ಗಮನ

ಹಿಂದಿ ಜೀ ವಾಹಿನಿಯಲ್ಲಿ ವೋ ಅಪ್ನಾ ಸ ಎನ್ನುವ ಹೆಸರಿನ ಧಾರಾವಾಹಿ ಪ್ರಸಾರ ಆಗ್ತಾ  ಇದೆ.   ಅತ್ಯಂತ ಶ್ರೀಮಂತ  ಉದ್ಯಮಿ  ಆದಿತ್ಯ ಜಿಂದಾಲ್, ಆತನ ಹೆಂಡತಿ ನಿಶಾ, ಕಾಕಾಸ, ಕಾಕಿಸಾ, ಬಾಬಾ ಸಾ , ಚಿಕ್ಕಪ್ಪನ ಮಗ-ಸೊಸೆ, ಆದಿ ಮಕ್ಕಳು , ಅಲ್ಲದೇ ಅತನ ಗೆಳತಿ ಜಾನ್ಹವಿ ಮತ್ತು ಆಕೆಯ ತಾಯಿ ಮತ್ತು ತಂಗಿ.
ಇಷ್ಟೇ ಪಾತ್ರಗಳು ಈ ಧಾರವಾಹಿಯ ಹೈಲೈಟ್. ಈ ರೀತಿಯ  ಧಾರವಾಹಿಗಳಲ್ಲಿ ವಿಲನ್ ಮಾಡುವ ಕೆಲಸಗಳು ಅಷ್ಟಿಷ್ಟಲ್ಲ. ಖಳರನ್ನು ಹೆಚ್ಚು ವೈಭವೀಕರಣ ಮಾಡಲಾಗಿರುತ್ತದೆ. ಆದರೇ ಈ ಕಥೆಯಲ್ಲಿ ಕಷ್ಟದ ಜೊತೆಗೆ ಪರಿಹಾರವನ್ನು ಸಹ ನಿರ್ದೇಶಕರು  ಶೀಘ್ರವಾಗಿ  ತೋರಿಸುವುದರಿಂದ  ವೋ ಅಪ್ನಾ ಸಾ ಧಾರವಾಹಿ ಬೋರ್  ಅನ್ನಿಸಲ್ಲ. ಮುಖ್ಯವಾಗಿ ಸಾಕಷ್ಟು ತಿರುವುಗಳನ್ನು ಒಳಗೊಂಡ ಈ ಧಾರವಾಹಿಯಲ್ಲಿ ಬರುವ ಮುಖ್ಯ ಪಾತ್ರಗಳು ಅದರಲ್ಲೂ ಜಾನ್ಹವಿ, ಆದಿ ಮತ್ತು ನಿಶಾ ಪಾತ್ರಗಳು ಹೆಚ್ಚು ಗಮನ ಸೆಳೆಯುತ್ತದೆ. ವಿಲನ್ ನಿಶಾ ಆಂಗಿಕ ಅಭಿನಯ ಅದ್ಭುತ.