ಸೀರಿಯಲ್ಸ್

 

ಕನ್ನಡ ಧಾರವಾಹಿಗಳಲ್ಲಿ ನಾನು ಸ್ವಲ್ಪ ಜಾಸ್ತೀ ನೋಡಿರುವುದು ಮತ್ತು ನೋಡ್ತಾ ಇರೋದು ಜೀ ಮತ್ತು ಕಲರ್ಸ್‌  ವಾಹಿನಿಗಳಲ್ಲಿ ಪ್ರಸಾರ ಆಗುವಂತಹದ್ದು.ನಮ್ಮ ಫ್ಯಾಮಿಲಿಯಲ್ಲಿ  ಹಿರಿಯರಿಂದ ಕಿರಿಯರ ಲಿಸ್ಟ್‌ ನಲ್ಲಿಅತಿ ಹೆಚ್ಚು ಸೀರಿಯಲ್‌ ಗಳನ್ನು ವೀಕ್ಷಿಸುವುದು ಜೀ ಕನ್ನಡವಾಹಿನಿಯಲ್ಲಿ. ಆದರೆ ನಮ್ಮ ಮನೆಯಲ್ಲಿಕಲರ್ಸ್‌ ಮತ್ತು ಜೀ ವಾಹಿನಿಯಲ್ಲಿ. ಸ್ಟಾರ್‌ ಸುವರ್ಣ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿದ್ದ ಗುಳಿಗಲ್ಲದ ಚೆಲುವೆ ಶಾಲಿನಿಯ ನಿರೂಪಣೆಯ ಸ್ಟಾರ್‌ ಸುವರ್ಣ ಸೂಪರ್‌ ಸ್ಟಾರ್‌ (ಈಗ ಪ್ರಸಾರ ಆಗುತ್ತಿಲ್ಲ.. ಶೀಘ್ರದಲ್ಲಿ ಶುರು ಆಗಬಹುದು ಎನ್ನುವ ನಿರೀಕ್ಷೆಯಲ್ಲಿ)ಮತ್ತು ಸಿಹಿಕಹಿ ಚಂದ್ರ ಅವರ  ಬೊಂಬಾಟ್‌ ಭೋಜನ ಸ್ವಲ್ಪ ಜಾಸ್ತಿ ಇಷ್ಟ ಪಟ್ಟು ನೋಡುವ ರಿಯಾಲಿಟಿ ಶೋ .  ಇದರಲ್ಲಿ ೧೯ ಮತ್ತು ೨೦೨೦ರ ಸಮಯದಲ್ಲಿ    ವರಲಕ್ಷ್ಮಿ ಸ್ಟೋರ್ಸ್ ಎನ್ನುವ  ಸೀರಿಯಲ್‌ ಪ್ರಸಾರ ಆಗುತ್ತಿತ್ತು. ಅದೇನು ಕಾರಣವೋ ಹಂಗೇ ಪಾಚಿಕೊಂಡು ಬಿಡ್ತು. ಕಥಾಹಂದರ ಚೆನ್ನಾಗೇ ಇತ್ತು. ಬಿಡಿ ನಮಗ್ಯಾಕೆ ಚಾನಲ್‌  ಗಲಾಟೆ ಇಚಾರ

·         ಅದೇ ರೀತಿ ಕಲರ್ಸ್‌ ವಾಹಿನಿಯಲ್ಲಿ ನನ್ನದೇವರು ಸಹ ಹೀಗೆ ಕೊನೆ ಆಯ್ತ ಶೃತಿ ನಾಯ್ಡು ಅವರ ನೇತೃತ್ವದ ಈ ಧಾರವಾಹಿ  ಸಹ ತುಂಬಾ ಆಸಕ್ತಿಕರವಾಗಿತ್ತು. ದಿ. ಹಾಸ್ಯನಟ ನರಸಿಂಹರಾಜು ಅವರ ಮೊಮ್ಮಗ ಅವಿನಾಶ್‌ ಅವರ ಮುಖ್ಯಭೂಮಿಕೆ ಇದರ ಆಕರ್ಷಣೆ. ಹಿರಿಯಕಲಾವಿದರಾದ ಮಾಲತಿ ಸುಧೀರ್‌, ರೇಖಾದಾಸ್‌ ಸೇರಿದಂತೆ  ಉತ್ತಮ ಕಲಾವಿದರ ದಂಡು ಇತ್ತು.ಆದರೇ ಅಯ್ಯೋ ಯಾಕೋ ಕಾಣೆನು..!

·         ದೃಷ್ಟಿ ಬೊಟ್ಟು, ರಾಮಾಚಾರಿ, ಭಾಗ್ಯಲಕ್ಷ್ಮಿ, ಅಮೂಲ್ಯ ಗೌಡ ನಟನೆಯ ಶ್ರೀ ಗೌರಿ.. ಇವಲ್ಲದರ ಜೊತೆ ನಿನಗಾಗಿ..ಒಟ್‌ಮೆ ಸೀರಿಯಲ್‌ ನೋಡುವ ಕಾಲ ನನ್ನದು. ನಿನಗಾಗಿ ಸಕತ್‌ ಇದೆ. ದಿವ್ಯ ಉರುಡುಗ, ರಿತ್ವಿಕ್‌ , ವಜ್ರೇಶ್ವರಿ, ಕಿಶನ್‌  ವಾಹ್..‌

·         ಜೀ ಯಲ್ಲಿ ಬ್ರಹ್ಮಗಂಟು,ಪುಟ್ಟಕ್ಕನ ಮಕ್ಕಳು,ಅಣ್ಣಯ್ಯ,  ಮತ್ತು ಲಕ್ಷ್ಮಿ ನಿವಾಸ. ಆಗಾಗ ನೋಡೋದು 

ಮಹಾನಟಿ

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುವ ರಿಯಾಲಿಟಿ ಷೋ ಗಳು ತುಂಬಾ ವಿಶಿಷ್ಟ ವಾಗಿರುತ್ತದೆ. ತಾವು ವೀಕ್ಷಕರಿಗೆ ವಿಶೇಷವಾಗಿರುವ ಮನೋರಂಜನಾ  ಕಾರ್ಯಕ್ರಮಗಳನ್ನು ನೀಡಬೇಕು ಎನ್ನುವ ಮನೋಭಾವ ಆ ಚಾನಲ್  ಮುಖ್ಯಸ್ಥರದ್ದಾಗಿದೆ ಎಂದು ಕಾಣುತ್ತೆ ಅದಕ್ಕಾಗಿಯೇ ವಿನೂತನವಾದ ಕಾರ್ಯಕ್ರಮಗಳು ಪ್ರಸಾರ  ಆಗುತ್ತಿರುತ್ತದೆ..

ಯಾಕೆ ಹೀಗೆ ಹೇಳ್ತಾ ಇದ್ದೀನಿ ಎಂದರೆ ಈಗ ಕಳೆದ ಕೆಲವು ವಾರಗಳಿಂದ ಇದರಲ್ಲಿ ಮಹಾನಟಿ ಎನ್ನುವ ರಿಯಾಲಿಟಿ- ಪ್ರತಿಭಾ ಕಾರ್ಯಕ್ರಮ ಪ್ರಸಾರ ಆಗುತ್ತಿದೆ. ಚಂದದ  ಮತ್ತು ಅಪರೂಪದ ಕಾನ್ಸೆಪ್ಟ್ ಇದು. ಸುಂದರಿ ಪ್ರೇಮ, ಚಲುವೆ ನಿಶ್ವಿಕ,ಗುಳಿಗಲ್ಲದ ತರುಣ್ ಸುಧೀರ್, ಯಾವುದೇ ರಿಯಾಲಿಟಿ ಷೋ ಆಗಿರಲಿ ಎಲ್ಲದಕ್ಕೂ ಹೊಂದಿಕೆಯಾಗುವ ಅಪರೂಪದ ಪ್ರತಿಭೆ ರಮೇಶ್ ಅರವಿಂದ್  ಮತ್ತು ಅತ್ಯುತ್ತಮ ನಿರೂಪಕಿ ಅನುಶ್ರೀ ಗಟ್ಟಿ. 

ನಾನು ಈ ಕಾರ್ಯಕ್ರಮವನ್ನು ಆರಂಭದಿಂದಲೂ ವೀಕ್ಷಿಸುತ್ತಾ ಬಂದಿದ್ದೀನಿ. ತುಂಬಾ ಭಿನ್ನವಾಗಿದೆ.ಇಂತಹದ್ದೇ ಒಂದು ರಿಯಾಲಿಟಿ ಷೋ ಬಹಳ ಹಿಂದೆ ದೂರದರ್ಶನದ ಮೆಟ್ರೋ ಚಾನಲ್ ನಲ್ಲಿ ಪ್ರಸಾರ ಆಗಿತ್ತು. ಅದರಲ್ಲಿ ಡ್ಯಾನ್ಸ್, ಡ್ರಾಮಾ ಮತ್ತು ಹಾಡು ಮೂರರ  ಮಿಶ್ರಣ ಇತ್ತು. 

ಕಾಟೇರ ತರುಣ್ ಗೆ ಇದು ವಿಭಿನ್ನ ವೇದಿಕೆ. ಟಿವಿ ಪ್ರಪಂಚದಲ್ಲಿ ಸಿಗುವಷ್ಟು ಅನುಭವ, ಫ್ಯಾನ್  ಗಳು ಮತ್ತೆಲ್ಲೂ ಸಿಗಲ್ಲ.. 

ಎನಿವೇಸ್ ಚಂದದ ಕಾರ್ಯಕ್ರಮ... ವಿಭಿನ್ನ ಪ್ರಯತ್ನ.

ದೇಸಿ ಪ್ರತಿಭೆ

 

ಸ ರಿ ಗ ಮ ಪ - ಸೀಜನ್ ನಲ್ಲಿ ಹೊಸಹೊಸ ಅಂಶಗಳು ಮನ ಸೆಳೆಯುತ್ತಿವೆ. ಎಸ್ ಪಿ  ಬಾಲಸುಬ್ರಹ್ಮಣ್ಯಂ ಸರ್ ಹೇಳುತ್ತಿದ್ದ  ರಾಕ್ಷಸ ಪ್ರತಿಭೆಗಳು ಎನ್ನುವ ಪದ ಇಲ್ಲಿ ಸೂಕ್ತ. ಡ್ರಮ್ ಅರುಣ್ (ಹಾಗೆನ್ನಬಹುದಾ ?) ಎಂಥ ಅಪರೂಪದ ಪ್ರತಿಭೆ. ಇಂಥವರಿಗೆ ಕೈಗೆ  ಏನು ಸಿಕ್ಕರರು ಅವುಗಳಿಗೆ ಜೀವ ಕೊಡುವ ಶಕ್ತಿ ಬಹುಶಃ ದೇವರು ನೀಡಿರಬೇಕು. ಅವರ ವಾದ್ಯ ಸಂಗಾತಿಗಳು ಸಹ ಪ್ರತಿಭೆಯಲ್ಲಿ ಕಡಿಮೆ ಇಲ್ಲ.ಸಾಮಾನ್ಯವಾಗಿ ಹೊಸತನಕ್ಕಾಗಿ ವೀಕ್ಷಕ   ತುಡಿಯುತ್ತಾನೆ. ಅಂತಹ ಹೊಸತನ ನೀಡುವ ಅಪ್ಪಟ ದೇಸಿ ಪ್ರತಿಭೆ ಇವರು. 

ಈ ಕಾರ್ಯಕ್ರಮದ ಬಹು ಸಂಖ್ಯೆಯ ತೀರ್ಪುಗಾರರಜೊತೆಗೆ ಅವರ ಹೆಸರು ತೋರಿಸಿದರೆ ಒಳಿತು. ನಮ್ಮಂಥ ಅತಿ ಸಾಮಾನ್ಯ ವೀಕ್ಷಕರು ಅಡ್ಡ ಹೆಸರಿಂದ ಕರೆದು ನಮ್ಮ ಪ್ರತಿಭೆ ತೋರಿಸುತ್ತಿರುತ್ತೀವಿ. ಒಂದು ಸಂಗತಿ ಖುಷಿ ಅಂದರೆ ಈ ಮೊದಲು ತೀರ್ಪುಗಾರಾಗಿದ್ದ  ನಂದಿತಾ ಅವರನ್ನು ಮೆಚ್ಚುಗೆ ಗಳಿಸಿ ಗೆದ್ದು  ಅವರ ಜೊತೆ ತೀರ್ಪುಗಾರ್ತಿಯರಾಗಿ ಕುಳಿತುಕೊಳ್ಳುವ೦ತಹ  ಸಾಧನೆ ಮಾಡಿರುವ ಲಕ್ಷ್ಮಿ ನಾಗರಾಜ್ ಮತ್ತು ಇಂದು ನಾಗರಾಜ್ , ಅತಿ ಮಧುರ ಕಂಠ ಸಿರಿಯ ಅನುರಾಧ ಭಟ್ , ಹೇಮಂತ್ ..ಬಹಳಷ್ಟು  ಪ್ರತಿಭೆಗಳ ಹೆಸರು ಗೊತ್ತಿದೆ-ಗೊತ್ತಿಲ್ಲ...!

ಮಾಗಡಿಯಲ್ಲಿ ನಡೆದ ಡ್ರಾಮ ಜೂನಿಯರ್ಸ್ ಮತ್ತು ಸರಿಗಮಪ ಕಾರ್ಯಕ್ರಮದ ಮಿಶ್ರಣದಲ್ಲಿ ಶಿಶುನಾಳ ಷರೀಫ್ ಸಾಹೇಬರ  ಒಂದು ಪುಟ್ಟ ನಾಟಕ ಮತ್ತು ರಚನೆ  ಮನಕ್ಕೆ ಖುಷಿ ನೀಡಿತು. ಅಂದು ತಕ್ಷಣ ನಾನು ಶಿಶುನಾಳರ ಗೀತೆಯನ್ನು ನನ್ನ ಎಫ್ಭಿ ವಾಲ್ ನಲ್ಲಿ ಹಾಕಿ ಖುಷಿಪಟ್ಟೆ. ಈ ಕಾರ್ಯಕ್ರಮದ ಸ್ಪರ್ಧಿಗಳಲ್ಲಿ ಒಬ್ಬರಾದ   ದರ್ಶನ್ ವಾಹ್ ಏನ್ ಪ್ರತಿಭೆ..ವಾಹ್ 

ಜಾಕ್ ಪಾಟ್

 

ಸ್ಟಾರ್ ಸುವರ್ಣ ಮನೋರಂಜನಾ ವಾಹಿನಿಯನ್ನು ಬಹಳ ದಿನಗಳ ಬಳಿಕ ನಾನು ಮುಖ್ಯವಾಗಿ ಬಿ ಆರ್ ಛಾಯ ಮೇಡಂ ಮತ್ತು ಪದ್ಮಪಾಣಿ ಸರ್ ಕಾರಣದಿಂದ ವೀಕ್ಷಿಸಿದೆ. ಅದರಲ್ಲಿ ಪ್ರಸಾರ ಆಗುವ ಜಾಕ್ ಪಾಟ್ ಎನ್ನುವ ಕಾರ್ಯಕ್ರಮದಲ್ಲಿ ಈ ದಂಪತಿಗಳಿಗೆ  ಹಾಗೆನ್ನುವುದಕ್ಕಿಂತ ಛಾಯ ಮೇಡಂ ಗೆ ಸನ್ಮಾನ ಆಗುವ ಕಾರ್ಯಕ್ರಮ ಇತ್ತು ಪ್ರೇಮದಿನದ ಸಲುವಾಗಿ... ! 

ಅಲ್ಲಿ ಬಹಳ ದಿನಗಳ ನಂತರ ನಿರೂಪಕಿ ಅನುಪಮಾ ಗೌಡ ರನ್ನು ನೋಡಿ ಖುಷಿ ಆಯ್ತು. ಕನ್ನಡದ ಕೆಲವು ಉತ್ತಮ ನಿರೂಪಕ/ಕಿ ಯಾರ ಸಾಲಿಗೆ ಸೇರಿರುವ ಅನುಪಮಾ ಭಾಷೆ ಹಾಗು ಅವರ ಸುವರ್ತನೆ ಇಷ್ಟ ಆಗುತ್ತದೆ. ಬಿಗ್ ಬಾಸ್ ಗೆ ಎರಡನೇ ಬಾರಿ ಬಂದ ಅನುಪಮಾ ಅನೇಕರೀತಿಯಲ್ಲಿ ತಮ್ಮನ್ನು ಪಾಲಿಶ್ ಮಾಡಿಕೊಂಡಿದ್ದರು. ಅದು ಒಳ್ಳೆಯ ಬೆಳವಣಿಗೆ. ಪದ್ಮಪಾಣಿ ಸರ್ ನನಗೆ ಫೇಸ್ ಬುಕ್ ಮಿತ್ರರು. ನನ್ನ ಪೋಸ್ಟ್ ಗಳಿಗೆ ಲೈಕ್ ಒತ್ತುವ ಮತ್ತು ಕಾಮೆಂಟ್ ಹಾಕುವ ಹೃದಯ ವಿಶಾಲಿಗಳು.. ತಿಳಿಹಾಸ್ಯದ ಮನಸ್ಸು ಇರುವ ಪದ್ಮಪಾಣಿ ಸರ್ ಮತ್ತು ನನ್ನ ಮೆಚ್ಚಿನ ಗಾಯಕಿ ಛಾಯಾ ಮೇಡಂ ಅವರನ್ನು ಜಾಕ್ ಪಾಟ್ ವೇದಿಕೆಯ ಮೂಲಕ ನೋಡಿ ಖುಷಿ ಆಯಿತು. ಈ ಕಾರ್ಯಕ್ರಮದಲ್ಲಿ ತುಂಬಾ ಇಂಪ್ರೆಸ್ ಮಾಡಿದ ಮತ್ತೊಂದು ಸಂಗತಿ ಅಂದರೆ  ವಿವಿಧ ಪ್ರಕಾರಗಳ ಸಂಗೀತ.ಅದು ಗಾಯನ, ವಾದನ.. ಹೀಗೆ ಹತ್ತು ಹಲವಾರು ಇರಬಹುದು. ತುಂಬಾ ಚೆನ್ನಾಗಿತ್ತು.ತಾರಾ ದಂಪತಿಗಳಾದ ಸಿಹಿಕಹಿ ಚಂದ್ರು ಮತ್ತು ಗೀತಾ ಮೇಡಂ ಅವರಿಗೆ ನಡೆದ ಸನ್ಮಾನ ಮತ್ತು ಮಾತುಕತೆ ಚಹಾದ ಅಲ್ಲಲ್ಲ  ಕಾಫಿ ಜೊತೆಯ ಚೂಡಾ ಇದ್ದಂಗೆ ಇತ್ತು.. 

ಲಾಸ್ಟ್ ರೆಸಿಪೀಸ್

 

ಎಪಿಕ್ ಚಾನಲ್ ನಲ್ಲಿ ಒಂದೊಳ್ಳೆಯ ಕಾರ್ಯಕ್ರಮ ಪ್ರಸಾರ ಆಗುತ್ತಿದೆ. ಲಾಸ್ಟ್ ರೆಸಿಪೀಸ್  ಅಂತ ಅದರ ಹೆಸರು.ಆದಿತ್ಯಬಲ್ ಅದರ ನಿರೂಪಕ. ಈ ಕಾರ್ಯಕ್ರಮದ ವಿಶೇಷ ಅಂದ್ರೆ ಮರೆಯುತ್ತಿರುವ, ಅಥವಾ ಬಹಳ ಹಿಂದೆ ಬಳಸುತ್ತಿದ್ದ ಪಾಕ ವಿಧಾನ. ನಾನು ಆ ಚಾನಲ್ ವೀಕ್ಷಣೆ ಮಾಡುವಾಗ  ನಮ್ ಕರ್ನಾಟಕದ ಹೆಮ್ಮೆಯ ಮಹಾರಾಜ ರಾಜಾಧಿರಾಜ ಶ್ರೀ ಕೃಷ್ಣದೇವ ರಾಯರ ವಂಶಕ್ಕೆ ಸೇರಿದ ರಾಜಮಾತೆ ಮತ್ತು ಅವರ ಸೊಸೆ 500 ವರ್ಷದಷ್ಟು ಹಳೆಯ ರೆಸಿಪಿ ಮಾಡಿ ತೋರಿಸಿದರು. ರಾಜಮಾತೆ ಹೆಸರು ಚಂದ್ರಕಾಂತ ದೇವಿ.  ಮೊಟ್ಟೆ ಯಿಂದ ಮಾಡಿದ  ಒಂದು ಸರಳವಾದ ತಿನಿಸನ್ನು ತೋರಿಸಿಕೊಟ್ಟರು. ನಮ್ಮಲ್ಲಿ ಬಳಸುವ ಮರಾಠಿ ಮೊಗ್ಗು, ಕಲ್ಲುಹೂವನ್ನು ಉಪಯೋಗಿಸಿ ಮಾಡಿದ ಆಹಾರವನ್ನು ಆಂಕರ್ ಚಪ್ಪರಿಸಿಕೊಂಡು ತಿಂದದ್ದು ಬೇರೆ ವಿಷ್ಯ. 

ನಾನು ಸಾಮಾನ್ಯವಾಗಿ   ವೆಜ್ ಅಥವಾ ನಾನ್ವೆಜ್ ಅಡುಗೆ ನೋಡುತ್ತೇನೆ.. ನಾನು ಶಾಕಾಹಾರಿ ಆಗಿದ್ದರು ಸಹ .. ಯಾಕೆಂದ್ರೆ ಯಾವುದೇ ದೇಶ, ಸಂಸ್ಕೃತಿಯವರು ಅಡುಗೆ ಮಾಡುವ ವಿಧಾನ,ಅವರು ಬಳಸುವ ಸಾಂಬಾರ ಪದಾರ್ಥಗಳು ..ನನಗೆ ಅನೇಕ ಪಾಠಗಳನ್ನು ಕಲಿಸಿಕೊಡುತ್ತದೆ ಅದಕ್ಕಷ್ಟೇ..!