಿಗೆ ಇಷ್ಟ ಆಗ ಬೇಕು ಎಂದೇನೂ ಇಲ್ಲ. ನನ್ನ ವಾಲ್ಗೆ ಬಂದು ತಮ್ಮ ಸಮಯದಲ್ಲಿ ಪ್ರತಿಕ್ರಿಯೆ ತೋರುವ ಪ್ರತಿಯೊಬ್ಬರ ಬಗ್ಗೆ ನನಗೆ ಹೆಚ್ಚು ಗೌರವ.

ಜಯಪ್ರಕಾಶ್ ಶೆಟ್ಟಿ ಸುವರ್ಣ ನ್ಯೂಸ್ ಮಿತ್ರ. ಇಷ್ಟ ಆಗುವ ಸ್ವಭಾವ ಅಂದ್ರೆ ಹಾಡು, ಗಂಭೀರವಾದ ಮಾತು..ಅಭಿಪ್ರಾಯ ಯಾವುದೇ ಆಗಿರಲಿ ತಮ್ಮ ಪ್ರತಿಕ್ರಿಯೆ ತೋರುವ ಗುಣ.ಜೀಕನ್ನಡ ವಾಹಿನಿಯ ಗೌತಮ್ ಮಾಚಯ್ಯ.. ಎಫ್ಬಿಯಲ್ಲಿ ತಮ್ಮ ಅಭಿಪ್ರಾಯ ಹೆಚ್ಚು ಬರೆಯುವ ಮಿತ್ರರು. ವಿಶೇಷ ಅಂದ್ರೆ ಅವರು ನನ್ನ ಗೋಡೆ ಬರಹಕ್ಕೂ ತಮ್ಮ ಅಭಿಪ್ರಾಯ ತಪ್ಪದೆ ನೀಡ್ತಾರೆ. ಅದು ಅವರ ವಿಶೇಷಗುಣ. ತುಂಬಾ ವಿಷಯಗಳಲ್ಲಿ ನನಗೆ ಗೌತಮ್ ಅವರ ಕೆಲವು ಅಂಶಗಳು ಇಷ್ಟ ಆಗಿದೆ. ಅದನ್ನು ಅನುಸರಿಸುವ ಪ್ರಯತ್ನವನ್ನು ಸಹ ಮಾಡಿದ್ದೇನೆ... ಸ್ವಲ್ಪ ಮಟ್ಟಿನ ಯಶಸ್ಸು ಸಹ ಸಿಕ್ಕಿದೆ.

ಶ್ವೇತ ಮಠಪತಿ, ರಾಧ ಹಿರೇಗೌಡರ್, ರವಿ ಗೌಡ ( ಸುವರ್ಣ ನ್ಯೂಸ್ )... ಟೀವಿ ಮಂದಿ ಅನೇಕರಿದ್ದಾರೆ. ಅವರ ಹೆಸರು, ಅವರ ಬಗ್ಗೆ ಬರೆಯುವ ಹಾಗಿಲ್ಲ ಎಂದು ಹೇಳಿದ್ದಾರೆ ಸೊ ನಾನು ಹೆಚ್ಚು ಹೇಳಲಾರೆ.

ಟೀವಿ ಲೋಕದ ಬಗ್ಗೆ ಬರೆಯುವಾಗ ಸಾಕಷ್ಟು ಸಂಗತಿಗಳು , ಅದರಲ್ಲಿ ನಿರಂತರವಾಗಿ ಕೆಲಸ ಮಾಡುತ್ತಿರುವ ಮಂದಿ ಎಲ್ಲದರ ಬಗ್ಗೆ ಲೇಖನಗಳನ್ನು ಬರೆದುಕೊದುವುಕ್ಕಾಗಿ ಆಹ್ವಾನ ಬಂದಿದೆ. ಆದರೆ ಇನ್ನು ಮಾತುಕತೆ ಆಗಿಲ್ಲ. ಸಕಾರಾತ್ಮಕ ಫಲಿತಾಂಶ ಬಂದರೆ ಟೀವಿ ಹಾಗೂ ರೇಡಿಯೋ ರಂಗದವರ ಬಗ್ಗೆ ಮುಕ್ತ ಹಾಗೂ ಸಂತೋಷವಾಗಿ ಹೇಳಬಹುದು. ಮೂಳೆಗುಂಪಾಗಿರುವವರ ಬಗ್ಗೆ ಬೆಳಕು ತೋರಬಹುದು ನೋಡುವ.. ಏನಾಗುತ್ತೋ ? !

ಬೇವು- ಬೆಲ್ಲ !!

2012-01-16T13:08:00.001+05:00

Foto : Rk Pai

He says he knows everything in Jyothishya which shows he is not completely learnt about jyothishya because the primary thing a person who says all these should kill NANU in him which Narendra Babu is not done so he is still a learner and he always be.......

ಇದು ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುವ ಬ್ರಹ್ಮಾಂಡ ಸ್ವಾಮಿ ಬಗ್ಗೆ ಬಂದ ಒಂದು ಅಭಿಪ್ರಾಯ. ಹೆಚ್ಚು ವಿವಾದಿತ ಹಾಗೂ ಅತಿ ಹೆಚ್ಚು ಜನಪ್ರಿಯ ಜ್ಯೋತಿಷಿ ನರೇಂದ್ರ ಬಾಬು. ಅವರ ಒಂದು ಮಹತ್ವದ ಮಾತು ನಾನು ... ಆ ನಾನು ಹೋದರೆ ಹೋದೆನು ಎನ್ನುವ ಮಾತಿಗೆ ಬೆಲೆಕೊಡದ ಅನೇಕ ಸಾಧಕರಲ್ಲಿ ಇವರು ಸಹ ಒಬ್ರು. ಬಿಡಿ ಯಾರೇ ಕೂಗಾಡಿದ್ರು ಇವರ ವಾದ ಪ್ರತಿವಾದ, ಅಭಿಪ್ರಾಯ ಭಿನ್ನಾಭಿಪ್ರಾಯ ಯಾವುದರಲ್ಲೂ ಬದಲಾವಣೆ ಕಂಡಿಲ್ಲ.
ಸ್ವಾಮಿಜಿ, ಗುರುಗಳು ಹೀಗೆ ಮನುಷ್ಯ ಮಾತ್ರರು ಯಾರೇ ಆಗಿರಲಿ ಈ ನಾನು ಅನ್ನುವ ಅಂಶ ಎಂದಿಗೂ ಮರೆಯಾಗಲ್ಲ.
ನಾನು ಎನ್ನುವುದು ಅಹಂಕಾರದ ಪ್ರತೀಕ ಎನ್ನುವ ಮಾತಿದೆ. ಆದರೆ ನಿಮಗೆ ಗೊತ್ತಿದೆ ಎಂದು ತಿಳೀತೀನಿ ಮತ್ತೊಮ್ಮೆ ಹೇಳ್ತೀನಿ ಅನ್ನುವ ಮಾತು ಸಹ ಅಹಂಕಾರವನ್ನು ಸೂಚಿಸುತ್ತದೆ . ನಿಜ ಕಣ್ರೀ ! ಆದ್ದರಿಂದ ನಾನು ಅಂತ ಹೇಳ್ತಾ ಇರ್ಲಿ..ಅವರ ಮಾತು ಕೇಳುವ ಅವರುಗಳ ಸಂಖ್ಯೆ ಹೆಚ್ಚಾಗಿರುವಾಗ 'ನಾವು ' ಗಳು ಸುಮ್ಮನಿರುವುದು ಒಳಿತು :-)

ನಾವು ಯಾವುದೇ ಬಗೆಯ ಸಾಧನೆ, ಕೆಲಸ -ಕಾರ್ಯ ಏನೇ ಮಾಡಿದರು ಅಂತಿಮವಾಗಿ ಬಯಸುವುದು ಒಂದು ಒಳ್ಳೆಯ ಊಟವನ್ನು. ಬದುಕಿನ ಮಹತ್ವದ ಕ್ಷಣ ಅದು. ಆ ಅಡುಗೆ ಮಾಡುವ ಕಲೆ ಸಿದ್ಧಿಸುವುದು ಬಹಳ ಕಷ್ಟ ಅದನ್ನು ನಾನು ಸ್ವಲ್ಪ ಮಟ್ಟಿಗಾದರೂ ಪಡೆದಿದ್ದೇನೆ. ಅಂತಹ ಒಂದು ಸೌಭಾಗ್ಯ ನನಗೆ ಕಲ್ಪಿಸಿ ಕೊಟ್ಟಿದ್ದು ಮಾಸ್ಟರ್ ಶೆಫ್ ಎನ್ನುವ ಮಾತನ್ನು ಇತ್ತೀಚಿಗೆ ಸ್ಟಾರ್ ಪ್ಲಸ್ ವಾಹಿನಿಯಲ್ಲಿ ಗ್ರಾಂಡ್ ಫಿನಾಲೆ ಕಂಡ ಮಾಸ್ಟರ್ ಶೆಫ್-2 ನಲ್ಲಿ ಅತಿಥಿಯಾಗಿ ಬಂದಿದ್ದ ಮಾಸ್ಟರ್ ಶೆಫ್-1 ರ ಟಾಪ್ ಫೈವ್ ನಲ್ಲಿ ಒಬ್ಬರಾಗಿದ್ದ ಸ್ಪರ್ಧಿ . ( ಅವರ ಹೆಸರು ಮರೆತಿದೆ ) ,ಅಯ್ಯೋ ಅಡುಗೆನ ಎಂದು ಮೂಗುಮುರಿಯುವವರಿಗೂ ಒಳ್ಳೆಯ ಊಟ ಬೇಕು ಅಲ್ವ!

ಈ ಕಾರ್ಯಕ್ರಮ ಆದ ಬಳಿಕ ಕನ್ನಡ ವೆಬ್ ಪತ್ರಿಕೆಯಾದ ದಟ್ಸ್ ಕನ್ನಡ ದಲ್ಲಿ ನನ್ನ ಪತ್ರಕರ್ತ ಮಿತ್ರ ಪ್ರಸಾದ್ ನಾಯಿಕ ಇದಕ್ಕೆ ಸಂಬಂಧಿಸಿದಂತೆ ಒಳ್ಳೆಯ ಲೇಖನ ಬರೆದಿದ್ರು. ಅದು ತುಂಬಾ ಇಷ್ಟ ಆಗಿತ್ತು ನನಗೆ. ಎಲ್ಲ ವಿಭಾಗಳಲ್ಲೂ ಕಾರ್ಯನಿರತ ಆಗಿರುವ ಒಳ್ಳೆಯ ಪತ್ರಕರ್ತ ಮಿತ್ರರು ಇದ್ದಾರೆ. ಕೆಲವರು ಹೆಚ್ಚು ಆಪ್ತ ಎನ್ನಿಸುವ ಸ್ವಭಾವ ಹೊಂದಿದ್ದಾರೆ. ಅದರಲ್ಲಿ ಪ್ರಸಾದ್ ನಾಯಿಕ ಸಹ ಒಬ್ರು.ಕೆಲಸದ ಶ್ರದ್ಧವಂತಿಕೆ ಇರುವ , ಸೆನ್ಸಿಟೀವ್ ಆದ ಸ್ವಭಾವ ಹೊಂದಿರುವ ವ್ಯಕ್ತಿತ್ವ. ಪ್ರತಿಬಾರಿಯೂ ಅವರನ್ನು ಗೌರವಿಸಲೇ ಬೇಕು ಎನ್ನುವ ವರ್ತನೆ. ನಮ್ಮಿಬ್ಬರದು ಮೇಲ್ಇಲ್ಲವೇ ಸಂದೇಶಗಳ ಮೂಲಕವಷ್ಟೇ ಮಾತು ಕತೆ. ಇತ್ತೀಚಿನ ಕೆಲವು ತಿಂಗಳುಗಳಿಂದ ಅವರು ವಹಿಸಿದ್ದ ಕೆಲಸ ಒಂದನ್ನು ಅರ್ಧಕ್ಕೆ ನಿಲ್ಲಿಸಿದ್ದೇನೆ, ಆದರೂ ನನ್ ಮೇಲೆ ಕೋಪ ಮಾಡಿಕೊಂಡಿಲ್ಲ :-) .
ಅವರು ಮಾಸ್ಟರ್ ಶೆಫ್ ಗೆ ಸಂಬಂಧಿಸಿದ೦ತೆ ಬರೆದ ಲೇಖನದ ಲಿಂಕ್ ಇಲ್ಲಿದೆ ಕ್ಲಿಕ್ಕಿಸಿ
http://kannada.oneindia.in/movies/tv/2012/01/02-master-chef-shazia-bangalore-humanity-aid0038.html

ಟೀವಿ ನೈನ್ ವಾಹಿನಿಯಲ್ಲಿ ಇತ್ತೀಚಿಗೆ ನಾಲ್ಕು ವರ್ಷದ ಕುಡುಕ ಮಗುವಿನ ಬಗ್ಗೆ ಪ್ರಸಾರ ಮಾಡಿದ್ರು. ಅತ್ಯಂತ ಕರುಳು ಕಿವಿಚುವ ಕಾರ್ಯಕ್ರಮ. ಅಜ್ಜ-ಅಪ್ಪಂದಿರ ಬೇಜವಾಬ್ದಾರಿತನದಿಂದ ಆ ಮಗು ಮದ್ಯ ವ್ಯಸನಿ ಆಗಿದೆ . ತುಂಬಾ ದುಃಖ ಆಯ್ತು ನಂಗೆ ಆ ಕಾರ್ಯಕ್ರಮ ವೀಕ್ಷಿಸಿ. ನೇರವಾಗಿ ನಿಲ್ಲಲು ಸಾಧ್ಯ ಇಲ್ಲದಷ್ಟು ಬ್ಯಾಲೆನ್ಸ್ ತಪ್ಪಿತ್ತು -ತಪ್ಪುತ್ತಿತ್ತು. ವೈದ್ಯರ ಪ್ರಕಾರ ಇದೆ ರೀತಿಯ ವಾತಾವರಣ ಮುಂದುವರೆದರೆ ಆ ಮಗು ಹತ್ತು ವರ್ಷದ ಜನ್ಮದಿನ ಕಾಣುವುದು ಸಂಭವ ಇಲ್ಲವಂತೆ.ಯಾಕೆ ತುಂಬಾ ದುಃಖ ಅನ್ನಿಸಿತು.
ಜನಶ್ರೀ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿರುವ ನಮ್ ಊರು ಬೆಂಗಳೂರಿನಲ್ಲಿ ಇತಿಹಾಸಕಾರ ಸುರೇಶ ಮೂನ ಅವರ ನಿರೂಪಣೆಯ ಜೊತೆ ಅವರು ತಿಳಿಸುವ ವಿಷಯಗಳ ಮಾಹಿತಿಯು ಅಕ್ಷರ ರೂಪದಲ್ಲಿ ಪ್ರಸಾರ ಆಗ್ತಾ ಇರೋದು ಕಂಡು ಹ್ಯಾಪಿ ಆಯ್ತು.. ನಿಜಕ್ಕೂ ಒಳ್ಳೆಯ ಪ್ರಯತ್ನ.. ಗುಡ್.
ಮತ್ತೊಂದು ಸಂಗತಿ ನಿನ್ನೆ ಎಲ್ಲ ವಾಹಿನಿಗಳು ಮಕರ ಸಂಕ್ರಾಂತಿ ಬಗ್ಗೆ ಸುದ್ದಿ ಹೇಳ್ತಾನೆ ಇತ್ತು. ಜನಶ್ರೀ ವಾಹಿನಿಯಲ್ಲಿ ಕಂಡ
ಒಂದು ವಿಸ್ಮಯ ನಾನು ಹಂಚಿಕೊಳ್ಳಲೇ ಬೇಕು. ಎಲ್ಲಾ ವಾಹಿನಿ ಎಳ್ಳು- ಬೆಲ್ಲದ ಬಗ್ಗೆ ಹೇಳಿದ್ರೆ ಇವರು ಮಾತ್ರ ವಾರ್ತೆಗಳಲ್ಲಿ ಕಾಣ ಸಿಗುವ ಶೀರ್ಷಿಕೆಗಳಲ್ಲಿ ಎಳ್ಳು ಬೆಲ್ಲದ ಬದಲು ಬೇವು- ಬೆಲ್ಲ ಎಂದು ಪ್ರಸಾರ ಮಾಡ್ತಾ ಇ ದ್ರು
.. ಆ ವಾರ್ತೆಯನ್ನು ವೀಣ ಪೂಜಾರಿ ಓದ್ತಾ ಇದ್ರೂ. ಪಾಪ ಆಕೆಯದೆನು ತಪ್ಪಿಲ್ಲ ಬಿಡಿ ..ಎಲ್ಲ ಮಿಸ್ಟೇಕೂ... ಮೇಲೆ ಕಾಣ ಸಿಗುತ್ತಿದ್ದ ಶೀರ್ಷಿಕೆ ಗಳದ್ದು :-)

ಗೊತ್ತಿರ ಬೇಕಲ್ವ ?

2012-01-15T07:34:00.000+05:00

ಸಮಸ್ತ ಸರ್ವರಿಗೂ ಎಳ್ಳು-ಬೆಲ್ಲ ಹಬ್ಬದ ಹಾರ್ದಿಕ ಶುಭಾಶಯಗಳು... ಎಳ್ಳು ಬೆಲ್ಲ ತಿಂದು ಒಳ್ಳೆ ಮಾತಾಡಿ ಎನ್ನುವ ಅತ್ಯುತ್ತಮ ಮಾತು ಹೇಳಿಕೊಟ್ಟಿದ್ದಾರೆ ಹಿರಿಯರು.ಒಳ್ಳೆ ಮಾತು- ಉತ್ತಮ ಯಶಸ್ಸು, ಸುಂದರ ನನಸಾದ ಕನಸುಗಳು ನಿಮ್ಮ ಬಾಳನ್ನು ಬೆಳಗಲಿ ಎಂದು ಹಾರೈಸುತ್ತೇನೆ... ಮಕರ ಸಂಕ್ರಾಂತಿ ಹಬ್ಬದ ಹಾರ್ದಿಕ ಶುಭಕಾಮನೆಗಳು :-) ಯಶಸ್ಸು ಸದಾ ನಿಮ್ಮ ಜೊತೆಯಾಗಿರಲಿ.

ನಮ್ಮ ವಾಹಿನಿಗಳು ಎರಡು -ಮೂರು ದಿನದಿಂದ ಮಕರ ಸಂಕ್ರಾಂತಿಯ ಶುಭಾಶಗಳು, ಅದಕ್ಕೆ ಪೂರಕವಾದ ಕಾರ್ಯಕ್ರಮಗಳನ್ನು ಸಿದ್ಧ ಮಾಡಿ ವೀಕ್ಷಕರ ಕೈಗೆ ಇಡ್ತಾ ಇದೆ. ಫೈನ್. ಅದೇ ರೀತಿ ಈಟೀವಿ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುವ ಸುಂದರ ಸೆಲೆಬ್ರಿಟಿ ಷೋ ರಾಜ-ರಾಣಿ -ರಮೇಶ್ ರಿಯಾಲಿಟಿ ಷೋ ನಲ್ಲೂ ನಿನ್ನೆ ಸ ಸಂಕ್ರಾಂತಿ ಹಬ್ಬದ್ದೆ ಕಾರು-ಬಾರು.ನಿರೂಪಕ ರಮೇಶ್ ಈ ಕಾರ್ಯಕ್ರಮದ ಮುಖ್ಯ ಆಕರ್ಷಣೆ. ಇನ್ನು ಕಾರ್ಯಕ್ರಮದ ಹೂರಣದ ಬಗ್ಗೆ ಗಮನ ನೀಡುವಾಗ ಒಂದು ಸಂಗತಿ ಹೇಳಲೇ ಬೇಕು .ಅದೇನೋ ಗೊತ್ತಿಲ್ಲಪ್ಪ.. ಈ ಪ್ರಶ್ನೆಗಳನ್ನು ಸಿದ್ಧ ಮಾಡುವವರುಅದರ ಕಡೆಗೆ ಇರಲ್ಲವಲ್ಲ ಎಂದು ಸಾಕಷ್ಟು ಸರ್ತಿ ಅನ್ನಿಸಿದೆ. ಯಾಕೆ ಅಂದ್ರೆ ಈ ಕಾರ್ಯಕ್ರಮದ ಪ್ರಶ್ನೆ ಸಂಕ್ರಾತಿ ಯಾವ ಮಾಸದಲ್ಲಿ ಬರುವ ಹಬ್ಬ ಎನ್ನುವ ಪ್ರಶ್ನೆ ಇತ್ತು. ಅದಕ್ಕೆ ನಾಲ್ಕು ಉತ್ತರ ಕೊಟ್ಟಿದ್ರು. ಪುಷ್ಯ ಮಾಸ ಸರಿಯಾದ ಉತ್ತರ. ಆದರೆ ಸ್ಪರ್ಧಿ ಅದನ್ನು ಮಾಘ ಮಾಸ ಎನ್ನುವ ಉತ್ತರ ನೀಡಿದರು. ಕಂಪ್ಯೂ ಟರ್ ನಲ್ಲಿ ಸಹ ಅದೇ ಉತ್ತರ ಫೀಡ್ ಆಗಿತ್ತು. ಸ್ಪರ್ಧಿಗಳಿಗೆ ಸರಿಯಾದ ಉತ್ತರ ಗೊತ್ತಿರಬೇಕು ಎಂದೇನೂ ಇಲ್ಲ ಆದರೆ ವಾಹಿನಿಯ ಕಾರ್ಯಕ್ರಮ ನಿರ್ವಾಹಕರು, ಪ್ರಶ್ನೆಗಳನ್ನು ಸಿದ್ಧ ಪಡಿಸುವವರು, ಕಂಪ್ಯೂಟರ್.. ಇವರಿಗೆ ಉತ್ತರ ಗೊತ್ತಿರ ಬೇಕಲ್ವ ?

ನಿನ್ನೆ ಸಮಯ ವಾಹಿನಿಯಲ್ಲಿ ಬಂದಂತಹ ಮಾಸ್ಟರ್ ಶೆಫ್ ಸೀಸನ್ -2 ಬಗ್ಗೆ ಒಂದು ಕಾರ್ಯಕ್ರಮ ಸಿದ್ಧ ಮಾಡಿತ್ತು. ಇತ್ತಿಚೆಗಷ್ಟೇ ಆ ಕಾರ್ಯಕ್ರಮ ಮುಗಿದು ಕೋಟಿ ರೂಪಾಯಿ ಶಿಪ್ರ ಎನ್ನುವ ಹೆಣ್ಣುಮಗಳ ಕೈ ಸೇರಿತ್ತು. ಈ ಕಾರ್ಯಕ್ರಮವನ್ನು ಕನ್ನಡೀಕರಿಸಿ ಕನ್ನಡ ವೀಕ್ಷಕರ ಕೈಲಿ ಇಡುವ ಪ್ರಯತ್ನ ಒಳ್ಳೆಯದೇ. ಯಾಕೆ ಅಂದ್ರೆ ಹೆಚ್ಚಿನ ವೀಕ್ಷಕರು ಹಿಂದಿ ವಾಹಿನಿ ಕಡೆ ಕಣ್ಣೆತ್ತಿಯೂ ನೋಡಲ್ಲ. ಹಾಗಂತ ಸದಾ ಹಿಂದಿ ಕಾರ್ಯಕ್ರಮಗಳನ್ನು ಕನ್ನಡ ವೀಕ್ಷಕರಿಗೆ ನೀಡ್ ಬ್ಯಾ ಡ್ರ ಪ್ಪೋ :-)

ಬೆಂಗಳೂರು

2012-01-12T11:45:00.033+05:00

ಅಖಂಡ ಭಾರತಕ್ಕೆ ಮಾತ್ರವಲ್ಲ ಮನುಕುಲಕ್ಕೆ ಮಾದರಿ ಆಗಿರುವ ಅತ್ಯಮೋಘ ವ್ಯಕ್ತಿತ್ವ , ನಿಸ್ಸಾಹಯಕ ಮನದ ಸಂಜೀವಿನಿ ಆಗಿರುವ ಜೀವಸೆಲೆ ಸ್ವಾಮಿ ವಿವೇಕಾನಂದ ಅವರ 150 ನೇ ಜನ್ಮದಿನ ಇಂದು. ಜನ್ಮದಿನದ ಹಾರ್ದಿಕ ಶುಭಾಶಯಗಳು ಗುರುಜೀ .. ವಿ ಲವ್ ಯು ಎವರ್ ಅಂಡ್ ಫಾರೆವರ್ ... :-)

Manju Vhp

ವಿಶ್ವಧರ್ಮ ಸಮ್ಮೇಳನ ಮುಗಿಸಿ ಸ್ವಾಮಿ ವಿವೇಕಾನಂದರು ಹಡಗಿನಲ್ಲಿ ವಾಪಸ್ಸಾಗುತ್ತಿರುತ್ತಾರೆ. ಅದೇ ಹಡಗಿನಲ್ಲಿ ಇಬ್ಬರು ಪಾದ್ರಿಗಳು ಮತಾಂತರ ಮಾಡಲು ಭಾರತಕ್ಕೆ ಆಗಮಿಸುತ್ತಿರುತ್ತಾರೆ. ವಿವೇಕಾನಂದರನ್ನು ಕಂಡ ಅವರು ಬಹಳ ಕೀಳಾಗಿ ಮಾತನಾಡಲು, ನಿಂದಿಸಲು ಆರಂಭಿಸುತ್ತಾರೆ. ವಿವೇಕಾನಂದರು ಏನೂ ಮಾತನಾಡುವುದಿಲ್ಲ. ಕೊನೆಗೆ ಪಾದ್ರಿಗಳು ಹಿಂದು ಧರ್ಮವನ್ನು, ಭಾರತವನ್ನು, ಭಾರತೀಯರನ್ನು ನಿಂದಿಸಲು ಆರಂಭಿಸುತ್ತಾರೆ. ಅದುವರೆಗೂ ಸುಮ್ಮನಿದ್ದ ದೃಢಕಾಯರಾದ ವಿವೇಕಾನಂದರು ಕುಪಿತಗೊಂಡು ಪಾದ್ರಿಗಳಿಬ್ಬರ ಕುತ್ತಿಗೆ ಪಟ್ಟಿ ಹಿಡಿದೆಳೆದು, ‘ಭಾರತ ಹಾಗೂ ಭಾರತೀಯರ ಬಗ್ಗೆ ಇನ್ನೊಂದು ಕೆಟ್ಟ ಮಾತನಾಡಿದರೆ ಸಮುದ್ರಕ್ಕೆಸೆಯುತ್ತೇನೆ’ ಎನ್ನುತ್ತಾರೆ. ಅವಕ್ಕಾದ ಪಾದ್ರಿಗಳು ಬಾಯಿಮುಚ್ಚಿಕೊಳ್ಳುತ್ತಾರೆ. ಆದರೆ ಇದನ್ನು ಕಂಡು ವಿವೇಕಾನಂದರ ಶಿಷ್ಯಂದಿರಿಗೇ ಆಶ್ಚರ್ಯವಾಗುತ್ತದೆ ‘ನೀವೊಬ್ಬ ಸ್ವಾಮಿಯಾಗಿ ಈ ರೀತಿ ಕೋಪಿಸಿಕೊಳ್ಳುವುದು, ಹಿಂಸಿಸಲು ಹೋಗುವುದು ಸರಿಯೇ?’ ಎಂದು ಪ್ರಶ್ನಿಸುತ್ತಾರೆ. ಆಗ ವಿವೇಕಾನಂದರು ಉತ್ತರಿಸುವ ಬದಲು ಶಿಷ್ಯಂದಿರನ್ನೇ ಪ್ರಶ್ನಿಸುತ್ತಾರೆ- ‘ನಿಮ್ಮ ತಾಯಿಯನ್ನು ಯಾರಾದರೂ ಕೆಣಕಿದರೆ, ಅವಮಾನಿಸಿದರೆ ಸುಮ್ಮನಿರುತ್ತೀರಾ? ಹಾಗೆ ಭಾರತ ಮಾತೆ ಕೂಡ ನನ್ನ ತಾಯಿ, ಭಾರತೀಯರು ನನ್ನ ಬಂಧುಗಳು. ಅವರನ್ನ ನಿಂದಿಸಿದರೆ, ಅಪಮಾನಿಸಿದರೆ ಸುಮ್ಮನಿರುವುದಕ್ಕಾಗುತ್ತದಾ?’ ಎನ್ನುತ್ತಾರೆ. ಮತಾಂತರದ ಬಗ್ಗೆ ಅವರು ಹೇಳಿದ್ದೇನು ಗೊತ್ತೆ?-”ಹಿಂದುವೊಬ್ಬ ಮತಾಂತರಗೊಂಡರೆ ನಮ್ಮ ಸಂಖ್ಯೆಯಲ್ಲಿ ಒಂದು ಕಡಿಮೆಯಾಗುವುದು ಮಾತ್ರವಲ್ಲ, ಒಬ್ಬ ಶತ್ರುವು ಸೃಷ್ಟಿಯಾದಂತೆ”. ಇಂತಹ ಸ್ವಾಮಿ ವಿವೇಕಾನಂದರು ಜನಿಸಿದ್ದು 1863, ಜನವರಿ 12ರಂದು. ಇದೇ ತಿಂಗಳ 12ಕ್ಕೆ ಅವರ 150ನೇ ಜನ್ಮದಿನ. ಈ ದೇಶ ಹಾಗೂ ಸನಾತನ ಧರ್ಮವನ್ನು ತಾಯಿಯಂತೆ ಪ್ರೀತಿಸುವುದು, ಪೂಜಿಸುವುದು, ರಕ್ಷಿಸುವುದೇ ಅವರಿಗೆ ನಾವು ತೋರುವ ನಿಜವಾದ ಗೌರವ.

ಫೇಸ್ ಬುಕ್ ವಾಲ್ ನಲ್ಲಿ ಗುರೂಜಿ ಅವರ ನುಡಿ ಹಾಗೂ ಅವರದೊಂದು ಚಿತ್ರಪಟವನ್ನು ಅಂಟಿಸಿದಾಗ ಅವರನ್ನೇ ಆದರ್ಶವಾಗಿಟ್ಟುಕೊಂಡ ಅಪಾರ ಸಂಖ್ಯೆ ಯಲ್ಲಿ ಒಬ್ಬರಾದ ಮಂಜು ಅವರು ತಮ್ಮ ಮನದ ಮಾತು ತಿಳಿಸಿದ್ದು ಹೀಗೆ. ಇದೆ ಅಲ್ವ ನಮ್ಮ ಮನಸ್ಸಿನ ಮಾತು .

ಜನಶ್ರೀ ವಾಹಿನಿ ಅತ್ಯುತ್ತಮವಾದ ಪ್ರಯತ್ನದತ್ತ ಗಮನ ಹರಿಸಿದೆ. ನಮ್ಮ ಊರು ಬೆಂಗಳೂರು. ಇದು ಕಾರ್ಯಕ್ರಮದ ಹೆಸರು. ಅಲ್ಲಿ ಇಷ್ಟ ಆಗುವ ಸಂಗತಿ ಅಂದ್ರೆ ನಮ್ಮ ಊರು ,ನಮಗೆ ಬದುಕುಕು, ಅಸ್ತಿತ್ವ ನೀಡಿದ ಊರು ಬೆಂಗಳೂರಿನ ಸಮಗ್ರ ಚಿತ್ರಣದ ಕಥೆಯನ್ನು ಇತಿಹಾಸಕಾರ ಸುರೇಶ ಮೂನ ಅವರ ನೇತೃತ್ವದಲ್ಲಿ ಪ್ರಸಾರ ಆಗ್ತಾ ಇದೆ.

ಇಡೀ ವಿಶ್ವದಲ್ಲಿ ತನ್ನದೇ ಆದ ವಿಶಿಷ್ಟವಾದ ಸ್ಥಾನ ಪಡೆದ ಊರು ಬೆಂಗಳೂರು. ಬೇಗೂರು, ಬೆಂದಕಾಳೂರು, ಬೆನ್ಗಾವಲೂರು ಹೀಹೆ ಹಲವಾರು ಹೆಸರಿನ ಮೊಲಕ ನಿಜಕಥೆ, ದಂತಕಥೆ, ಇತಿಹಾಸ, ಪುರಾಣಗಳ ನೆಲೆವೀಡು ನಮ್ಮ ಪ್ರೀತಿಯ ಊರು. ಇದರ ಬಗ್ಗೆ ಇರುವ ಇತಿಹಾಸದ ವಿಸ್ಮಯಗಳ ಬಗ್ಗೆ ಸಾಕಷ್ಟು ಜನರಿಗೆ ತಿಳಿಯುವ ಆಸಕ್ತಿ ಇದೆ. ಅವರ ಈ ಆಶಯವನ್ನು ಪೂರ್ಣಗೊಳಿಸುವಲ್ಲಿ ಈ ಕಾರ್ಯಕ್ರಮ ಸಫಲವಾಗಿದೆ.

ಆದರೆ ... ಆದರೆ ...ಒಂದು ಸಂಗತಿ ಹೇಳಲೇ ಬೇಕಾಗಿದೆ. ಈ ರೀತಿಯ ಕಾರ್ಯಕ್ರಮಗಳನ್ನು ಅನೇಕ ಸರ್ತಿ ವೀಕ್ಷಕರು ಆರಂಭದಿ0ದ ನೋಡಿರುವುದಕ್ಕೆ ಆಗಲ್ಲ. ಅಲ್ಲದೆ ಕೆಲವು ಬಾರಿ ಅವರು ಅದನ್ನು ವೀಕ್ಷಿಸುವಾಗ ವಿಷಯವನ್ನು ಶೀಘ್ರವಾಗಿ ಗ್ರಹಿಸುವುದಕ್ಕೆ ಆಗದು. ನಿರೂಪಕರು ಹೇಳುತ್ತಿರುವ ಸ್ಥಳ ಯಾವುದು ಎನ್ನುವುದು ಅವರಿಗೆ ತಿಳಿಯುವುದು ಕಷ್ಟಕರ . ನನ್ನ ವಿನಂತಿ ಏನೆಂದರೆ ಕಾರ್ಯಕ್ರಮದಲ್ಲಿ ತಿಳಿಸುವ ಸ್ಥಳ ಈಗಿನ ಬೆಂಗಳೂರಿನಲ್ಲಿ ಯಾವ ಸ್ಥಳದ ಸಮೀಪ ಇದೆ ಎನ್ನುವುದನ್ನು ಅಕ್ಷರಗಳ ಎರಡು ಮೂರು ಬಾರಿ ವಿವರಣೆ ಸಮಯದಲ್ಲಿ ಪ್ರಸಾರಿಸಿ. ಆಗ ವೀಕ್ಷಕರಿಗೆ ಹೆಚ್ಚು ಅರ್ಥ ಆಗುತ್ತದೆ. ನಿಮ್ಮ ಪ್ರಯತ್ನವು ಮತ್ತಷ್ಟು ಫಲಕಾರಿ ಆಗುತ್ತದೆ
ಉದಾ : ಕೆಂಪಾಂಬುಧಿ ಕೆರೆ ಬಗ್ಗೆ ಹೇಳುವಾಗ ಅದು ಈಗ ಯಾವ ಸ್ವರೂಪದಲ್ಲಿದೆ, ಎಲ್ಲಿದೆ ಎಂಬುದು ತಿಳಿಸಿದರೆ ಅತ್ಯುತ್ತಮ . ಹೆಚ್ಚು ಮಾಹಿತಿ ನೀಡಿದಷ್ಟು ಹೆಚ್ಚು ಉತ್ತಮ ಅಲ್ವ !
ನಿಮ್ಮ ಈ ಪ್ರಯತ್ನ ಅತ್ಯುತ್ತಮವಾಗಿದೆ... ಮಾಹಿತಿ ಹೆಚ್ಚು ಹೆಚ್ಚು ನಿಮ್ಮಿಂದ ಸಿಗಲಿ ವೀಕ್ಷಕರಿಗೆ ಇದೆ ನನ್ನ ಹಾಗೂ ನನ್ನಂತಹ ಅನೇಕ ವೀಕ್ಷಕರ ಆಶಯ .

ತರಲೆ...!

2012-01-09T11:55:00.000+05:00

ಭಾರತದ ಸಾಂಪ್ರದಾಯಿಕ -ಗ್ರಾಮೀಣ ಆಟಗಳು ಅನೇಕ. ಚನ್ನೆ ಮಣೆ , ಚೌಕ ಬಾರಾ, ಹಗ್ಗದಾಟ, ... ಹೀಗೆ ಹಲವಾರು ಇದೆ. ಅದೇ ರೀತಿ ಕೆಲವು ಆಟಗಳು ,ಅಥವಾ ಹವ್ಯಾಸಗಳು ಸಹ ಎಲ್ಲರ ಮೆಚ್ಚಿನದ್ದಾಗಿರುತ್ತೆ. ಅದರಲ್ಲಿ ಪದಬಂಧ ಬಿಡಿಸೋದು ಸಹ ಒಂದು. ಪದಬಂಧದ ವಿಷಯ ಕ್ಕೆ ಬರುವುದಾದರೆ ಇದನ್ನು ರಚಿಸುವ ಅನೇಕ ಖ್ಯಾತನಾಮರಲ್ಲಿ ಎ.ಎನ್.ಪ್ರಹಲ್ಲಾದ್ ಸಹ ಒಬ್ರು. ನನ್ನ ಕಸಿನ್ ಅವರು. ಪದಬಂಧದ ಪಿತಾಮಹ ಎನ್ನುವ ಅವಾರ್ಡ್ ಹೊಂದಿರುವ ವರು. ಸರ್ಕಾರಿ ಅಧಿಕಾರಿ.
ಪದಬಂಧದ ಜೊತೆಗೆ ಡಾ ರಾಜ್ ಕುಮಾರ್ ಅವರ ಬಗ್ಗೆ ಹಾಗೂ ಚಿತ್ರರಂಗಕ್ಕೆ ಸಂಬಂಧಿಸಿದಂತೆ ಪುಸ್ತಕಗಳನ್ನು ಬರೆದಿರುವ ಪ್ರಹ್ಲಾದ್ ... ಅವರನ್ನು ನಾವೆಲ್ಲಾ ಅ.ನಾ. ಪ್ರ. ,ಇಲ್ಲವೇ ಎ.ಎನ್.ಪಿ ಎಂದೇ ಕರೆಯೋದು. ಸ್ವಲ್ಪ ಹೆಚ್ಚೇ ನನ್ನಿ0ದ ತಲೆ ತಿನ್ನಿಸಿಕೊಳ್ಳುವ ಅಣ್ಣ ಅವರು.

ಕಳೆದ ಕೆಲವು ತಿಂಗಳಿನಿಂದ ನನ್ನ ಬದುಕಲ್ಲಿ ಆದ-ಆಗುತ್ತಿರುವ ಏರುಪೇರಿನ ಬಗ್ಗೆ ಇತ್ತೀಚೆಗೆ ಮೊಟ್ಟಮೊದಲ ಬಾರಿ ಹೇಳುವಾಗ ತುಂಬಾ ಅಳು ಬಂದಿತ್ತು. ಹಾಗೆಲ್ಲ ಅಳುವ ಪೈಕಿ ನಾನಲ್ಲ...:-) ಆದರೂ !

ಪದಬಂಧ ಯಾವ ರೀತಿ ಎಲ್ಲರ ಗಮನ ಸೆಳೆದ ಆತ.. ಚಟುವಟಿಕೆಯೂ ಅದೇ ರೀತಿ ಕೆಲವು ಆಟಗಳು ಸದಾ ಕಾಲವು ಹಸಿರಾದ, ಆಹ್ಲಾದಕರವಾದ ಭಾವನೆಯನ್ನು ಮೂಡಿಸುವಂತಹುದ್ದಾಗಿದೆ. ಅಂತಹ ವಿನೂತನ ಪ್ರಯತ್ನವನ್ನು ಜೀಟೀವಿ ಕನ್ನಡ ವಾಹಿನಿ ಮಾಡಿದೆ.

ಜೀ ಟೀವಿ ಕನ್ನಡ ವಾಹಿನಿಯಲ್ಲಿ ಸ್ವಲ್ಪ ಹೆಚ್ಚೇ ಆಸಕ್ತಿ ಮೂಡಿಸುವ ಕಾರ್ಯಕ್ರಮ ಯಾರಿಗುಂಟು ಯಾರಿಗಿಲ್ಲ. ಹಾಗೆ ಸುಮ್ನೆ ನೋಡ್ತಾ ಇದ್ರೆ ಇಷ್ಟೇನಾ ಇದರ ಕಥೆ ಎಂದು ಅನ್ನಿಸುತ್ತದೆ. ಆದರೆ ಆ ಆಟದ ಜೊತೆಗೆ ಈಗ ಮತ್ತೊಂದಷ್ಟು ಹಳೆಯ ಗ್ರಾಮೀಣ , ಎವರ್ ಗ್ರೀನ್ ಆಟಗಳನ್ನು- ಪಂದ್ಯಗಳನ್ನು ಅಳವಡಿಸಿದ್ದಾರೆ .ಆಲಿ ಕಲ್ಲು,ಕುಂಟೋ ಬಿಲ್ಲೆ...!
ಶ್ವೇತ ಚೆಂಗಪ್ಪ ಇದರ ಮತ್ತೊಂದು ಪ್ರಮುಖ ಆಕರ್ಷಣೆ.. ಅವರ ರೂಪ ಕೆಲವರಿಗೆ.. ಅವರು ಧರಿಸುವ ಉಡುಗೆತೊಡುಗೆ ನಮ್ಮಂತಹ ಹೆಣ್ಣುಮಕ್ಕಳಿಗೆ..;-)

ಜೀಟೀವಿ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುವ ಕುಣಿಯೋಣ ಬಾರಾ ರಿಯಾಲಿಟಿ ಷೋ ನಲ್ಲಿ ಇತ್ತೀಚೆಗೆ ಹಾಸ್ಯರಸ ಒಳಗೊಂಡ ಡ್ಯಾನ್ಸ್ ಕಾ೦ಪಿಟೇಶನ್ ನಡಿಯಿತು. ಅದರಲ್ಲಿ ಎಲ್ಲಾ ಸ್ಪರ್ಧಿಗಳಿಗಿಂತ ನಿರೂಪಕ ವಿನಾಯಕ ಜೋಶಿ ಧರಿಸಿದ್ದ ಉಡುಗೆ ತುಂಬಾ ಚೆಂದಿತ್ತು. ಹುಟ್ಟು ಕಲಾವಿದ ಜೋ..ಅತ್ಯದ್ಭುತ ರೀತಿಯಲ್ಲಿ ಕಾರ್ಯಕ್ರಮದ ನಿರೂಪಣೆ ಮಾಡ್ತಾರೆ. ಸ್ವಲ್ಪ ಜಾಸ್ತಿ ಹುಡುಗು ಮುಂಡೆದು.... ..ಮಂಗ ಅಂತ ಅಂದ್ರೆ ಅದರಂಗೆ ಕುಣಿದು ತೋರಿಸುವ ತರಲೆ...! :-) ಕನ್ನಡ ಕಷ್ಟಪಟ್ಟು- ಇಲ್ಲವೇ ನಾಟಕೀಯವಾಗಿ, ಗ್ರಾಂಥಿಕವಾಗಿ ಮಾತನಾಡುವ ಮಂದಿಯೂ ಜೋ ನೋಡಿ ಕಲಿಯುವುದಿದೆ.. ಕೀಪ್ ಇಟ್ ಅಪ್ ಯಾ :-)

ಇತ್ತೀಚೆಗೆ ಸುವರ್ಣ ನ್ಯೂಸ್ ನಲ್ಲಿ ಒಬ್ರು ಮಹಾನ್ ಇಸ್ಪೀಟ್ ಆಟಗಾರರನ್ನು ನೋಡಿದೆ.. ನಿರೂಪಕ ಜಯಪ್ರಕಾಶ್ ಶೆಟ್ಟಿ ಖುದ್ದು ಅವರ ಮುಂದೆ ಮುಗ್ಧ ಬಾಲಕನಂತೆ ಕುಳಿತು ಬಿಟ್ಟಿದ್ರು ಆಟ ಕಲಿಯಲು ... ಆ ಆಟದ ಹೆಸರು ಚಪ್ಪಾಳೆ.. ಅರ್ಥಾತ್ ಇಸ್ಪೀಟ್.ಇದನ್ನು ಆ ಮಹಾನುಭಾವ ಕಳೆದ 35 ವರ್ಷಗಳಿಂದ ಆಡ್ತಾ ಇದ್ದಾರಂತೆ..! ಬಿಡಿ ಜಯ್ ನಿಮಗೆ ಆಗದ ಕೆಲಸ ಅದೆಲ್ಲ..!

ಇ... ಎದ್ದೇಳುವ ..ಆ ..

2012-01-07T16:27:00.000+05:00

ಕಟ್ಟ ಕಡೆಯಲ್ಲಿ...ಇ.. ಕಾಡುವಾ.. ಆ .. ಪ್ರಶ್ನೆ...ಏ... ಹೀಗೂ ಉ.. ಉಂಟೆ !ಅಬ್ಬ ಹುಶ್ಯೋ ದೇವ್ರೇ ಅನ್ನುವಂತೆ ಹಿಡಿದಿಡುವ ಶೈಲಿ. ಟೀವಿನೈನ್ ವಾಹಿನಿ ಯಲ್ಲಿನ ಜನಪ್ರಿಯ, ಅತಿ ಜನರನ್ನು ಪ್ರೀತಿ ಹಾಗೂ ಭಯದಿಂದ ಗೆದ್ದಿರುವ ಕಾರ್ಯಕ್ರಮ ಹೀಗೂ ಉಂಟೆ. ಅನೇಕ ಸಂಗತಿಗಳ, ಮಾಹಿತಿಗಳ, ವಿಚಾರಧಾರೆಯ ಅಂತಿಮ ಪ್ರಕಟ ರೂಪ ಹೀಗೂ ಉಂಟೆ, ಜನಸಾಮನ್ಯರ, ಅದರಲ್ಲೂ ಸಾಮಾನ್ಯ ವೀಕ್ಷಕರ ಮೆಚ್ಚಿನ ಕಾರ್ಯಕ್ರಮ. ನಾರಾಯಣ ಸ್ವಾಮಿ ಅವರ ಮಾತಿನ ಶೈಲಿ , ಕೈ ಹಿಡಿದು ಹಿಡಿದು ಎಳೆಯುವ ಪರಿ ( ದೇವರ ದಯೆಯಿಂದ ಆ ಕೈ ಗಳು ಅವರದ್ದೇ ಓನ್ ;-)] ಪ್ರತಿಯೋರ್ವರನ್ನು ಹಾಗೆ ಕಾರ್ಯಕ್ರಮದ ಮುಂದೆ ಕುಳ್ಳರಿಸಿ ಬಿಡುತ್ತದೆ. ಇದು ಒಬ್ಬ ನಿರೂಪಕನ ತಾಕತ್ತು ಅಂತಾನೆ ನಾನು ಹೇಳೋಕೆ ಆಸೆ ಪಡ್ತೀನಿ. ಆದರೂ ಇಷ್ಟೆಲ್ಲಾ ಜನಪ್ರಿಯತೆ, ಆ ಶೈಲಿಯಲ್ಲಿ ಬದಲಾವಣೆ ಆಗದೆ ಇರುವುದು, ಹಾಗೂ ಹೀಗೂ ತಪ್ಪದೆ ವೀಕ್ಷಕರು ಆಸಕ್ತಿಯಿಂದ ವೀಕ್ಷಿಸುವ೦ತೆ ಮಾಡುವ...ಆ.. ನಾರಾಯಣ ಸ್ವಾಮಿ ..ಇ ... ಅವರ ಬಗ್ಗೆ ಅಚ್ಚರಿ ಮೂಡಿಸಿಕೊಂಡು ಮನದಲ್ಲಿ...ಇ... ಎದ್ದೇಳುವ ..ಆ .. ಪ್ರಶ್ನೆ..ಏ.. ಹೀಗೂ ಉಂಟೆ...!

ಹೊಸದಾಗಿ ಎರಡು ಧಾರಾವಾಹಿಗಳು ಆರಂಭಗೊಂಡಿವೆ.. ಉದಯ ವಾಹಿನಿಯಲ್ಲಿ ಯುಗಾದಿ ಹಾಗೂ ಈ ಟೀವಿ ಕನ್ನಡ ವಾಹಿನಿಯಲ್ಲಿ ನಿನ್ನೊಲುಮೆಯಿಂದಲೆ...!
ಯುಗಾದಿ ಪಕ್ಕಾ ರಿ ಚ್ ಧಾರವಾಹಿ.. ಒಂದರ್ಥದಲ್ಲಿ ಬಾಲಿವುಡ್ ಸಿನಿಮಾಗಳಂತೆ.. ಸಖತ್ ಕಲರ್ಫುಲ್...ಅವರು ಬಳಕೆ ಮಾಡುವ ಉಡುಗೆ ತೊಡುಗೆ ವಿಶೇಷ್ ಆಗಿರುತ್ತೆ. ಅಂದ್ರೆ ಭಿಕ್ಷುಕ ಸಹ ಅಣ್ಣ ಭಿಕ್ಷೆ ಪ್ಲೀಸ್ ಎನ್ನುವ ಶೈಲಿ :-). ಎಲ್ಲವೂ ರಿಚ್... ಬೇರೆ ವಾಹಿನಿಗಳಲ್ಲಿ ಪ್ರಸಾರ ಆಗುವ ಧಾರಾವಾಹಿಗಳಲ್ಲಿ ಅದೇ ನಟರು ಅಲ್ಲಿ ಚಿತ್ರಾನ್ನ ಹೋಟೆಲ್ನಲ್ಲಿ ತಿಂಡಿ ತಿನ್ನೋ ಮ್ಯಾನ್ ಥರ ಕಂಡ್ರೆ ಇಲ್ಲಿ ಮಾತ್ರ ಫೈವ್ ಸ್ಟಾರ್ ನಲ್ಲಿ ಈಟಿಂಗ್ ಮಾಡೋ ಮಿಸ್ಟರ್ ಗಳ ರೀತಿಯಲ್ಲಿ ಕಾಣುತ್ತಾರೆ. ಅದಕ್ಕೆ ಸಾಮಾನ್ಯವಾಗಿ ಉದಯ ವಾಹಿನಿ ನಾನು ವೀಕ್ಷಿಸೋದು. ಅಂದಕಾಲತ್ತಿನಿಂದ.. ಈ ಕಾಲದವರೆಗೂ ಬಣ್ಣ.. ಬಣ್ಣ...! ಯುಗಾದಿ ಚೆನ್ನಾಗಿದೆ.. ನೋಡುವ ಇನ್ನೆಷ್ಟು ದಾರಿ ಅಡ್ಡದಾರಿ ಹಿಡಿಯುತ್ತೋ ಕಥೆ!

ಈ ಟೀವಿ ಕನ್ನಡ ವಾಹಿನಿಯಲ್ಲಿ ವಿನು ಬಳಂಜ ನಿರ್ದೇಶನ ಸತ್ಯಮೂರ್ತಿ ಆನಂದೂರ್ ಕಥೆ- ಸ್ಕ್ರಿಪ್ಟ್ ನಿಂದ ಸಿದ್ಧ ಆದ ಸುಂದರ ಧಾರವಾಹಿ ನಿನ್ನೊಲುಮೆಯಿಂದಲೆ..! ಅಶ್ವಿನಿ, ಮಂಜುನಾಥ್ ಹೆಗ್ಡೆ .. ಸೂಪರ್ ನಟನೆ..! ವಿನುಬಳಂಜ ನಿರ್ದೇಶನದ ಧಾರಾವಾಹಿಗಳು ಅತ್ಯಂತ ಆಸಕ್ತಿಯಿಂದ ಕೂಡಿರುತ್ತದೆ. ಅದೇ ರೀತಿ ಸತ್ಯ ಮೂರ್ತಿಯರ ನರೆಶನ್
ಸಹ ಅಷ್ಟೆ ಸುಂದರ.ಒಬಾ ಜನಪ್ರಿಯ ವ್ಯಕ್ತಿಯ ದ್ವಿಮುಖ ವರ್ತನೆಯನ್ನು ಅದ್ಭುತವಾಗಿ ಅನಾವರಣ ಮಾಡಿದೆ ಕಥೆಯಲ್ಲಿ. ಇದು ಕಾಲ್ಪನಿಕ ಕಥೆ.. ಆದರೆ..ವೀಕ್ಷಿಸ್ತಾ ಇದ್ರೆ ಅಬ್ಬ ಎಂದು ಅನ್ನಿಸುವಂತೆ ಇದೆ.. ! ತುಂಬಾ ಚೆನ್ನಾಗಿದೆ.. ವಾಸ್ತವ ಚಿತ್ರಣ ಇದರಲ್ಲಿದೆ. ಗುಡ್ಲಕ್ ನಿನ್ನೊಲುಮೆ ಟೀಮ್ !

ಗತಿ !

2012-01-05T12:22:00.001+05:00

ತುಂಬಾ ದಿನಗಳಿಂದ ಬ್ಲಾಗ್ ಕಡೆ ಕಣ್ ಹಾಕಿಲ್ಲ. ಸ್ವಲ್ಪ ಏಕಾಗ್ರತೆ ಕಡಿಮೆ ಆಗಿದೆ.ಈ ಸ್ಥಿತಿ ಅಲ್ಪ ಕಾಲ ಅಷ್ಟೇ...! ಎಲ್ಲರಿಗೂ ಹ್ಯಾಪಿ ನ್ಯೂ ಇಯರ್. ಹೊಸ ವರ್ಷ ನಿಮ್ಮ ಬದುಕಿನಲ್ಲಿ ಸವಾಲುಗಳನ್ನು ಎದುರಿಸುವ ಧೈರ್ಯ ಹಾಗೂ ಉತ್ಸಾಹವನ್ನು ತರಲಿ. ಯಶಸ್ವಿ ಬದುಕು ನಿಮ್ಮದಾಗಲಿ ಎನ್ನುವ ಶುಭ ಹಾರೈಕೆ ನನ್ನದು. :-)

ಕಳೆದ ವರ್ಷ ಹಾಗೆನ್ನುವುದಕ್ಕಿಂತ ಕಳೆದ ವಾರ ಟೀವಿ ನೈನ್ ವಾಹಿನಿಯಲ್ಲಿ ಒಂದು ಸುಂದರವಾದ ಕಾರ್ಯಕ್ರಮ ಪ್ರಸಾರ ಆಯ್ತು. ಸಾಮಾನ್ಯವಾಗಿ ನಾವು ಇತ್ತೀಚೆಗೆ ಎಲ್ಲಾ ವಾಹಿನಿಗಳಲ್ಲಿ ಹಾಸ್ಯ ಕಲಾವಿದರ ಮಾತುಗಳನ್ನು ಕೇಳಿ ಸಂತೋಷಿಸ್ತಾ ಇರ್ತೀವಿ. ಆದರ ಅವರ ನಿಜ ಬದುಕಿನ ಕಡೆಗೆ ನೋಡುವ ಪ್ರಮೇಯ ಬಂದಿರುವುದಿಲ್ಲ. ಟೀವಿ ನೈನ್ ವಾಹಿನಿ ಇಂತಹ ಮಹನೀಯರ ( ಪ್ರಾಣೇಶ್ , ನರಸಿಂಹ ಜೋಶಿ, ಕೃಷ್ಣೆ ಗೌಡ್ರು, ಬಸವರಾಜ್..) ಮನೆ, ತಾಯಿ , ತಂದೆ,ಹೆಂಡತಿ, ಮಕ್ಕಳು. ಅವರ ಜೀವನ ಶೈಲಿ ಇವುಗಳ ಬಗ್ಗೆ ತಿಳಿಯುವ ಕಾರ್ಯಕ್ರಮ ಏರ್ಪಡಿಸಿತ್ತು. ಕೃಷ್ಣೆ ಗೌಡರು ಹೇಳುವ ಅನೇಕ ಪ್ರಸಂಗ ಪ್ರಾಣೇಶ್, ಪ್ರಾಣೇಶ್ ಅವರು ಹೇಳುವ ಬಹಳ ಸಂಗತಿ ಅವರ ಶಿಷ್ಯರು ರಿಪೀಟ್ ಮಾಡ್ತಾ ನೇ ಇರ್ತಾರೆ ತಮ್ಮದೇ ಆದ ಶೈಲಿಯಲ್ಲಿ. ಆದರೆ ಯಾವ ವೀಕ್ಷಕರಿಗೂ ಅವರು ಹೇಳಿದ್ದು ಈಗಾಗಲೇ ಕೇಳಿದ್ದಿವಿ
ಎನ್ನುವ ಭಾವ ಬರುವುದೇ ಇಲ್ಲ. ಪ್ರಾಯಶಃ ಅದೇ ಆ ಪ್ರತಿಭಾವಂತರ ವಿಶೇಷತೆ. ಕೃಷ್ಣೆ ಗೌಡರ ಅನೇಕ ಬಾರಿ ಸ್ನಾನದ ವಿಷ್ಯದ ಬಗ್ಗೆ ಹೇಳಿದ್ದಾರೆ. ಪ್ರತಿದಿನ , ವಾರಕ್ಕೊಮ್ಮೆ ಸ್ನಾನ ಅನೇಕ ಸಂಗತಿ ಅದು ಸಂಪೂರ್ಣವಾಗಿ ಗ್ರಾಮೀಣ ಬದುಕಿನ ಚಿತ್ರಣ ನೀಡ್ತಾರೆ. ಅದೇ ರೀತಿಯಲ್ಲಿ ಉಳಿದ ಕಲಾವಿದರು ತಮ್ಮ ಮಾತಿನನಲ್ಲಿ ಗ್ರಾಮೀಣ ಬದುಕ ಬಗ್ಗೆ ಬೆರಸಿ ಹೇಳ್ತಾರೆ.
ಕೃಷ್ಣೆ ಗೌಡರ ವಿಷಯಕ್ಕೆ ಬಂದಾಗ ಒಂದು ಸಂಗತಿ ತುಂಬಾ ಇಷ್ಟ ಆಗುತ್ತೆ. ಅವರು ಬೈಯ್ಯುವ ಸಂಗತಿ ಹೇಳ್ತಾ ಹಳೆ ಮೈಸೂರಿನ ಕಡೆಯಲ್ಲಿ ಇಡಿ ವಂಶ ಹೊರಗೆ ಬರಬೇಕು ಅಷ್ಟರ ಮಟ್ಟಿಗೆ ಬೈಗುಳ ಇರುತ್ತೆ, ಆದರೆ ಮಂಗಳೂರಿನ ಮಂದಿ ಬೈಗುಳ ನಿನ್ನ ಮಂಡೆ ಸರಿಯಿಲ್ಲ ಎನ್ನುವುದರಲ್ಲಿ ಮುಕ್ತಾಯ ಆಗುತ್ತೆ. ಇದು ಸತ್ಯ. ಯಾಕೆ ಅಂದ್ರೆ ಗೌಡ್ರು ಹೇಳಿದಂತೆ ನಾನು ಅನೇಕರನ್ನು ನೋಡಿದ್ದೇನೆ ಈ ಪಾಪಿ ... ಮಗನು, ಈ ಕತ್ತೆ ಮಗ , ಈ ನಾಯಿ ಮಗ... ಹೀಗೆ ರಾಶಿ ರಾಶಿ ತಮಗೆ ತಾವು ಬೈದು ಕೊಳ್ಳುವ ಮಹನೀಯರು ಇದ್ದಾರೆ. ತಮಾಷೆ ಅಂದ್ರೆ ಬೇರೆಯವರಿಗೆ ಅದು ತಮಾಷೆಯಾಗಿ ಕಾಣುವುದಿಲ್ಲ :-)
ಪ್ರಾಣೇಶ್ ವಿಶೇಷ ಅಂದ್ರೆ ಅವ್ರು ಸದಾ ಓದಿದವರು ಓದದೆ ಇರುವವರಬಗ್ಗೆ ಹೇಳ್ತಾರೆ. ಆ ಮೂಲಕ ತಾವು ಹಿಂದೆ ಎಷ್ಟು ಸಾಧಿಸಿದ್ದೇವೆ ಎನುವ ಜೀವನ ಅನುಭವ ಹೇಳ್ತಾರೆ . ನರಸಿಂಹ ಜೋಶಿ ಅವರ ಮಿಮಿಕ್ರಿ ಜಾಸ್ತಿ ಹಿಡಿಸ್ತದೆ ಕಣ್ರೀ.
ಒಟ್ಟಾರೆ ಅತ್ಯುತ್ತಮ ಕಾರ್ಯಕ್ರಮ . ತುಂಬಾ ವಿಶೇಷವಾಗಿತ್ತು .

ಏಯ್ ಛಿ ಹೆದರ್ಸ್ತೀರ ವೀಕ್ಷಕರನ್ನು... :-) ಯಪ್ಪಾ ಇತ್ತೀಚೆಗೆ ಸೈಬರ್ ಕ್ರೈಂ ಬೆನ್ನು ಹತ್ತಿದ್ದಾರೆ ನಮ್ಮ ವಾಹಿನಿಯವರು. ಜನಶ್ರೀಯಲ್ಲಿ ವೀಣ ಪೂಜಾರಿ , ಟೀವಿ ನೈನ್ ನಲ್ಲಿ ರಾಧಿಕ, ರೆಹಮಾನ್...! ಆದರೆ ಇದು ಅತ್ಯಂತ ಒಳ್ಳೆಯ ಸಂಗತಿ . ವೀಕ್ಷಕರಿಗೆ ಇದರ ಬಗ್ಗೆ ಹೆಚ್ಚು ಮಾಹಿತಿ ನೀಡುವುದು ಅತ್ಯಗತ್ಯ. ಆದರೆ ಒಂದು ಸಂಗತಿ ಯಾವುದೇ ಆಗಿರಲಿ ಅತಿಯಾದರೆ ತೊಂದರೆ ತಪ್ಪಿದ್ದಲ್ಲ.ಟೀವಿ ನೈನ್ ನಲ್ಲಿ ಕಾರ್ಯಕ್ರಮ ವೀಕ್ಷಿಸಿದ ವೀಕ್ಷಿಸಿದ ವೀಕ್ಷಕರು ಗಾಬರಿಯಿಂದ ಅಯ್ಯೋ ಎನ್ ಗತಿ ಅಂದಿದ್ದಾರೆ.. ರೀ ನಮ್ಮನ್ನು ಹೆದರಿಸ ಬೇಡ್ರಿ.
ಕ್ಲಿಕ್ಕಿಸಿ :
http://www.youtube.com/watch?feature=player_embedded&v=YToB4dyeEKE#!

ಇನ್ವಾಲ್ವ್

2011-12-25T07:52:00.001+05:00

Then Jesus said to him, "Put your sword back into its place; for those who live by the sword, die by the sword.

ಕ್ರಿಸ್ಮಸ್ ಹಬ್ಬದ ಹಾರ್ದಿಕ ಶುಭಾಶಯಗಳು. ಭಗವಂತ -ಸಂತ ಎಲ್ಲರ ಮಾತು ಒಂದೇ ಅದು ಶಾಂತಿ ...! ಸರ್ವೇಜನೋ ಸುಖಿನೋ ಭವಂತು. ಆದರೆ ಆದದ್ರೆ ಮಾನವ ಮಾತ್ರರು ನಾವು ಮಾಡುವುದು ವಿರುದ್ಧದ ಕೆಲಸ.

ಇತ್ತೀಚೆಗೆ ಉದಯ ನ್ಯೂಸ್ ನಲ್ಲಿ ದೀಪಕ್ ತಿಮ್ಮಯ್ಯ ಅವರ ಷೋ ನಲ್ಲಿ ಡಾ. ರುದ್ರೇಶ್ ಅವರ ಜೊತೆ ಮಾತುಕತೆ ಇತ್ತು. ಅತ್ಯುತ್ತಮ ಹೋಮಿಯೋ ವೈದ್ಯರು ರುದ್ರೇಶ್ ಅವರು. ಅಷ್ಟೆ ಅಲ್ಲದೆ ಅವರು ವೈದ್ಯ ಸಾಹಿತಿ. ಅವರ ಬರಹಗಳು ಸಹ ವೆರಿ ಇಂಟರೆಸ್ಟಿಂಗ್. ಅವರ ಬಳಿ ಚಿಕಿತ್ಸೆ ಪಡೆದ ಅಸಂಖ್ಯಾತರಲ್ಲಿ ನನ್ನ ಸಂಖ್ಯೆಯು ಸೇರಿದೆ :-) . ಆದರೆ ಒಳ್ಳೆಯ ಫಲಿತಾಂಶ ದೊರೆತಿದೆ ಅಷ್ಟು ಹೇಳಬಲ್ಲೆ.

ಅವರು ಮಾತಾಡುವಾಗ ಸ್ವಲ್ಪ ಹೆಚ್ಚೇ ಜಿಗಿದಾಡುತ್ತಾರೆ ಅದೇ ಅವರ ವಿಶೇಷತೆ. ನೀವು ಸ್ವಲ್ಪ ಆತ್ಮೀಯರಾಗಿದ್ದರೆ , ಇಲ್ಲವೇ ಹಳೆ ರೋಗಿ ಆಗಿದ್ರೂ ಸಹ ಇವರ ಈ ಜಿಗಿಯುವ- ಸ್ವಲ್ಪ ರೇಗುವ ವರ್ತನೆ ಕಂಡು ಬರುತ್ತದೆ. ಪುಣ್ಯಾತ್ಮ ಆ ಗುಣವನ್ನು ಇತ್ತೀಚೆಗೆ ಪ್ರಸಾರ ಆದ ಲೈವ್ ಷೋ ನಲ್ಲೂ ಪ್ರಕಟಪಡಿಸಿದರು . ದೀಪಕ್ ಸ್ವಲ್ಪ ಹೆಚ್ಚೇ ಮಾತಾಡುವ ನಿರೂಪಕರು!! ಅವರನ್ನು ತಡೆದು ಡಾಕ್ಟರ್ ಸಾಹೇಬರು ವೀಕ್ಷಕರ ಜೊತೆ ಮಾತಾಡಿದ್ರು ಅಂದ್ರೆ ಅವರ ಮಾತಿನ ಕೆಪ್ಯಾಸಿಟಿ ಬಗ್ಗೆ ಹೇಳೋಷ್ಟೇ ಇಲ್ಲ :-) ಏನೆ ಹೇಳೇ ವೈದ್ಯರಾಗಿ ಅವರ ಸಾಧನೆ ಮಹತ್ವದ್ದು ಅದೇ ರೀತಿ ಅವರ ಈ ಜಿಗಿದಾಟದ ಗುಣವು ಅತೀ ಮಹತ್ವದ್ದು ;-)

ಅತ್ಯಂತ ವಿಶೇಷವಾದ ಹಾಗೂ ವಿಶಿಷ್ಟವಾದ ಕಾರ್ಯಕ್ರಮ ಈಟೀವಿ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುವ ಸೂಪರ್. ತಮ್ಮದೇ ಆದ ವಿಭಿನ್ನ-ವಿಶೇಷ ಸಾಧನೆ ಮಾಡಿರುವ ಸಾಧಕರನ್ನು ಪರಿಚಯಿಸುವ ಒಂದು ಸುಂದರ ಕಾರ್ಯಕ್ರಮ. ಕಳೆದ ಕೆಲವು ಕೆಲವು ವಾರಗಳಿಂದ ಈ ಕಾರ್ಯಕ್ರಮ ಪ್ರಸಾರ ಆಗ್ತಾ ಇದೆ. ಆದರೆ ಅತ್ಯಂತ ಹೆಚ್ಚು ಗಮನ ಸೆಳೆದಿದ್ದು ಬೈಕ್ ಮೇಲೆ ಹಾಗೂ ಭಿನ್ನ ರೀತಿಯ ಆಸಕ್ತಿಕರ ಆಸನಗಳನ್ನು ಮಾಡಿದ ಒಂದು ಟೀಮ್ , ಅಯ್ಯೋ ಸ್ಕಿಪ್ಪಿಂಗ್ ಆಟವೆ ಎನ್ನುವವರು ಮೂಕ ವಿಸ್ಮಿತರಾಗಿ ವೀಕ್ಷಿಸುವಂತೆ ಮಾಡಿದ ಹಗ್ಗದಾಟದ ಒಂದು ಗ್ರೂಪ್. ಏನ್ರೀ ಎಷ್ಟು ಚೆನ್ನಾಗಿ ಮಾಡಿದ್ರು ಅಂದ್ರೆ ...ಐ ನೆವರ್ ಎಕ್ಸ್ಪೆಕ್ಟ್ ...ಅದ್ಭುತ.
ಈ ಬಾರಿಯ ತೀರ್ಪುಗಾರರಲ್ಲಿ ರಘು ಮುಖರ್ಜಿ, ವಿಜಯ್ ರಾಘವೇಂದ್ರ , ಅನು ಪ್ರಭಾಕರ್ ಅವರು ಸ್ವಲ್ಪ ಜಾಸ್ತಿ ಇನ್ವಾಲ್ವ್ ಆಗೋಕೆ ಹೋಗ್ತಾರೆ .. :-) ಪರವಾಗಿಲ್ಲ ನಡೀತದೆ ...!

ಯಪ್ಪಾ ಛೀ !

2011-12-25T07:46:00.003+05:00

ನನ್ನ ಉತ್ತರ ಭಾರತದ ಕಂಪ್ಯೂಟರ್ ಪರಿಣಿತ ಗೆಳೆಯರಿಗೆ ಇದನ್ನು ಹೇಳಿದೆ. ಅವರೆಲ್ಲಾ ತುಂಬಾ ಹೊಗಳಿದರು. ಆ ವಿಡಿಯೊವನ್ನು ನೋಡಿದ ನಂತರ ಒಬ್ಬ ಕನ್ನಡ ಬಾರದ ತಂತ್ರಜ್ನ ಹೇಳಿದ್ದು ಹೀಗೆ- "ನನಗೆ ಈ ಭಾಷೆ ಬಾರದಿರಬಹುದು, ಆದರೆ ಒಂದು ಪ್ರಾದೇಶಿಕ ಭಾಷೆಯಲ್ಲಿ ಇಂತಹ ಮಾಹಿತಿಯನ್ನು ಕೊಡುತ್ತಿರುವ ಅವರಿಗೆ ನನ್ನ ಕಡೆಯಿಂದ ಒಂದು ಅಬಿನಂದನೆ ತಿಳಿಸಿಬಿಡಿ. ನನ್ನಂತ ಭಾಷೆ ಬಾರದವನಿಗೆ ಈ ಮಟ್ಟಿಗೆ ಅರ್ಥವಾಗಿದೆಯೆಂದರೆ, ಇನ್ನೂ ಆ ಭಾಷೆಯನ್ನೇ ಹೊದ್ದು ಮಲಗಿರುವವರಿಗೆ ಇನ್ನೂ ಚೆನ್ನಾಗಿ ಅರ್ಥವಾಗಿರುತ್ತದೆ. ಇಂಥ ಪ್ರಯತ್ನಗಳು ನಡೆಯುತ್ತಿರಲಿ."... ಆದೇಶ್ ಕುಮಾರ್ ( ಎಫ್ಬಿಯಕನ್ನಡ ಬ್ಲಾಗ್ ನಲ್ಲಿ )

ಸುವರ್ಣ ನ್ಯೂಸ್ ವಾಹಿನಿಯಲ್ಲಿ ಪ್ರಸಾರ ಆಗುವ ಕಟ್ಟೆಚ್ಚರ ಕಾರ್ಯಕ್ರಮದ ಬಗ್ಗೆ ಬಂದ ಅನೇಕ ಅನಿಸಿಕೆಗಳಲ್ಲಿ ನನಗೆ ಇದು ಇಷ್ಟ ಆಯ್ತು ಪ್ರಾಯಶಃ ಆ ಟೀಮ್ಗೂ ಇಷ್ಟ ಆಗುತ್ತದೆ ಎನ್ನುವ ಅನಿಸಿಕೆ ನನ್ನದು.

ಅಡುಗೆ ಕಾರ್ಯಕ್ರಮ ಅಂದ್ರೆ ಮೂಗು ಮುರಿಯುವ ಮಂದಿ ಅನೇಕರು. ಆದರೆ ಅದರ ರಿಯಾಲಿಟಿ ಷೋ ಅತ್ಯಂತ ಜನಪ್ರಿಯ ಕಾರ್ಯಕ್ರಮಗಳಲ್ಲಿ ಒಂದು. ಸ್ಟಾರ್ ಪ್ಲಸ್ ನಲ್ಲಿ ಪ್ರಸಾರ ಆಗುವ ಅಡುಗೆ ರಿಯಾಲಿಟಿ ಷೋ ನಲ್ಲಿ ಕುನಾಲ್ , ಅಜಯ್ , ವಿಕಾಸ್ ಈ ಮೂರು ಜನ ತೀರ್ಪುಗಾರರು ಅತ್ಯುತ್ತಮ ಶೆಫ್ ಗಳೆಂದು ಹೆಸರು ಪಡೆದ ಮಾಸ್ಟರ್ಗಳು. ಆದರೆ ಅವರ ಮಾತು -ಹಾವಭಾವ ಯಾವುದೂ ಅಳತೆ ಮೀರಿಲ್ಲ, ಆದರೆ ಇದೆ ರೀತಿಯ ಮಾಸ್ಟರ್ ಶೆಫ್ ಕಾರ್ಯಕ್ರಮ ಸ್ಟಾರ್ ವರ್ಲ್ಡ್ನಲ್ಲಿ ಪ್ರಸಾರ ಆಗ್ತಾ ಇದೆ ಅದು ಮಾಸ್ಟರ್ ಶೆಫ್ ಯುಎಸ್ಎ ... ಮಾತಿನ ನಡುವೆ ಅಡುಗೆಯನ್ನೇ ಅವರು ಬ್ಲೂ ಭಾಷೆಯಲ್ಲಿ ಬೈತಾರೆ. ಇದರಲ್ಲಿ ತೀರ್ಪುಗಾರರು ಮತ್ತು ಸ್ಪರ್ಧಿಗಳು ಒಂದೇ ಮೆ೦ಟಾಲಿಟಿ... ಸಾಮಾನ್ಯವಾಗಿ ಅವರಾಡುವ ಮಾತಿನಲ್ಲಿ ಕು0ಯ್ ಕು0ಯ್ ಅನ್ನುವ ಧ್ವನಿ ಕಾಮನ್ನಾಗಿ ಕೇಳಿ ಬರುತ್ತದೆ ವೀಕ್ಷಕರಿಗೆ :-).. ಅದಿನ್ಯಾವ ಪರಿ ಬೈಬಹುದು ... ಯಪ್ಪಾ ಛೀ !!

ಜೀ ಟೀವಿ ಕನ್ನಡ ವಾಹಿನಿಯಲ್ಲಿ ಕುಣಿಯೋಣು ಬಾರಾ ರಿಯಾಲಿಟಿ ಶೋನಲ್ಲಿ ತುಂಬಾ ಗಮನ ಸೆಳೆದ ಜೋಡಿ ಅಂದ್ರೆ ಎಲಿಮಿನೆಟ್ ಆಗಿ ಈಗ ವೈಲ್ಡ್ ಕಾರ್ಡ್ ಮೂಲಕ ಪುನಃ ಸ್ಪರ್ಧೆಯ ಕಣದಲ್ಲಿ ಇರುವ ಶ್ರೀ ವಿದ್ಯಾ ಮತ್ತು ಶ್ರೇಷ್ಠ . ಆ ಹೆಣ್ಣುಮಗಳ ಸೈಜ್ ಜೋರಾಗೆ ಇದೆ. ಆದರೆ ಏನ್ ಫ್ಲೆಕ್ಸಿಬಲ್ ಕಣ್ರೀ ... ಅದ್ಭುತ... ಭಾವನೆಗಳು ಸಹ ತುಂಬಾ ಚೆನ್ನಾಗಿ ಪ್ರಕಟ ಮಾಡ್ತಾರೆ. ಆ ಹುಡುಗ ಶ್ರೇಷ್ಠ ಸಹ ಅಷ್ಟೇ ಒಳ್ಳೆಯ ಜೋಡಿ...!

ಕಷ್ಟಕ್ಕೆ ಬಂತಾ ?

2011-12-23T11:30:00.000+05:00

ಯಾಕೋ ಇತ್ತೀಚೆಗೆ ವಾಹಿನಿಗಳು ಸ್ವಲ್ಪ ಹೆಚ್ಚೇ ಸಂಸಾರಗಳನ್ನು ಸರಿ ಮಾಡೋಕೆ ಹೊರಟಿದೆ. ಇತ್ತಿಚೆಗೆ ಪ್ರಸಿದ್ಧ ಜ್ಯೋತಿಷಿ ಜಯ ಶ್ರೀನಿವಾಸ್ ಮತ್ತು ಅವ್ರ ಬಳಿ ಕೆಲಸ ಮಾಡ್ತಾ ಇದ್ದ ಹೆಣ್ಣುಮಗಳು-ಆಕೆಯ ಗಂಡನ ಕಥೆ, ಆಮೇಲೆ ಸಾಫ್ಟ್ವೇರ್ ಎಂಜಿನೀರ್ ಮತ್ತು ಡಾಕ್ಟರ್ ಪತ್ನಿ ಕಥೆ..!

ಟೀವಿ ನೈನ್ ವಾಹಿನಿಯಲ್ಲಿ ನಿರೂಪಕ ರೆಹಮಾನ್ ಜ್ಯೋತಿಷಿ ಜಯ ಶ್ರೀನಿವಾಸ್ ಅವರ ಮೇಲೆ ಬಂದ ಅಪವಾದ ಕುರಿತ ಕಾರ್ಯಕ್ರಮದ ಮೇಲ್ವಿಚಾರಣೆ ವಹಿಸಿಕೊಂಡಿದ್ರು. ಕಾರ್ಯಕ್ರಮವನ್ನು -ಮುಖ್ಯವಾಗಿ ಪ್ರಶ್ನೆಗಳನ್ನು ನೀಟಾಗಿ ಕೇಳಿದ್ರು. ಎಲ್ಲೂ ಅತಿರೇಕದ ಮಾತುಗಳು ಇರಲಿಲ್ಲ. ಯಾಕೆ ಅಂದ್ರೆ ಇಂತಹ ಕಾರ್ಯಕ್ರಮಗಳಲ್ಲಿ ಸಂದರ್ಶಕನ ಅಭಿಪ್ರಾಯಗಳಿಗಿಂತ ಸಮಸ್ಯೆ ಇರುವವರ ಅಭಿಪ್ರಾಯಗಳು ಬಹಳ ಮುಖ್ಯ. ಎಲ್ಲರಿಗೂ ಗೊತ್ತು ಜ್ಯೋತಿಷ್ಯ- ಭವಿಷ್ಯ ಹೇಳುವವರು ಈಗ ಅತ್ಯುತ್ತಮ ರೀತಿಯಲ್ಲಿ ಲೈಫ್ ಲೀಡ್ ಮಾಡ್ತಾ ಇದ್ದಾರೆ. ಅದು ಅವರ ವಿದ್ಯೆ ನೀಡಿದ ಬಹುಮಾನ. ಜಯ ಶ್ರೀನಿವಾಸ್ ಮಾತ್ರವಲ್ಲ ಯಾವುದೇ ರೆಪ್ಯುಟೆಡ್ ಜ್ಯೋತಿಷ್ಯ ಹೇಳುವ ಗುರುಜಿಗಳ ಜನಪ್ರಿಯತೆ ನೀವು ಹೊರಗಿನ ಪ್ರಪಂಚದಲ್ಲಿ ನೋಡಬೇಕು. ಜಯಶ್ರೀನಿವಾಸ್ ಅವರು ಇಷ್ಟ ಆಗುವಂತೆ ಕಾರ್ಯಕ್ರಮ ನಡೆಸಿಕೊಟ್ಟು, ಭವಿಷ್ಯಾಸಕ್ತರಿಗೆ ಆಸಕ್ತಿ ಹುಟ್ಟುವಂತೆ ಸುವರ್ಣ ನ್ಯೂಸ್ ನಲ್ಲಿ ಕಾರ್ಯಕ್ರಮ ಮಾಡ್ತಾ ಇದ್ರು. ಮನುಷ್ಯ ದುಡ್ಡಿಗಾಗಿ ಏನ್ ಬೇಕಾದರೂ ಮಾಡೋಕೆ ಸಾಧ್ಯ . ನೋಡಿ ಕೆಲಸ ಕೊಟ್ಟ ತಪ್ಪಿಗೆ ವಶೀಕರಣ ಮಾಡಿದ ಅಪವಾದ :-) . ಹೆಂಡತಿಯ ಬಗ್ಗೆ ಆ ಪರಿ ಹೇಳಿದ ವ್ಯಕ್ತಿ ಕ್ಯಾಮರಾ ಮುಂದೆ ಬರಲಿಲ್ಲ. ಹಿಂಗೆ ಆಗ್ತದೆ . ಮತ್ತೊಂದು ಸಂಗತಿ ಗೊತ್ತ? ಸಾಮಾನ್ಯವಾಗಿ ಪಾಪ್ಯುಲರ್ ಜ್ಯೋತಿಷಿಗಳು ಎರಡೆರಡು ಮದುವೆ ಆಗಿರ್ತಾರೆ. ನಿಜ ರೀ .. ಆ ವಿಷಯದಲ್ಲಿ ಜೀ ಟೀವಿ ಭವ್ಯ..ಬ್ರಹ್ಮಾಂಡ ಪಾಪ ಬ್ಯಾಚುಲರ್ ಮ್ಯಾನ್ :-). ಶ್ರೀನಿವಾಸ್ ಅವರ ಬಗ್ಗೆ ನನಗೆ ಗೊತ್ತಿಲ್ಲ.. ಆದರೆ ಅವರು ವೆರಿ ಸ್ಟೈಲಿಶ್ ಹಾಗೂ ರಾಕಿಂಗ್ ಜ್ಯೋತಿಷಿ :-) ಲ್ಯಾಪಿ ಇರಲೇ ಬೇಕಿತ್ತು ಅವರು ಭವಿಷ್ಯ ಹೇಳುವಾಗ :-). ಪಾಪ ಅದೇ ಕಷ್ಟಕ್ಕೆ ಬಂತಾ ?

ಟೀವಿ ನೈನ್ ವಾಹಿನಿಯಲ್ಲಿ ಸಿಕ್ಕಾಪಟ್ಟೆ ಸೀರಿಯಸ್ಸಾಗಿ ಇನ್ನೊಂದು ಮನೆಯ ಸಮಸ್ಯೆಯನ್ನು ನಿರೂಪಕ ಹರಿಪ್ರಸಾದ್ ಅವರ ಕೈಲಿ ಬಿಡಿಸುವ ಪ್ರಯತ್ನ ಮಾಡಿತು :-) , ಇಂತಹ ವಿಷಯಗಳಲ್ಲಿ ಸಾಮಾನ್ಯವಾಗಿ ಅವರು ಹೇಳಿದ್ದು ಸರಿ ಅನ್ನಿಸುತ್ತೆ ಇವರು ಹೇಳಿದ್ದು ಸರಿ ಅನ್ನಿಸ್ತಾ ಇರುತ್ತೆ ಅದೇ ಕಷ್ಟಕ್ಕೆ ಬರೋದು. ಪಾಪದ ನಿರೂಪಕ ಅತ್ತಗೆ ಹೋಗೋದೋ ಇತ್ತಗೆ ಹೋಗೋದೋ ತಿಳಿಯದೆ ಒದ್ದಾಡುವಂತೆ ಮಾಡುತ್ತದೆ. ಒಂದಂತು ಸತ್ಯ ಈ ಸೈಬರ್ ಕ್ರೈಂ ಸಾಕಷ್ಟು ತೊಂದರೆಗಳನ್ನು ಉಂಟು ಮಾಡುತ್ತದೆ. ಆದರೆ ಹೆಂಡತಿಯ ಫೋಟೋಗಳನ್ನು ಮೇಲ್ ಮಾಡುವ ಹೀನ ಕೆಲಸ ಮಾತ್ರ... ಥೂ ...! ಹರಿಪ್ರಸಾದ್ಗೇ ಇನ್ನು ಹೆಚ್ಚು ಅವಕಾಶ ನೀಡಿದರೆ ಮತ್ತೂ ಚೆನ್ನಾಗಿ ಕಾರ್ಯಕ್ರಮ ನಡೆಸಿಕೊಡ್ತಾರೆ.

ಈ ಮೇಲ್ ,ಇಂಟರ್ನೆಟ್ ಬಳಕೆಯನ್ನು ಮಾಡುತ್ತಿರುವವರ ಪ್ರಮಾಣ ಸಿಕ್ಕಾಪಟ್ಟೆ ಕಡಿಮೆ. ಇನ್ನು ಸೋಶಿಯಲ್ ನೆಟ್ವರ್ಕಿಂಗ್ ಒಂದು ಬಗೆ ಆಫೀಮು ಇದ್ದಂಗೆ ಅದು ಅಳತೆ ಮೀರಿದಾಗ ತೊಂದರೆ ತಪ್ಪಿದ್ದಲ್ಲ. ಯಾವುದೇ ಸಮಸ್ಯೆಯ ಉದ್ಭವ ನಮ್ಮ ಹೊಣೆಗೇಡಿತನದಿಂದ ಮಾತ್ರ ಆಗುತ್ತದೆ. ಎಲ್ಲಾ ಕಡೆಯೂ ಬೀಗ-ಬೀಗದ ಕೈಗಳಿವೆ. ಸ್ವಲ್ಪ ಸಮಯ ನೀಡಿ ಮುಖ್ಯ ಸಂಗತಿಗಳನ್ನು ಲಾಕ್ ಮಾಡ ಬೇಕು.
ಇದೆ ವಿಷಯದ ಬಗ್ಗೆ ಸುವರ್ಣ ನ್ಯೂಸ್ ನಲ್ಲಿ ಅಜಿತ್ ಹನುಮಕ್ಕನವರ್ ಸಹ ಚರ್ಚೆ ( ಹಾಗೆ ಕರೀ ಬಹುದಾ ??) ಮಾಡಿದ್ರು. ಅಜಿತ್ ಈಗಾಗಲೇ ಇಂತಹ ಅನೇಕ ರೀತಿಯ ಕೇಸ್ಗಳನ್ನು ಹ್ಯಾಂಡಲ್ ಮಾಡಿದವರು. ಮಾತು ಆಡುವುದಕ್ಕೆ, ಕೊನೆಗೆ ಕಂಕ್ಲೂಡ್ ಮಾಡುವುದಕ್ಕೆ ಚೆನ್ನಾಗಿ ಗೊತ್ತಿದೆ.. ಅವರು ನಡೆಸಿಕೊಡುವ ಕಾರ್ಯಕ್ರಮ ಚೆನ್ನಾಗಿ ಇರುತ್ತೆ..
ಇದೆ ವಾಹಿನಿಯಲ್ಲಿ ಜಯಪ್ರಕಾಶ್ ಶೆಟ್ಟಿ ನಿರೂಪಣೆಯ ಕಟ್ಟೆಚ್ಚರ ಕಾರ್ಯಕ್ರಮದಲ್ಲಿ ಈಗ ಸೈಬರ್ ಕ್ರೈಂ ಬಗ್ಗೆ ಕಾರ್ಯಕ್ರಮ ಪ್ರಸಾರ ಆಗ್ತಾ ಇದೆ. ಸೈಬರ್ ವಿಷ್ಯ ಜೈ ಭಯ ಭಕ್ತಿಯಿಂದ ಹೇಳ್ತಾ ಇದ್ದಾರೆ ಎಚ್ಚರ ಎಚ್ಚರ ಅಂತ... ! ಆ ವಿಷ್ಯ ಇನ್ನೆಷ್ಟು ಹೆದರಿಕೆ ಹುಟ್ಟಿಸಿರ ಬೇಕು :-)
ಆದ್ರೆ ಸೈಬರ್ ಕ್ರೈಂ ತುಂಬಾ ಮಾಹಿತಿಪೂರ್ಣ ಆಸಕ್ತಿ ದಾಯ ಕ ವಿಷ್ಯ..!
ಇದೆ ವಾಹಿನಿಯಲ್ಲಿ ಪ್ರಸಾರ ಆಗುವ ತಲೆಹರಟೆ ತಪ್ಪದೆ ವೀಕ್ಷಿಸಬಹುದಾದ ಕಾರ್ಯಕ್ರಮ.ಸ್ವಲ್ಪ ಹರಿಕಥೆಯ ರೀತಿಯಲ್ಲಿ ಕಾರ್ಯಕ್ರಮ ಇರುತ್ತದೆ. ರವೀಂದ್ರ ಮುದ್ದಿ ಅವರ ಸ್ಕ್ರಿಪ್ಟ್ ತುಂಬಾ ಲವಲವಿಕೆಯಿಂದ ಇರುತ್ತೆ. ಮುಖ್ಯವಾಗಿ ಇದರ ವಾಯ್ಸೋವರ್ ಮಾಡುವ ಗುರುಪ್ರಸಾದ್ ಜಿ.ಎನ್. ಸಖತ್ ಕಣ್ರೀ.

ಗಾಂಚಲಿ ಬಿಡಿ !!

2011-12-15T12:29:00.000+05:00

ನನ್ನ ನೆರೆಮನೆಯಲ್ಲಿ ಮಲೆಯಾಳಂ ಮಾತೃ ಭಾಷೆಯ ಕುಟುಂಬ ಇತ್ತು. ಆ ಹೆನ್ನುಮಗಲಿ ಕನ್ನಡ ಚನ್ನಾಗಿ ಬರ್ತಾ ಇತ್ತು, ಅವರ ಪತಿಗೆ ಓಕೆ, ಆದರೆ ಮಕ್ಕಳಿಗೆ ಸಖತ್ ಆಗಿ ಬರ್ತಾ ಇತ್ತು.ಒಂದು ದಿನ ಆಕೆ ಒಂದು ಸರಳ ಸಮಸ್ಯೆ ನನ್ನ ಬಳಿಗೆ ತಂದರು. ಆಕೆಗೆ ಹುಷಾರು ಇರಲಿಲ್ಲ. ಸೊ ವೈದ್ಯರ ಬಳಿಗೆ ಹೋಗಬೇಕಾಗಿತ್ತು. ಬೇರೆ ಸಂದರ್ಭಗಳಲ್ಲಿ ಆಕೆ ಮನೆಯ ಹತ್ರ ಇದ್ದ ಕ್ಲಿನಿಕ್ಗೆ ಹೋಗಿ ಅಲ್ಲಿ ತನ್ನ ಸಮಸ್ಯೆ ಪರಿಹಾರ ಮಾಡಿಕೊಳ್ತಾ ಇದ್ರು. ಆದ್ರೆ ಅನೇಕ ದಿನಗಳಿಂದ ಆ ಕ್ಲಿಕ್ ಮುಚ್ಚಿತ್ತು. ಸರಿ ಈ ಹೆಣ್ಣುಮಗಳಿಗೆ ಭಾಷೆಯ ಬಗ್ಗೆ ಗೊಂದಲ. ಆಕೆ ನನ್ನ ಬಳಿ ಬಂದು ಬೇರೆ ಡಾಕ್ಟರ್ ಹರೇ ಹೋಗ ಬೇಕಾಗಿದೆ. ಯಾಕೋ ಬೆಳಿಗ್ಗೆಯಿಂದ ಹುಷಾರಿಲ್ಲ. ಅಲ್ಲಿ ಯಾವ ಭಾಷೆ ಮಾತಾಡೋದು ? ಯಾಕೆ ಅಂದ್ರೆ ನನಗೆ ಮಲಯಾಳಂ ಹಾಗೂ ಕನ್ನಡ ಬಿಟ್ಟು ಬೇರೆ ಯಾವ ಭಾಷೆಯೂ ಬರುವುದಿಲ್ಲ. ಆ ಗಳಿಗೆಯಲ್ಲಿ ನನಗೆ ನಗು ಬಂದಿತ್ತು. ಆದರೆ ಆಮೇಲೆ ಆಕೆಯ ಆತಂಕದ ಅರಿವೂ ಆಗಿತ್ತು. ಆಮೇಲೆ ಹೇಳಿದೆ ಡೋಂಟ್ ವರಿ ಆಂಟಿ ನೀವು ನಿರ್ಭಯವಾಗಿ ಕನ್ನಡ ಮಾತಾಡಿ ಸಮಸ್ಯೆ ಹೇಳಿ ಎಂದು ಹೇಳಿದೆ.

ಆಕೆಯ ಆತಂಕ ಎಲ್ಲಾ ರೀತಿಯಿಂದಲೂ ಸಮ್ಮತ ತೋರುವ0ತಹುದ್ದೆ ಆಗಿದೆ. ಕಾರಣ ಇಷ್ಟೆ ನಾವು ಕನ್ನಡಿಗರು ಅನೇಕ ರೀತಿಯಿಂದ ಕಾಂಪ್ರೋ ಆಗುವ ಗುಣ ಹೊಂದಿದ್ದೇವೆ, ಅದು ಅಳತೆ ಮೀರುವಷ್ಟು. ಇತ್ತೀಚೆಗೆ ಜನಶ್ರೀ ವಾಹಿನಿಯಲ್ಲಿ ನಿರೂಪಕ ಚಂದನ್ ಗಾಂಚಲಿ ಬಿಡಿ ಕನ್ನಡ ಮಾತ್ನಾಡಿ ಅನ್ನುವ ಶೀರ್ಷಿಕೆ ಯಲ್ಲಿ ಕಾರ್ಯಕ್ರಮ ನಡೆಸುತ್ತಾ ಇದ್ರು. ಅದರಲ್ಲಿ ಭಾಗವಹಿಸಿದ್ದ ಮೂವರು ಅತಿಥಿಗಳಲ್ಲಿ ಅಮರ್ ನಾಥ್ ನನ್ನ ಫೇಸ್ಬುಕ್ ಮಿತ್ರರು. ಫೇಸ್ಬುಕ್ ನಲ್ಲಿ ರುವ ಕನ್ನಡ ಗುಂಪು ಗಾಂಚಲಿ ಬಿಡಿ ಸ್ವಲ್ಪ ಮಾತ್ನಾಡಿ ಹೆಚ್ಚು ಗದ್ದಲ ಎಬ್ಬಿಸುತ್ತಿರುವ ಗುಂಪು.

ಬಹಳ ಹಿಂದೆ ನಾನು ಈ ಗುಂಪಿನಲ್ಲಿ ಪ್ರಕಟ ಆಗಿದ್ದ ಫೋಟೋ ಒಂದನ್ನು ನನ್ನ ಬ್ಲಾಗ್ನಲ್ಲಿ ಎರವಲು ಪಡೆದು ಪ್ರಕಟಿಸಿದ್ದೆ. ಜೊತೆಗೆ ಈ ಗುಂಪಿನ ಬಗ್ಗೆ ಹೇಳಿಯೂ ಇದ್ದೆ. ಜೊತೆಗೆ ಆ ಗುಂಪಿಗೆ ನನ್ನ ಬ್ಲಾಗ್ ಲಿಂಕ್ ಕೊಟ್ಟಿದ್ದೆ. ಆಗ ಸಿಕ್ಕ ಉತ್ತರ :) ... ಅವರ ವಿಶೇಷತೆಗಳಲ್ಲಿ ಇದೂ ಒಂದು. ಒಂದು ಅವರ ಹತ್ರ ಪಡೀ ಬೇಕಾದ್ರೆ ಸಾಕಷ್ಟು :) ಸೇರಿರುತ್ತೆ ಗಮನಿಸಿ ಬೇಕಾದ್ರೆ :-)
ಆದರೆ ಇವರ ಪ್ರಯತ್ನ ನಿಜಕ್ಕೂ ಒಳ್ಳೆಯದು. ಮಲ್ಟಿ ನ್ಯಾಷನಲ್ ಕಂಪನಿಗಳಲ್ಲಿ ಕೆಲಸ ಮಾಡುವವರು ಮಾತ್ರವಲ್ಲ ನಮ್ಮ ಜೊತೆಯಿರುವ ಅನ್ಯಭಾಷಿಗರೂ ಕನ್ನಡದಲ್ಲಿ ಮಾತಾಡುವಂತಹ ಪರಿಸರ ನಾವೇ ಕ್ರಿಯೇಟ್ ಮಾಡ ಬೇಕು.
ನಮ್ಮ ಮೆಟ್ರೋ ಬಗ್ಗೆ ಹೇಳಿದ ಇವರು ಹೇಳಿದ ಕೆಲವು ಸತ್ಯಗಳು ನಿಜವಾಗಿ ನಿಜ. ಅಣ್ಣಾ ಹಿಂಗಾಗಿದೆ ರಕ್ಷಿಸು ಅಂತ ಕೇವಲ ಕನ್ನಡ ಬಲ್ಲ ಹೈದ ಬಂದ್ರು ಕೇಳಿದ್ರೆ ಜಾ ಜಾ ಅಂದ್ರೆ ಎನ್ ಗತಿ...ಯಾಕೋ ಗೊತ್ತಿಲ್ಲ ಕಣ್ರೀ ಮೆಟ್ರೋ ರೈಲ್ ನಮ್ಮ ದು ಅಂತ ಅನ್ನಿಸೆ ಇಲ್ಲ. ಬೇರೆಯ ರಾಜ್ಯದವರಿಗಾಗಿ ಇರುವ ವ್ಯವಸ್ಥೆ ಎಂದು ಪದೇಪದೇ ಅನ್ನಿಸಿದೆ.
ಪವನ್, ಪ್ರಿಯಾಂಕ್ , ಅಮರ್...ಮಲ್ಟಿನ್ಯಾಷನಲ್ ಕಂಪನಿಗಳಲ್ಲಿ ಒಳ್ಳೆಯ ಹುದ್ದೆಯಲ್ಲಿರುವ ಕನ್ನಡಿಗರು. ನಮಗ್ಯಾಕೆ ಊರ ಉಸಾಬರಿ ಅನ್ನುವ ಮನಸ್ಥಿತಿಯನ್ನು ಉಗಿದು ಒಗೆದು ಕನ್ನಡದ ಬಗ್ಗೆ ಜಾಗೃತಿ ಹುಟ್ಟಿಸಲು ಹೊರಟಿದ್ದಾರೆ. ಇವರಂತೆ ಅಪಾರ ಸಂಖ್ಯೆಯ ಸಾಫ್ಟ್ವೇರ್ ಯುವ ಮಂದಿ ಈ ಸಾಹಸದಲ್ಲಿ ಭಾಗಿಯಾಗಿದ್ದಾರೆ. ಕೇವಲ ಒಂದಷ್ಟು ಜನ ಮಾತ್ರವಲ್ಲ ಎಲ್ಲರೂ ಕೈಜೋಡಿಸಿದಾಗ ಯಶಸ್ಸು ಸಾಧ್ಯ. ಮೊದಲು ಕನ್ನಡ ಬರದ ಕನ್ನಡದ ಮಾತೃಭಾಷೆಯ ಅಮ್ಮಣ್ಣಿ- ಅಪ್ಪಣ್ಣಗಳು ಕನ್ನಡ ಬಗ್ಗೆ ಪ್ರೀತಿ ಬೆಳೆಸಿಕೊಂಡರೆ ಮಾತ್ರ ಇವೆಲ್ಲ ಸಾಧ್ಯ. ಕಾರ್ಯಕ್ರಮ ಚಂದಿತ್ತು .

ನೋಡಿ ಈ ಗುಂಪುಗಳ ಕನ್ನಡಪರ ಕಾಳಜಿ ಹೇಗಿದೆ. ಕನ್ನಡಕ್ಕೆ ಸಂಬಂಧ ಪಟ್ಟಂತೆ ವಿಷಯ ಹರಡುವುದರಲ್ಲಿ ಅದ್ಭುತವಾದ ರೀತಿಯಲ್ಲಿ ಕೈ ಜೋಡಿಸಿ ಬಿಡ್ತಾರೆ. ಈ ಲಿಂಕ್ ಅದೆಷ್ಟು ಶೀಘ್ರವಾಗಿ ನಾನು ನೋಡು ನೋಡುತ್ತಿದ್ದಂತೆ ಹರಡು ಗೊತ್ತ... ಅದ್ಭುತ... ಫೇಸ್ಬುಕ್ ಅನೇಕ ಸಂಗತಿಗಳ ವೇದಿಕೆ ಆಗಿದೆ. ಕನ್ನಡಕ್ಕೆ ಸಂಬಂಧಪಟ್ಟಂತೆ ಅದ್ಭುತವಾದ ವೇದಿಕೆ ಆಗಿದೆ.ಕ್ಲಿಕ್ಕಿಸಿ
http://karave.blogspot.com/2011/12/krv-horatakke-metrodinda-uttara.html

ಮೂಲ ನಕ್ಷತ್ರದಲ್ಲಿ ಹುಟ್ಟಿದ ಮಗುವನ್ನು ಹೊರಗೆ ಹಾಕುವ ಪ್ರಯತ್ನ - ಮಾರುವ ಪ್ರಯತ್ನ ಮಾಡಿದ ಪಿತಾಶ್ರೀ ಬಗ್ಗೆ ಸುವರ್ಣ ಸುದ್ದಿ ವಾಹಿನಿ ಮತ್ತು ಟೀವಿ ನೈನ್ ವಾಹಿನಿ ಯಲ್ಲಿ ಪ್ರಸಾರ ಆಯ್ತು. ಸುವರ್ಣ ಸುದ್ದಿವಾಹಿನಿಯಲ್ಲಿ ರಾಧ ಹಿರೇ ಗೌಡರ್ ಮತ್ತು ಟೀವಿನೈನ್ ನಲ್ಲಿ ರಾಧಿಕ ಕಾರ್ಯಕ್ರಮ ನಡೆಸಿಕೊಟ್ರು. ಅತ್ಯುತ್ತಮ ನಿರೂಪಕಿಯರು ಇವರಿಬ್ರೂ. ತುಂಬಾ ಬ್ಯಾಲೆನ್ಸ್ದ್ ಆಗಿ ವಿಚಾರ ಪ್ರಸ್ತುತಪಡಿಸಿದರು. ಟೀವಿನೈನ್ ಜ್ಯೋತಿಷ್ಯ ಪಂಡಿತರಾದ ಸಚ್ಚಿದಾನ0ದ ಗುರುಜೀ ಹಾಗೂ ಗೋಪಾಲ ಕೃಷ್ಣ ಶರ್ಮ ಅವರ ಜೊತೆ ಮಾತನಾದಿಸಿದು ವಿಶೇಷವಾಗಿತ್ತು. ಅದಕ್ಕಿಂತಲೂ ವಿಶೇಷ ಅನ್ನಿಸಿದ್ದು ಇಬ್ಬರು ಸಹ ತಮ್ಮ ಮಾತೇ ಸರಿ ಎನ್ನುವ ಮೂಢ ಜಗಳ ಮಾಡದೆ ಇದ್ದದ್ದು.ಇಬ್ಬರ ಅನಲೈಸ್ ಮಾಡುವ ರೀತಿ ಚೆನ್ನಾಗಿತ್ತು.

ರಾಧ-ರಾಧಿಕ ಒಂದು ಸಂಗತಿ ಗೊತ್ತ ಸರಸ್ವತಿ ದೇವಿದು ಮೂಲಾನಕ್ಷತ್ರ. ಆದ್ರೆ ಪುರಾಣಗಳಲ್ಲಿ ತೊಂದರೆಗೆ ಒಳಗಾಗಿದ್ದು ವಿಷ್ಣು ಅಲ್ಲ ಆತನ ಪತ್ನಿ ಲಕ್ಷ್ಮಿ. ಅಂದ್ರೆ ಮೂಲಾನಕ್ಷತ್ರ ಮಾವನಿಗೆ ಅಲ್ಲ ಅತ್ತೆಗೆ ತ್ರಾಸು ಉಂಟುಮಾಡಿದ್ದು. ಆದ್ರೆ ಮೂಲ ಮಾತ್ರವಲ್ಲ ಯಾವುದೇ ನಕ್ಷತ್ರದ ಸೊಸೆ ಆಗಲಿ ಈ ಸಮಸ್ಯೆ ಇದ್ದೆ ಇರುತ್ತೆ ಅಂತಾರೆ ಬಲ್ಲವರು . :-)

ತಿಳಿತಾ :-)

2011-12-12T13:48:00.001+05:00

Foto :R.K.Pai

ಸಣ್ಣ ಪ್ರಮಾಣದ ಗಲಾಟೆ ಆರಂಭ ಆಗುತ್ತದೆ ಗ್ರೂಪ್ನಲ್ಲಿ . ಅದರ ಹೆಸರು ಹುಟ್ಟು ತರಲೆಗಳ ಜಗತ್ತು. ಫೇಸ್ಬುಕ್ ಪ್ರಪಂಚದಲ್ಲಿ ನಾನು ಹೆಚ್ಚು ವಿಸಿಟ್ ಕೊಡುವ ಗುಂಪು. ಇದರಲ್ಲಿ ಕರವೇ ನಲ್ನುಡಿ ಚೀಫ್ ಎಡಿಟರ್- ದಿನೇಶ್ ಕುಮಾರ್, ಇದೆ ಪತ್ರಿಕೆಯ ಎಕ್ಸಿ ಕುಟೀವ್ ಎಡಿಟರ್ ಜ್ಞಾನೇಂದ್ರ ಕುಮಾರ್ ಕಿಚಾಯಿಸಿ ಒಟ್ಟಾರೆ ಉಲ್ಲಸಿತರಾಗಿ ಇರ್ತಾರೆ. ದಿನೇಶ್ ಕುಮಾರ್ ಸೀರಿಯಸ್ ಬರಹ- ಮಾತುಗಳಿಗೆ ಫೇಮಸ್ಸು. ಆ ರೀತಿ ಕಂಡವರಿಗೆ ಅವರ ಈ ತರಲೆ ( ನಾಟಿ) ವ್ಯಕ್ತಿತ್ವ ತುಂಬಾ ವಿಶೇಷ ಅನ್ನಿಸುತ್ತೆ ಬಿಡಿ. ಸಮಯ ವಾಹಿನಿಯಲ್ಲಿ ಮಿತ್ರ ದಿನೇಶ್ ತೇಜಸ್ವಿ ಅವರ ಕಾರ್ಯಕ್ರಮ ಹೊತ್ತು ಸಾಕಷ್ಟು ಹೋಂ ವರ್ಕ್ ಮಾಡಿ ಉತ್ತಮ ರೀತಿಯಲ್ಲಿ ಕಾರ್ಯಕ್ರಮ ಸಿದ್ಧ ಮಾಡಿ ವೀಕ್ಷಕರ ಕೈಲಿಟ್ಟರು . ಕಾರ್ಯಕ್ರಮ ಅನೇಕ ಸಂಚಿಕೆಗಳ ಮೂಲಕ ವೀಕ್ಷಕರ ಹೃದಯದಲ್ಲಿ ನೆಲೆ ನಿಂತಿತು. ಈ ಕಾರ್ಯಕ್ರಮ ವೀಕ್ಷಿಸಿದರು ಸಹ ನನಗೆ ನನ್ ಬ್ಲಾಗ್ ನಲ್ಲಿ ಬರೆಯಲು ಸಾಧ್ಯ ಆಗಿರಲಿಲ್ಲ. ಅದಕ್ಕೆ ಕಾರಣ ನನ್ನ ಹಲ್ಲುನೋವು.
ಆದರೆ ಖುಷಿಯಾಗಿ ವೀಕ್ಷಿಸುವಂತೆ ಮಾಡಿತ್ತು..ಕಾಲು ಎಳೆಯುವ- ಎಳೆಸಿಕೊಳ್ಳುವ ಕೆಲಸಕ್ಕೂ ಸೈ ಜೊತೆಗೆ ಇಂತಹ ಸತ್ವ ಪೂರ್ಣ ಕಾರ್ಯಕ್ರಮಗಳು ನಿರ್ಮಿಸಲು ಸೈ ಸೈ.!ಮೊನ್ನೆ ಸಮಯ ವಾಹಿನಿಯಲ್ಲಿ ತುಂಬಾ ಸೀರಿಯಸ್ಸಾಗಿ ಸಾಹಿತ್ಯ ಸಮ್ಮೇಳನದ ಬಗ್ಗೆ ಮಾತಾಡುವಾಗ ದಿನೇಶ್ ಬಗ್ಗೆ ಖುಷಿ ಅನ್ನಿಸಿತು. ಅಯ್ಯೋ ನಾನು ಹೊಗಳಿದೆ ಅಂತ ಇನ್ನು ಮುಂದೆ ಸೀರಿಯಸ್ಸಾಗಿ ಮಾತಾಡುವ ಹಾಗಿಲ್ಲ ಮಿತ್ರ... ತಿಳಿತಾ :-)

ಗ್ರಹಣದ ಬಗ್ಗೆ ಅನೇಕ ಬಗೆಯ ಚರ್ಚೆಗಳು- ಜ್ಯೋತಿಷಿಗಳ ವಿಚಾರಧಾರೆಯನ್ನು ಪ್ರತಿಯೊಂದು ಚಾನೆಲ್ಗಳು ಪ್ರಸಾರ ಮಾಡಿತು. ಆದರೆ ಎಲ್ಲದಕ್ಕಿಂತ ಅತ್ಯಂತ ಹೆಚ್ಚು ಮನ ಸೆಳೆದ ಚರ್ಚೆ ಅಂದ್ರೆ ಜನಶ್ರೀ ವಾಹಿನಿಯಲ್ಲಿ ಲಕ್ಷ್ಮಿ ನಡೆಸಿಕೊಟ್ಟ ಕಾರ್ಯಕ್ರಮ. ಖಗೋಳ- ವೈಜ್ಞಾನಿಕ ಬರಹಗಳ ಮೂಲಕ ಚಿಂತನೆಗೆ ಹಚ್ಚುವ ಲೇಖನಗಳ ಮೂಲಕ ಗಮನ ಸೆಳೆದಿರುವ ಗಣೇಶಯ್ಯನವರು ಕನ್ನಡದ ಸಾಹಿತ್ಯ ಲೋಕದ ಹೆಮ್ಮೆಯ ಲೇಖಕರು. ಮಾತಿನ ಶೈಲಿ- ಅವರು ಗ್ರಹಣದ ಬಗ್ಗೆ ತಿಳಿಸಿದ ವಿಷಯಗಳು ನಿಜಕ್ಕೂ ಹೆಚ್ಚು ಉಪಯುಕ್ತ. ಇದರ ಬಗ್ಗೆ ಹೇಳುವುದಕ್ಕಿಂತ ಆ ಕಾರ್ಯಕ್ರಮ ಮತ್ತೊಮ್ಮೆ ಪ್ರಸಾರ ಮಾಡಿದ್ರೆ ಸಾಕಷ್ಟು ಮಾಹಿತಿ ತಿಳಿಯಲು ಸಾಧ್ಯ ಆಗುತ್ತದೆ. ಇದೆ ಕಾರ್ಯಕ್ರಮದ ಮತ್ತೊಬ್ಬ ಅತಿಥಿಗಳಾಗಿದ್ದ ಕೈ. ಪು. ಶೇಷಾದ್ರಿ ಅವರ ಮಾತು ಕೇಳ ಬೇಕು ಕಣ್ರೀ. ಅದ್ಭುತ ! ವೇದ+ಉಪನಿಷತ್+ವಿಜ್ಞಾನ ಎಲ್ಲವನ್ನು ಮಿಶ್ರಣ ಮಾಡಿ ಮಾತಾಡುತ್ತಾರೆ. ಸಾಮಾನ್ಯವಾಗಿ ಅವರ ಮಾತಿನಲ್ಲಿ ಕಾಣಸಿಗುವ ಅಂಶಗಳು ಭಿನ್ನಲೋಕ ತೆರೆದಿಡುತ್ತದೆ.ಜಾತಿ-ಧರ್ಮ... ಹೀಗೆ ನಮ್ಮನ್ನು ಕಾಡುವ ಅನೇಕ ಸಂಗತಿಗಳ ಮೂಲರೂಪದ ಬಗ್ಗೆ ಅಥವಾ ಇರುವ ಸಾಧ್ಯತೆ ಬಗ್ಗೆ ಮಾತ್ರವಲ್ಲದೆ ಎಲ್ಲಾ ಸಂಗತಿಗಳನ್ನು ವಿಜ್ಞಾನದ ಜೊತೆ ಮಿಳಿತ ಮಾಡಿ ಹೇಳ್ತಾರೆ.. ವಾವ್ !

ಸಾಧನೆ!

2011-12-10T07:46:00.002+05:00

ಗ್ರಹಣಕ್ಕೆ ಹೆದರಿಕೆ ಆಗ ಬೇಕು ಅಷ್ಟೊಂದು ಮಾತುಗಳು ಜ್ಯೋತಿಷಿಗಳಿಂದ ! ಇಂದು ವೃಷಭ ರಾಶಿ ಅವರ ಮೇಲೆ ಗ್ರಹಣದ ಪ್ರಭಾವ ಇದೆ ಎನ್ನುವ ಬಗ್ಗೆ ಕಳೆದ ಕೆಲವು ದಿನಗಳಿಂದ ಪ್ರಸಾರ ಆಗ್ತಾ ಇರುವ ಸುದ್ದಿ. ನಮ್ಮ ಸಂಸ್ಕೃತಿ -ಆಚಾರ ವಿಚಾರದಲ್ಲಿ ಗ್ರಹಣ ಸಹ ಹೆಚ್ಚು ಪ್ರಮುಖ ಪಾತ್ರ ನಿರ್ವಹಿಸಿದೆ. ಗ್ರಹಣ ಆದ ನಂತರ- ಆಗುವ ಗಳಿಗೆಗಳನ್ನು ಲೆಕ್ಕಾಚಾರದ ಮೂಲಕ ಶಾಂತಿ -ಹೋಮ ಹವನ ಮಾಡಿಸುವ ಪರಿಪಾಟ ಹಿಂದಿನಿಂದಲೋ ಇದೆ. ಆದರೆ ಮಾಧ್ಯಮಗಳ ಪ್ರಭಾವದಿಂದ ಈಗಂತೂ ಅದರ ಪ್ರಭಾವ ಹೆಚ್ಚಾಗಿದೆ. ಹೇಳುವುದಾದರೆ ಅವೆರವರ ಭಾವಕ್ಕೆ ಅವರವರ ಭಕುತಿಗೆ.

ಜ್ಯೋತಿಷಿಗಳು ಒಂದು ಸಂಗತಿ ಬಗ್ಗೆ ಸ್ವಲ್ಪ ಗಮನ ಹರಿಸಿದರೆ ಹೆಚ್ಚು ಒಳಿತು. ಯಾಕೆ ಅಂದ್ರೆ ಜ್ಯೋತಿಷ್ಯ ಕಾರ್ಯಕ್ರಮಗಳನ್ನು ವೀಕ್ಷಿಸುವವರಲ್ಲಿ ಹೆಚ್ಚು ಮಂದಿ ಅಮಾಯಕರು . ಈ ಅಮಾಯಕರಲ್ಲಿ ಹೆಚ್ಚು ಮಂದಿ ವಿದ್ಯೆ ಕಲಿತವರು ಇದ್ದಾರೆ . ಮೊದಲೇ ತಿಳಿಸಿದಂತೆ ನಂಬಿಕೆಯೂ ಮನುಷ್ಯನ ಬದುಕನ್ನು ಚೇತೋಹಾರಿಯಾಗಿ ಮಾಡುತ್ತದೆ.ವೀಕ್ಷರಲ್ಲಿ ಮಹಿಳಾ ವೀಕ್ಷರದ್ದು ಸಿಂಹಪಾಲು. ಎಲ್ಲಿ ಮಹಿಳೆ ಎಂಟ್ರಿ ಕೊಡ್ತಾಲೋ ಅಲ್ಲಿ ಇಡೀ ಮನೆಯವರು ನಾಸ್ತಿಕರು ಆಗಿದ್ರೂ ಯಪ್ಪಾ ಅಂತ ಅನುಭವಿಸಲೇ ಬೇಕು :-) ಸೊ ದಯಮಾಡಿ ನೆಗೆಟೀವ್ ಸಂಗತಿಗಳ ಜೊತೆಗೆ ಪಾಸಿಟಿವ್ ಅಂಶಗಳ ಬಗ್ಗೆ ತಿಳಿಸಿ.

ನಿನ್ನೆ ಪ್ರಸಾರ ಕಾರ್ಯಕ್ರಮಗಳಲ್ಲಿ ಕಸ್ತೂರಿ ನ್ಯೂಸ್ , ಸಮಯ ನ್ಯೂಸ್ ನಲ್ಲಿ ಜ್ಯೋತಿಷಿ ಬಾಬಗಳು ಒಳ್ಳೆಯದೇ ಹೇಳಿದ್ರು ಆದ್ರೆ ,ಸಮಯ ವಾಹಿನಿಯಲ್ಲಿ ಬೇಡ. ಮೂರು ಜನರಲ್ಲಿ ಒಬ್ಬರು ಹೆಚ್ಚು ಪಾಸಿಟಿವ್ ಆಗಿ ಮಾತಾಡಿದರು . ಕೆಟ್ಟದಾಗುತ್ತದೆ, ಆದರೆ ಹೀಗೆ ಮಾಡಿದರೆ ತೊಂದರೆ ಆಗದು ಅನ್ನುವ ಸಂಗತಿಗೆ ಹೆಚ್ಚು ಒತ್ತು ಕೊಟ್ಟರು . ಇಂತಹ ಅಂಶಗಳು ಎಲ್ಲಾ ರೀತಿಯಿಂದಲೂ ಒಳಿತು.

ಜೀ ಕನ್ನಡದಲ್ಲಿ ( ಶನಿವಾರ- ಭಾನುವಾರ ) ಭವಿಷ್ಯ ಕಾರ್ಯಕ್ರಮ ನಡೆಸಿಕೊಡುವ ಗುರುಜೀ, ಸುವರ್ಣ ವಾಹಿನಿ, ಟೀವಿ ನೈನ್ ಗುರುಜೀ ತುಂಬಾ ಮೈಲ್ಡ್ ಆಗಿ ಹೇಳ್ತಾರೆ.ಅದೇ ಜೀ ಟೀವಿ ಬ್ರಮ್ಹಾಂಡ ಸ್ವಾಮಿಗಳು ದೇವ್ರೇ ....!!!

ಸುವರ್ಣ ವಾಹಿನಿಯಲ್ಲಿ ಪ್ರಸಾರ ಆಗುವ ರಾಘವೇಂದ್ರ ವೈಭವ ಧಾರಾವಾಹಿಯಲ್ಲಿ ಹೆಚ್ಚು ಖುಷಿ ಕೊಡುವುದು ರಾಯರ ಕಾಲದಲ್ಲಿ ಇದ್ದ -ಆಗಿದ್ದ ಮಹಿಮೆಗಳ ಬಗೆಗಿನ ಮಾಹಿತಿ. ಅದಕ್ಕಿಂತಲೂ ಖುಷಿ ಕೊಡುವ ಸಂಗತಿ ಮೈಸೂರು ರಾಮಚಂದ್ರಾಚಾರ್ಯ ಅವರ ಗಾಯನ. ನಿಮ್ಮಲ್ಲಿ ಸಾಕಷ್ಟು ಜನಕ್ಕೆ ಗೊತ್ತಿದೆ. ಮೈಸೂರು ರಾಮಚಂದ್ರಚಾರ್ಯರು ದೇವರ ನಾಮ ಹಾಡುವುದು ಮಾತ್ರವಲ್ಲ ತಾವು ಹಾಡುವಾಗ ಒಂದೊಂದು ನುಡಿಗೂ ಅದರಲ್ಲಿ ಬರುವ ದೇವರ ಗುರುಗಳ ಫೋಟೋ ತೋರಿಸುತ್ತ ಹಾಡುತ್ತಾರೆ. ಅದು ಅವರ ವಿಶೇಷತೆ. ಅದು ದೊಡ್ದ ಸಾಧನೆ!ಅವರ ಕಚೇರಿಗಳಿಗೆ ಹೋದರೆ ಮಾತ್ರ ಈ ವಿಶೇಷತೆ ಕಾಣ ಬಹುದು.
ಈ ಧಾರಾವಾಹಿಯಲ್ಲಿ ನನ್ನ ಮನಸ್ಸನ್ನು ಅನೇಕ ಪಾತ್ರಗಳು ಸೆಳೆದಿವೆ. ಅದರಲ್ಲಿ ಕನಕ ಪುಟ್ಟ ಎನ್ನುವ ಹೆಸರಲ್ಲಿ ಒಬ್ಬ ಬಾಲಕ ನಟಿಸಿದ್ದ. ತುಂಬಾ ಹಳೆಯ ಸಂಚಿಕೆಗಳಲ್ಲಿ ಪ್ರಸಾರ ಆಗಿತ್ತು. ಆ ಹುಡುಗನ ಪಾತ್ರ ಸಿಕ್ಕಾಪಟ್ಟೆ ಇಷ್ಟ ಆಗಿತ್ತು. ಸಾಧ್ಯ ಆದ್ರೆ ಆ ಬಾಲಕನಿಗೆ ಇನ್ನು ಒಂದು ಚಾನ್ಸ್ ಕೊಡ್ರಿ. ಕಣ್ಣುಗಳಲ್ಲಿ ಇದ್ದ ಮುಗ್ಧತೆ ನನಗೆ ಮರೆಯೋಕೆ ಆಗಿಲ್ಲ.

ಕಮೆಂಟೂ :-

Karnataka Daily News (ಕರ್ನಾಟಕ ದಿನ ವಾರ್ತೆಗಳು) - [Face Book ]
Shirva Harish Shetty howdu kanaka puttana paatravahinsida baalaka pratibhavanta......anta balya natarige punah chance koduvudu olleyadu.....adbhutavaagi natisida avanu kanaka puttana paatradali....

ಅಗ್ಗಳಿಕೆ

2011-12-09T14:00:00.013+05:00

ವೀಕ್ಷಕರೊಬ್ಬರ ಅಭಿಪ್ರಾಯ :
ಉದಯ ಕಾಮಿಡಿ ನಲ್ಲಿ ಪ್ರಸಾರ ಮಾಡ್ತಾ ಇರ್ತಾರೆ ಈ ಕಾಮಿಡಿ. ಎಷ್ಟು ಜನ ಕನ್ನಡ ಚಾನೆಲ್ ಗಳು ನೋಡ್ತಿರೋ ಅ ದೇವರೇ ಬಲ್ಲ..

ದೀರೇಂದ್ರ ಗೋಪಾಲ್ ರವರ ಡೈಲಾಗ್..ಚಪ್ಪಲಿ ತಗೊಂಡು ಹೊಡಿ. ಚಪ್ಪಲಿ ನಲ್ಲಿ ಹೊಡೆದರೆ ರಾಜಕಾರಣಿ ಆಗ್ತೀನಿ ಅಂತ ಭವಿಷ್ಯ ನುಡಿದಿರ್ತಾರೆ. ಚಪ್ಪಲಿ ತಗೊಂಡು ಯಾರಾದರು ಹೊಡಿರಪ್ಪೋ ಅಂತ ಹುಡುಕು ವಾಗ., ಬಿಕ್ಷುಕನ ಸಂಭಾ ಷಣೆಗಳು ಕೆಳಗಿನಂತೆ.

ಲೇ ಅ ತೆಲಿಗ್ನವ ತೆಲೆಗ್ ನಾಗ್ ನಮಸ್ಕಾರ ಮಾಡ್ತಾನೆ.
ಅ ತಮಿಳ್ ನವ ತಮಿಳ್ ನಾಗ್ ನಲ್ಲಿ ನಮಸ್ಕಾರ ಮಾಡ್ತಾನೆ.
ಕನ್ನಡದವ ಆಗಿ ಇಂಗ್ಲಿಷ್ ನಾಗ್ ಗುಡ್ ಮಾರ್ನಿಂಗ್ ಅನ್ಥಿಯಲ್ಲ ಲೇ.

ನಿಮ್ ಅವ್ವನಿಗೆ ಕೇಳು ನಿಮ್ ಮನೆ ಪಕ್ಕದಾಗ ಏನರ ಬ್ರಿಟಿಶ್ ನವ ಇದ್ನಂಥ. ಕನ್ನಡಿಗರು ಅಂತ ಗೊತ್ತಿದ್ದೂ, ಇದು ತೋರಿಸುತ್ತೆ ಕನ್ನಡಿಗರ ಹೊಲಸು ವರ್ತನೆಗಳು.. ಒಂದು ಕಾಮಿಡಿ ರೂಪದಲ್ಲಿ ಎಷ್ಟು ಅಚ್ಚು ಕಟ್ಟಾಗಿ ಹೇಳಿದ್ದಾರೆ , ಕನ್ನಡಿಗರು ತಿಳಿದುಕೊಳ್ಳಲಿ ಅಂತ.

ಅನಾವಶ್ಯವಾದ/ಬೇಡವಾದ ಕಡೆ ಇಂಗ್ಲಿಷ್ ಬಳಕೆ ಮಾಡೋರ ನಗೆ ಪಾಟಲು, ಸಿಹಿ ಇದೆ ಅಂತ ಸಿಕ್ಕ ಸಿಕ್ಕಿದು ತಿನ್ನಬೇಡಿ.ಇವತ್ತಿನ ದಿನ ಕನ್ನಡಿಗರು ಮಾಡ್ತಿರೋದೆ ಇದು..
ಸಾಮಾನ್ಯವಾಗಿ ಸಮಯ ಸಿಕ್ಕಾಗ ನಾನು ಫೇಸ್ ಬುಕ್ ಎಲ್ಲ ಗುಂಪಿನಲ್ಲೂ ಅಡ್ಡಾಡ್ತಾ ಇರ್ತೀನಿ. ಸಾಕಷ್ಟು ಅಭಿಪ್ರಾಯಗಳು, ಕಿಚ್ಚು - ಕೆಚ್ಚು, ಸಾಂತ್ವಾನ, ಬುದ್ಧಿವಂತಿಕೆ, ಅಸಮಧಾನ ಹೀಗೆ ಹಲವಾರು ರೀತಿಯಲ್ಲಿ ತಮ್ಮ ಅಭಿಪ್ರಾಯಗಳನ್ನು ತಿಳಿಸುವ ಅಪಾರ ಸಂಖ್ಯೆಯಲ್ಲಿ ಜನರು ಕಾಣ ಸಿಗ್ತಾರೆ. ಸೋಶಿಯಲ್ ನೆಟ್ ವರ್ಕಿಂಗ್ ಈಗ ನಮ್ಮ ಬದುಕಿಗೆ ಹಲವಾರು ರೀತಿಯಲ್ಲಿ ಅಗತ್ಯ ಆಗಿದೆ. ನಿಜ! ಅತಿಯಾದರೆ ಯಾವು ಒಳ್ಳೆಯದಲ್ಲ, ಆದರೆ ಮಿತಿಮೀರದಂತೆ ಎಚ್ಚರ ವಹಿಸುವ ಹೊಣೆ ನಮ್ಮದು .
ಮೇಲೆ ತಿಳಿಸಿರುವ ಅಭಿಪ್ರಾಯ ಮನದ ಮಾತು ಎಫ್ಬಿಯಲ್ಲಿ ಇರುವ ಒಂದು ಗುಂಪು ಕನ್ನಡಿಗರಕೂಟದ ಸದಸ್ಯ ಎಂ.ಬಿ .ಆನಂದ್ ಅವರದ್ದು.
ಕನ್ನಡ ಬಗ್ಗೆ ತಮ್ಮ ನೇರ ಮನಸ್ಸಿನ ಅಭಿಪ್ರಾಯಗಳನ್ನು ಉಲ್ಲೇಖಿಸುತ್ತಿರುತ್ತಾರೆ . ಅವರು ಉದಯ ಕಾಮಿಡಿ ಟೈಮ್ ಬಗ್ಗೆ ತಿಳಿಸಿರುವ ಬಗ್ಗೆ ನಾನು ದಾಖಲಿಸಿದ್ದೇನೆ .
ಹಾಸ್ಯ ಮಾಡುವ ಕಲೆ ಅತ್ಯಂತ ಗೌರವಾನ್ವಿತವಾದದ್ದು. ಹಾಸ್ಯ ಅಪಹಾಸ್ಯ- ಅಸಹ್ಯ ಹಾಸ್ಯ ಆಗಲೇ ಬಾರದು. ನಿಮಗೆ ಒಂದು ಸಂಗತಿ ಹೇಳ್ತೀನಿ ಮೈಸೂರು ಒಡೆಯರು ಆಳುತ್ತಿದ್ದ ಸಮಯದಲ್ಲಿ ನಮ್ಮ ರಾಜ್ಯದಲ್ಲಿ ನಾಟಕ ಕಂಪನಿಗಳು ಹೆಚ್ಚಿನ ಮಹತ್ವ ಪಡೆದಿತ್ತು. ಆಗ ಇದ್ದ ನಾಟಕ ಕಂಪನಿಗಳಲ್ಲಿ ಹಾಸ್ಯ ಕಲಾವಿದರು ರಿಪೀಟ್ ಮಾಡುವ ಸೋಮಾರಿತನಕ್ಕೆ ಹೋಗ್ತಾ ಇರಲಿಲ್ಲವಂತೆ. ಅಂದ್ರೆ ಒಂದು ನಾಟಕದಲ್ಲಿ ಬಳಸಿದ ಹಾಸ್ಯ ತಿರುಚಿ ಮತ್ತೊಂದು ನಾಟಕದಲ್ಲಿ ಬಳಸುವ ಕೆಲಸ ಮಾಡ್ತಾ ಇರಲಿಲ್ಲವಂತೆ ಇದು ಸತ್ಯ ಸಂಗತಿ ಈ ಬಗ್ಗೆ ದಾಖಲೆ ಇದೆ. ಆದರೆ ನಮ್ಮಲ್ಲಿ ಅನುಕರಣೆ ಸಿಕ್ಕಾಪಟ್ಟೆ, ಅದನ್ನು ಬಿಟ್ರೆ ಅವರ ಹಾಸ್ಯ ಇವರು ಇವರದನ್ನು ಮತ್ತೊಬ್ಬರು ಬಳಸಿ ಹಾಸ್ಯಕ್ಕೆ ಬೇಜಾರು ಮಾಡಿ ಬಿಡ್ತಾ ಇದ್ದಾರೆ.
ಅದರಲ್ಲೋ ಹಿರಿಯ ಕಲಾವಿದ ಧೀರೇಂದ್ರ ಗೋಪಾಲ್ ಅವರ ಧ್ವನಿಯನ್ನು ಎರ್ರಾಬಿರ್ರಿ.. !
ಟೀವಿ ನೈನ್ ವಾಹಿನಿಯಲ್ಲಿ ಅನುಸರಿಸುವ ಕಲಾವಿದ ಸಂಜೀವ್ ಮಂಜುನಾಥ್ ಎಲ್ಲೂ ಅಳತೆ ಮೀರಿಲ್ಲ. ಯಾಕೆಂದ್ರೆ ಅವರು ಮಾತನಾಡುವ ವಿಷಯ- ಅದನ್ನು ಬರೆದ ಸಂಭಾಷಣೆಕಾರ ತಿಳಿಸುವ ಸಂಗತಿ ಗಟ್ಟಿತನದಿಂದ ಇರುತ್ತದೆ.
ಕನ್ನಡದವರಲ್ಲದ, ಅದರಲ್ಲೂ ಭಾರತೀಯರೂ ಅಲ್ಲದ ಸ್ವೀಡನ್ ದೇಶದ ಹೆಣ್ಣುಮಗಳು ಸಿಸಿಲಿಯ ಸುಳ್ಯದ ಶಾಲೆಯಲ್ಲಿ ಕಲಿತ ಕನ್ನಡ ಹಾಡಿನ ಲಿಂಕ್ ಇಲ್ಲಿದೆ ಕ್ಲಿಕ್ಕಿಸಿ ;
http://www.youtube.com/watch?v=TWsaExBQ9Vs&sns=fb

ಉದಯ ಕಾಮಿಡಿಯ ಬಗ್ಗೆ ಹೇಳುವುದಾದರೆ ಅವರ ಪ್ರಯತ್ನಗಳು ಓಕೆ... ಆದ್ರೆ ಹೆಚ್ಚು ಗಮನ ಕೊಡಿ.. ಧೀರೇಂದ್ರ ಗೋಪಾಲ್ ಆದರೂ ಆಗಿ, ಬಾಲ ಕೃಷ್ಣ ಅವರ ರೀತಿಯಲ್ಲಿ ಆದರೂ ಹೇಳಿ ಆದ್ರೆ ಹಾಸ್ಯವು ಅಳತೆ ಮೀರದೆ ಇರಲಿ.
ಕನ್ನಡವನ್ನು ಜಾಸ್ತಿ ಪ್ರೀತಿಸಿ ಹೆಚ್ಚು ಹೆಚ್ಚು ವೀಕ್ಷಕರಿಗೆ ಆಪ್ತ ಆಗ್ತೀರಿ :-)

ಐದು ವಸಂತಗಳನ್ನು ತನ್ನದಾಗಿಸಿಕೊಂಡಿರುವ ಟೀವಿ ನೈನ್ ಕನ್ನಡ ವಾಹಿನಿಗೆ ಹುಟ್ಟು ಹಬ್ಬದ ಹಾರ್ದಿಕ ಶುಭಾಶಯಗಳು. ವಾರ್ತಾ ವಾಹಿನಿಯಾಗಿ , ಅದರಲ್ಲೂ ವಿಶಿಷ್ಟ ಪ್ರಯತ್ನಗಳ ಮೂಲಕ ಅಪಾರ ಸಂಖ್ಯೆಯ ವೀಕ್ಷಕರನ್ನು ಹೊಂದಿರುವ ಅಗ್ಗಳಿಕೆ ನಿಮ್ಮದು. ಟೀವಿ ನೈನ್ ವಾಹಿನಿಯ ಎಲ್ಲ ಸಿಬ್ಬಂದಿಗೂ ಶುಭಾಶಯಗಳು. ಇನ್ನು ಒಳ್ಳೆಯ ಕಾರ್ಯಕ್ರಮಗಳನ್ನು ನೀಡಿ, ಮತ್ತಷ್ಟು ಯಶಸ್ವಿ ಆಗಿ ಎನ್ನುವ ಶುಭ ಹಾರೈಕೆ ವಾಸುದೇವ ಬ್ಲಾಗ್ ದಾಗಿದೆ :-)

ಪರಿಪೂರ್ಣ

2011-12-08T13:41:00.000+05:00

ಈಟೀವಿ ಕನ್ನಡ ವಾಹಿನಿಯಲ್ಲಿ ಪರಿಪೂರ್ಣ ಮಹಿಳೆ ಸ್ಪರ್ಧೆ ನಡೆಯುತ್ತಿದೆ. ತುಂಬಾ ವಿಶೇಷವಾದ ಸ್ಪರ್ಧೆ. ಈ ಕಾರ್ಯಕ್ರಮದಲ್ಲಿ ಹೆಚ್ಚು ಇಷ್ಟ ಆಗೋದು ಇದರ ಸ್ಪರ್ಧಿಗಳು. ಇಲ್ಲಿ ಭಾಗವಹಿಸುವವರು ಯಾರೂ ಸೆಲಬಿಗಳು ಅಲ್ಲ. ಆದರೆ ಅವರ ಪ್ರತಿಭೆ ಕಂಡು ಸೆಲಬಿಗಳು ದಂಗಾಗಿ ಹೋಗ್ತಾ ಇದ್ದಾರೆ. ಕಾರ್ಯಕ್ರಮದ ಮುಖ್ಯ ತೀರ್ಪುಗಾರರಾಗಿದ್ದಾರೆ ಭಾರತಿ ವಿಷ್ಣು ವರ್ಧನ್ ಮತ್ತುಗಾಯಕಿ ಚೈತ್ರ . ಇತ್ತೀಚೆಗೆ ನಾನು ವೀಕ್ಷಿಸಿದ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಹೆಣ್ಣು ಮಗಳು ಉಲ್ಟಾ ಬರೆಯುವ ಕಲೆಯಲ್ಲಿ ನಿಷ್ಣಾತರಾಗಿದ್ದರು. ಅದನ್ನು ನಾವು ಕನ್ನಡಿ ಮೂಲಕ ಓದಲು ಸಾಧ್ಯ. ಆದರೆ ಅದನ್ನು ಭಾರತಿ ಮ್ಯಾಡಂ ಕನ್ನಡಿಯ ಬಳಕೆ ಇಲ್ಲದೆ ಓದಿದರು. ಅಷ್ಟೆ ಅಲ್ಲದೆ ಆ ಹೆಣ್ಣುಮಗಳು ಭಾರತಿ ಅವರು ನಟಿಸಿದ ಚಿತ್ರ ಒಂದರ ಹಾಡನ್ನು ಉಲ್ಟಾ ಹಾಡಿದರು. ಗೊತ್ತಲ್ಲ ವಾಕ್ಯಗಳನ್ನು ಉಲ್ಟಾ ಮಾಡುವುದು. ಆದರೆ ಭಾರತಿಯವರು ಆ ಪ್ರಯತ್ನಕ್ಕೆ ಹೋಗದೆ ನೇರವಾಗಿ ಹಾಡಿದರು. ಪ್ರತಿ ಭಾನುವಾರ ಸಂಜೆ ಈ ಕಾರ್ಯಕ್ರಮ ಪ್ರಸಾರ ಆಗ್ತಾ ಇದೆ. ಹೆಣ್ಣು ಮಕ್ಕಳ ಸ್ಪರ್ಧೆಯನ್ನು ನೋಡುವುದು ಏಕೆ ಎನ್ನುವ ಭಾವ ಬಿಟ್ರೆ ಒಳ್ಳೊಳ್ಳೆ ಪ್ರತಿಭೆಗಳು ಕಾಣ ಸಿಕ್ತಾರೆ. ಮುಂದೆ ನಿಮ್ಮ ವೈಫು...ಗಳು ಸಹ ಈ ಕಾರ್ಯಕ್ರಮದಲ್ಲಿ ಭಾಗವಹಿಸ ಬಹುದು. ರಚನ ಈ ಕಾರ್ಯಕ್ರಮದ ನಿರೂಪಕಿ. ಕನ್ನಡ ತಪ್ಪು ಮಾತಾಡ್ತಾರೆ ಎನ್ನುವ ಭಯ ಇಲ್ಲದೆ ಈಕೆಯ ಮಾತು ಕೇಳ ಬಹುದು ಅಷ್ಟು ಸ್ಪಷ್ಟ ಹಾಗೂ ಚಂದದ ಶೈಲಿ.

ಇದೆ ವಾಹಿನಿಯಲ್ಲಿ ಜೀನ್ಸ್ ಅನ್ನುವ ಕಾರ್ಯಕ್ರಮ ಪ್ರಸಾರ ಆಗುತ್ತದೆ. ಇದು ತೆಲುಗು ಈಟೀವಿ ಯಲ್ಲಿ ಪ್ರಸಾರ ಆಗ್ತಾ ಇರುವ ಕಾರ್ಯಕ್ರಮ. ಕನ್ನಡದಲ್ಲಿ ಸುಷ್ಮಾ ರಾವ್ ನಿರೂಪಣೆ ಮಾಡ್ತಾ ಇದ್ದಾರೆ. ತುಂಬಾ ವಿಶೇಷವಾದ ಕಾರ್ಯಕ್ರಮ. ಈ ಷೋ ನಲ್ಲಿ ಭಾಗವಹಿಸಲು ಬರುವ ಸಾಧಕರು ಒಂದು ಆಕರ್ಷಣೆ ಆದ್ರೆ, ಇದರ ಮೂಲ ತಿರುಳಾದ ವಂಶವಾಹಿನಿಗೆ ಸಂಬಂಧ ಪಟ್ಟ ಸಂಗತಿ ಮತ್ತೊಂದು ಆಕರ್ಷಣೆಯ ವಿಷಯ. ಇವರ ಮಗ ಅಥವಾ ಮಗಳು ಇವರೇನಾ ಎನ್ನುವುದು ಕಂಡು ಹಿಡಿಯುವುದೇ ಈ ಕಾರ್ಯಕ್ರಮದ ಮೂಲ ಸಂಗತಿ ಆದರೂ ಸಹ , ಕುತೂಹಲ ಹುಟ್ಟಿಸುವ ಕಾರ್ಯಕ್ರಮ ಇದಾಗಿದೆ. ಸುಷ್ಮಾ ಸಹ ತು೦ಬ ಜಾಲಿಯಾಗಿ ನಿರೂಪಣೆ ಮಾಡ್ತಾರೆ ನಿಜ್ಜ..

ಟೀವಿ ನೈನ್ ವಾಹಿನಿಯಲ್ಲಿ ಪ್ರಸಾರ ಆಗುವ ನೀವು ಹೇಳಿದ್ದು ... ಕಾರ್ಯಕ್ರಮದ ವಾರದ ಪ್ಯಾಕೇಜ್ ... ತುಂಬಾ ಚೆನ್ನಾಗಿದೆ. ಅನೇಕ ಸರ್ತಿ ನಾವು ವೀಕ್ಷಿಸಲು ಆಗದೆ ಇರುವ ಕಾರ್ಯಕ್ರಮ ಒಟ್ಟಿಗೆ ನೋಡ ಬಹುದು.. ಆದರೂ ಜಾಸ್ತಿ ಮಜ ಕೊಡೋದು.. ನಮ್ ರಾಜಕೀಯ ನಾಯಕರುಗಳನ್ನು ಬೇರೆ ಹೆಸರಿನಿಂದ ಸಂಬೋಧಿಸುವ ಹಿರೀಕನ ಮಾತು.. ಯಂತೆ ನಮ್ ಸೋಮಣ್ಣ ಬಜಾರಿ ಎಂಗಸಿನಂಗೆ... ಹೀಗೆ ಹಲವಾರು ರೀತಿಯ ಪದಗಳ ಬಳಕೆ ವಾವ್!
ಭರಪೂರ ಖುಷಿ ಕೊಡುತ್ತದೆ.

ಕಸ್ತೂರಿ ನ್ಯೂಸ್ ಚಾನೆಲ್ ಫಳ ಫಳ ಅಂತ ಹೊಳೆಯುತ್ತ ಕಾರ್ಯಕ್ರಮ ನೀಡ್ತಾ ಇದೆ. ತುಂಬಾ ವಿಶೇಷ ಅನ್ನಿಸುವಂತೆ ಇದೆ. ಈ ವಾಹಿನಿಯಲ್ಲಿ ಪ್ರಸಾರ ಆಗುವ ಕಾರ್ಯಕ್ರಮಗಳು ಇನ್ನು ಬೇರೆ ವಾಹಿನಿಗಳ ಕಾರ್ಯಕ್ರಮಗಳ ಹೋಲಿಕೆ ಹೊಂದಿದೆ. ನೋ ಪ್ರಾಬ್ಲಂ ಒಂದೆರಡು ದಿನಕ್ಕೆ ಎಲ್ಲಾ ಸರಿ ಆಗುತ್ತದೆ. ಆದರೆ ಏನೆ ಹೇಳಿ ಅದರ ಪರದೆಯ ಹೊಳಪು, ನ್ಯೂಸ್ ಓದುವ ಹೆಣ್ಣುಮಕ್ಕಳ ಒನಪು ಆಹಾ! ಯಾಕೆ ಈ ಮಾತು ಹೇಳ್ತಾ ಇದ್ದೀನಿ ಅಂದ್ರೆ ಕಸ್ತೂರಿಯಲ್ಲಿ ಇದ್ದಾಗ ಸೀರೆ ಉಟ್ಟು,ಆಹಾ ಎನ್ನುವಂತೆ ಇದ್ದ ಹೆಣ್ ಹೈಕ್ಲಿಗಳು ನ್ಯೂಸ್ ಚಾನೆಲ್ ನಲ್ಲಿ ಅಮ್ಮೋ ದೇವುಡ ಓಹೋ ಅನ್ನುವಂತೆ ಬದಲಾಗಿದ್ದಾರೆ ;-)

ಆದ್ರೆ ಕೆಲವು ಕಾರ್ಯಕ್ರಮಗಳು ಆಸಕ್ತಿಯನ್ನು ಉಳಿಸಿಕೊಳ್ಳುವಂತೆ ಇದೆ. ಅದರಲ್ಲಿ ಅಗೋಚರ ಸಹ ಒಂದು.ಅತಿಮಾನುಷ ಸಂಗತಿಗಳ ಅನಾವರಣ. ಇಲ್ಲಿ ಯಾವುದೇ ರೀತಿಯ ಉತ್ಪ್ರೇಕ್ಷೆ ಇಲ್ಲ. ಸರಳ ರೀತಿಯಲ್ಲಿ ಕಾರ್ಯಕ್ರಮ ಪ್ರಸೆಂಟ್ ಮಾಡ್ತಾ ಇದ್ದಾರೆ ವಾಹಿನಿಯವರು. ಕಸ್ತೂರಿ ವಾಹಿನಿಯಲ್ಲಿ ಪ್ರಸಾರ ಆಗ್ತಾ ಇದ್ದಾಗ ನಿರೂಪಕ ವಸಂತ್ ಕುಮಾರ್ ಟೋಪಿ ಹಾಕಿಕೊಂಡು ಕತ್ತಲಲ್ಲಿ ನಿಂತು ಮಾತಾಡ್ತಾ ಇದ್ರು . ಕಸ್ತೂರಿ ನ್ಯೂಸ್ ಚಾನೆಲ್ನಲ್ಲಿ ಬೆಳಕಲ್ಲಿ ಅದೂ ಸ್ಮಾರ್ಟ್ ಆಗಿ ಬಂದು ವೀಕ್ಷಕರಿಗೆ ಅಗೋಚರದ ಬಗ್ಗೆ ಹೇಳ್ತಾರೆ. ಪರವಾಗಿಲ್ಲ ವಂತ್ ಕುಮಾರ್ ನಿಮಗೆ ಅಂತೂ ಧೈರ್ಯ ಬಂತು ;-)