ಇಂಕಾ ಇಂಕಾ

ಡಿಸ್ಕವರಿ ಚಾನೆಲ್ ನಲ್ಲಿ ಅತಿ ಹೆಚ್ಚು ಮುಜುಗರ ಮತ್ತು ಆಶ್ಚರ್ಯ ಉಂಟು ಮಾಡುವ ಕಾರ್ಯಕ್ರಮ ಅಂದ್ರೆ ಮ್ಯಾನ್ vs ವೈಲ್ದ್. ಮನುಷ್ಯ ಏನು ಬೇಕಾದ್ರೂ ತಿಂದು ಬದುಕಿರ ಬಲ್ಲ ಅನ್ನೋದಕ್ಕೆ ಸಾಕ್ಷಿ ಈ ಕಾರ್ಯಕ್ರಮ. ನಿಜ ಹೇಳಬೇಕು ಅಂತ ಅಂದ್ರೆ ನಮಗೆ ತಿನ್ನುವ ಆಸೇನೆ ಹೊರತು ಹೊಗುತ್ತದೆ. ನನಗೆ ಆತನಿಗಿಂತ ಆತನ ಆಟಗಳನ್ನು ಶೂಟ್ ಮಾಡ್ತಾರಲ್ಲ ಅವರ ಬಗ್ಗೆ ಹೆಚ್ಚು ಆಸಕ್ತಿ. ಒಂದು ಜೋಕ್ ಇದೆಯಲ್ಲ ಚಂದ್ರಗ್ರಹಕ್ಕೆ ಯುರಿಗಗಾರಿನ್ ಹೋದಾಗ ಅಲ್ಲಿ ಉಡುಪಿ ಹೋಟಲ್ ಭಟ್ಟರ ಟೀ  ಅಂಗಡಿ ಅಲ್ಲಿ ಇತ್ತು  ಅನ್ನುವಂತೆ  ಈತನ ಹಿಂದೆ ಹಿಂದೆ ಕ್ಯಾಮರ ಹಿಡಿದು ಹೋಗ್ತಾರಲ್ಲ ಅವರೇ ಹೆಚ್ಚು ಗ್ರೇಟ್ ಅಂತ ಅನ್ನಿಸೋದು .

ಸೋನಿ ವಾಹಿನಿಯಲ್ಲಿ ಪ್ರಸಾರ ಆಗುವ ಸಿಐಡಿ ಸಕತ್ ಮಜಾ ಕೊಡುವ ಕಾರ್ಯಕ್ರಮ. ಅಷ್ಟೊಂದು ವರ್ಷಗಳಿಂದ ಪ್ರಸಾರ ಆಗುತ್ತಿದ್ದರು ಜನರಿಗೆ ಬೋರ್ ಆಗಿಲ್ಲ. ನನಗೂ ಇಷ್ಟ ಕಣ್ರೀ . ಇನ್ಫ್ಯಾಕ್ಟ್ ಮಜಾ ಯಾಕೆಂದ್ರೆ ಸಾಮಾನ್ಯವಾಗಿ ನಾನು ಕಥೆಗಳಲ್ಲಿ ಓದಿರುವ ಪ್ರಕಾರ ಸಿ ಐಡಿ ಗಳು ಒಟ್ಟಿಗೆ ಹೋಗಿ ಕಂಡು ಹಿಡಿಯಲ್ಲ. ಆದರೆ ಸೋನಿ ಸಿಐಡಿ ಗುಂಪುಗುಂಪಾಗಿ ಹೋಗ್ತಾರೆ ಕಂಡು ಹಿಡಿಯಲು. ಆ ದೃಶ್ಯಗಳು ಮಜಾ ಕೊಡುತ್ತೆ ನನಗೆ. ಇಂತಹ ಕಡೆ ಕೆಲಸ ಸಿಕ್ರೆ ಆರಾಮವಾಗಿ ಸೇರ  ಬಹುದು ;-)

ಬಿಗ್ ಬಾಸ್ ಕಲರ್ ವಾಹಿನಿ ಜಾನ್. ಅದರಲ್ಲುಸಲ್ಮಾನ್ ಖಾನ್ ಮಾತುಗಳು ಎಲ್ಲರಿಗೂ ಇಷ್ಟ . ಆದರೆ ಇತ್ತೀಚಿನ ದಿನಗಳಲ್ಲಿ ಅದರಲ್ಲೂ ಈ ಸೀಸನ್ ಮಾತ್ರ ಸಾಡೇ ಸಾತಿ ತೊಂದರೆ ಅನುಭವಿಸ್ತಾ ಇದೆ. ಅದಕ್ಕಿಂತ ಹೆಚ್ಚಾಗಿ ಜೋಡಿಗಳ ಹನಿಮೂನ್ ಸ್ಪಾಟ್ ಆಗಿದೆ. ಕನಿಷ್ಠ ಇಂತಹ ಸಂಗತಿಗಳಿಗೆ ಬಿಗ್ ಬಾಸ್ ಮಂದಿ ಆದ್ಯತೆ  ನೀಡ  ಬಾರದು.. ಆದರೆ ಹಾಗೆ ಆಗಿಲ್ಲ. ಈ ಸೀಸನ್ ನಲ್ಲಿ ಹೆಚ್ಚು ಇಷ್ಟ ಆಗುವ ಸ್ಪರ್ಧಿ ಸಂಗ್ರಾಮ್ ಸಿಂಗ್ .
ಈ ಸೀಸನ್ ನಲ್ಲಿ ನನ್ನನ್ನು ಹೆಚ್ಚು ಇಂಪ್ರೆಸ್ ಮಾಡಿದ  ಚೆಲುವೆ ಎಲ್ಲಿ ಅವ್ರನ್. ಯಾಕೆ ಆಕೆ ಇಷ್ಟ ಆದಳು  ಅಂದ್ರೆ ಎಲ್ಲಿ ಹಿಂದಿ ಯನ್ನು ಆಕೆ ಸಮರ್ಥವಾಗಿ ಆಡುತ್ತಿದ್ದುದು .ಸ್ವೀಡನ್ ಸುಂದರಿ  ಎಲ್ಲಿ ಯನ್ನು ನೋಡುತ್ತಿದ್ದಾಗ  ನನಗೆ ಕನ್ನಡದಲ್ಲಿ ಭಾಗವಹಿಸಿದ್ದ ನಿಕಿತ ನೆನಪು ಬರುತ್ತಿತ್ತು . ಆಕೆ ಹೇಳ್ತಾ ಇದ್ದುದು ಇಂಕಾ ಇಂಕಾ ಅನ್ನೋ ತೆಲುಗು ಪದ. ಕನ್ನಡ ಚಿತ್ರರಂಗದಲ್ಲಿ    ಒಳ್ಳೆ ಸ್ಥಾನ ಗಳಿಸಿದ್ದರು ಆಕೆ ಕಲಿತ ಪದ ಇಂಕಾ ಇಂಕಾ !

ಸಲ್ಮಾನ್ ಖಾನ್ ಹೊಸ ಸಿನೆಮ ಜೈ ಹೊ ಬಗ್ಗೆ ದಿನಕ್ಕೊಂದು ಸಂಗತಿಗಳು ಹೊರ ಬರ್ತಾ ಇವೆ. ಬಿಡಿ ಸಲ್ಮಾನ್ ಬಗ್ಗೆ ಪ್ರೀತಿ ಇರುವವರು ತಪ್ಪದೆ ನೋಡ್ತಾರೆ . ಈ ಚಿತ್ರ ಅಭಿಮಾನ ಇರೋರು ಖಂಡಿತಾ ನೋಡೇ ನೋಡ್ತಾರೆ . ಸಲ್ಮಾನ್ ಖಾನ್  ಬಿಗ್ ಬಾಸ್ ನಲ್ಲಿ ಹಾಕಿಕೊಳ್ಳುವ ಟೋಪಿಯನ್ನು ಅಮೀರ್ ಖಾನ್ ಕೊಟ್ಟಿದಂತೆ . ಅದನ್ನು ಧರಿಸಿದಾಗ  ಸಲ್ಮಾನ್ ಗೆ ಹೊಸ ಹೊಸ ಐ ಡಿ ಯ ಗಳು ಬರುತ್ತವೆಯ೦ತೆ .. ವಾವ್ ಧೂಮ್ ಮಚಾಲೆ  ಧೂಮ್ !

ಮಧುವನ... ಮನುವನ ???

ಶ್ರೀಕಂಠ ದತ್ತ ನರಸಿಂಹ ರಾಜ ಒಡೆಯರ್ ಅವರ ಅಂತಿಮ ಪಯಣದ ನೇರ ಪ್ರಸಾರ ಕನ್ನಡ ವಾಹಿನಿಗಳು  ಮಾಡುತ್ತಿತ್ತು. ಈ ಕಾರ್ಯಕ್ರಮದ ವೀಕ್ಷಣೆ ಬಹುತೇಕ ಗ್ರಾಮೀಣ ಪ್ರದೇಶದವರಿಗೆ ಸಾಧ್ಯವಾಗಲಿಲ್ಲ. ಯಾವ ಅರಸ ಬಂದರೇನು  ಗ್ರಾಮೀಣ ಪ್ರದೇಶಗಳಲ್ಲಿ ಸದಾ ಕರೆಂಟ್ ಕೊರತೆ!ಮಹಾರಾಜರ ಅಕಾಲಿಕ ಮರಣ ಸಿಕ್ಕಾಪಟ್ಟೆ ನೋವು ಉಂಟು ಮಾಡಿದೆ ನನಗೆ. ಕೇವಲ 60 ರ ಹರೆಯದ ಮಹಾರಾಜರು ಇನ್ನೂ ಕನಿಷ್ಠ 20 ವರ್ಷಗಳಾದರೂ ಬದುಕಬೇಕಿತ್ತು. .. ವಿಧಿ ಆಟವೇನು ಬಲ್ಲವರು ಯಾರು?


ಈ ಕಾರ್ಯಕ್ರಮದ ನೇರ ಪ್ರಸಾರದ ಬಗ್ಗೆ ನಾನು ಮೊದಲು ಹೇಳಿದೆನಲ್ಲ. ನನ್ನ ಮನೆಯಲ್ಲಿ ಕೇವಲ ಮೂರು ಕನ್ನಡ ವಾರ್ತಾ ಚಾನೆಲ್ ಗಳು ಪ್ರಸಾರ ಆಗುವುದು. ಸುವರ್ಣ ನ್ಯೂಸ್, ಉದಯ ನ್ಯೂಸ್ ಹಾಗೂ ಟಿವಿ ನೈನ್. ಅಂತ್ಯಕ್ರಿಯೆ ನಡೆಯುತ್ತಿದ್ದ ಸ್ಥಳದ ಹೆಸರನ್ನು  ಟೀವಿ ಪರದೆಯ ಮೇಲೆ ಮೂರು ವಾಹಿನಿಗಳು ತೋರಿಸುತ್ತಿತ್ತು. ಎರಡು ವಾಹಿನಿಗಳು ಒಂದು ಹೆಸರನ್ನು ತೋರಿಸುತ್ತಿದ್ದರೆ, ಒಂದು ವಾಹಿನಿ ಬೇರೆ ಹೆಸರನ್ನು ತೋರಿಸುತ್ತಿತ್ತು. ಉದಯ ಮತ್ತು ಟೀವಿ ನೈನ್ ಮನುವನ ಎಂದು  ತೋರಿಸುತ್ತಿದ್ದು ಅದೇ ಹೆಸರನ್ನು ನಿರೂಪಕರು ಹೇಳುತ್ತಿದ್ದರು. ಆದರೇ ಸುವರ್ಣ ನ್ಯೂಸ್ ನಲ್ಲಿ ಮಧುವನ ಎಂದು ತೋರಿಸುತ್ತಾ ಅದೇ ಹೆಸರನ್ನು ಹೇಳುತ್ತಿದ್ದರು ನಿರೂಪಕರು. ನನಗೆ ಗೊತ್ತಿರುವ ಪ್ರಕಾರ ಮನುವನ ಮಹಾರಾಜರ ರುದ್ರ ಭೂಮಿಯೆ ಹೊರೆತು ಮಧುವನವಲ್ಲ! ಸುವರ್ಣ ನ್ಯೂಸ್ ಪ್ರಕಾರ ಮಧು ಮತ್ತು ಮನುವನ ಬೇರೆ ಬೇರೆನಾ ಅಥವ ಒಂದೇನಾ?

‘ಮನುವನ’ದಲ್ಲಿ ಸಮಾಧಿ
ಮೈಸೂರು: ಮಧುವನದ ಹಿಂಬದಿಯಲ್ಲಿ ಪಶ್ಚಿಮಕ್ಕಿರುವ ವೀಳ್ಯದೆಲೆ, ತೆಂಗು, ಅಡಿಕೆ ತೋಟದ ಮರಗಿಡಗಳ ಸಂದಿನಲ್ಲಿ ನುಸುಳಿ ನಡೆದರೆ ಆನೆ ಕರೋಟಿ ಸಿಗುತ್ತದೆ. ಹಾಗೆಯೇ ಮಧುವನದ ಬಲಕ್ಕೆ ಮಧುವನದ ವಿಸ್ತರಣೆಯೇನೋ ಅನ್ನುವಂತೆ ಇರುವ ವಿಶಾಲ ಆವರಣದಲ್ಲಿ ಪುಟ್ಟಪುಟ್ಟ ಸಮಾಧಿ, ಬೃಂದಾವನಗಳ ಸಮುಚ್ಛಯವೇ ಇದೆ. ಇದು ಮೈಸೂರು ಅರಸರ ಹಾಗೂ ಅವರ ವಂಶದವರ ರುದ್ರಭೂಮಿ ಮನುವನ.( ಕೃಪೆ : ವಾರ್ತಾ ಭಾರತಿ) 

ಲಿಂಕ್ ಕ್ಲಿಕ್ಕಿಸಿ:
http://www.vknews.in/2013/12/11/maysooru-king/

ಬೇಸರ ಕೇಳೋರುಯಾರು ?!

ನಮ್ಮನ್ನು ಅಗಲಿದ ಶ್ರೀಕಂಠದತ್ತ ನರಸಿಂಹ ರಾಜ ಒಡೆಯರ ಆತ್ಮಕ್ಕೆ ಶಾಂತಿ ದೊರಕಲಿ




ಹಾಗೆ ಭಾನುವಾರ ಗೆಳತಿ ಭಾರತಿ ಬಿ.ವಿ. ಪುಸ್ತಕ ಬಿಡುಗಡೆಗೆ ಹೋಗಿದ್ದೆ. ಆಕೆ ನನ್ನ ಎಫ್ ಬಿ ಗೆಳತಿ. ಆದರೂ ಸಿಕ್ಕ ಮೂರು ನಾಲ್ಕು ಬಾರಿಯಲ್ಲಿ ಆತ್ಮೀಯತೆಯ ಹರಿವು ಹೆಚ್ಚಾಗಿದೆ. ಕಂಫರ್ಟಬಲ್ ಮಂದಹಾಸ ಹೆಚ್ಚು ಇಷ್ಟ ಪಡುವಂತೆ ಮಾಡಿದೆ.ಕಾರ್ಯಕ್ರಮದಲ್ಲಿ ಎಫ್ಭಿ ಗೆಳೆಯ ಗೆಳತಿಯರು ಸಿಕ್ಕಿದ್ದರು. ಭರಪೂರ ಮಾತು ಕಥೆ ನಗು !  ಪುಸ್ತಕದ ಬಗ್ಗೆ ಒಂದೆರಡು ಲೈನ್ ಬರೆದು ಕೊಡಿ ಎಂದು ಶಿವಮೊಗ್ಗದ ಎಚ್ಚರಿಕೆ ಪತ್ರಿಕೆ ಗೆಳೆಯ ಹರ್ಷ ಕೇಳಿರೋದ್ರಿಂದ್ರ ಓದಿ ಸುಮ್ಮನೆ ಕೂರುವಂತಿಲ್ಲ ಬರೆಯು ಕೆಲಸ ಸಾಗ ಬೇಕಾಗಿದೆ.
ಸಾಮಾನ್ಯವಾಗಿ ನಾನು ತುಂಬಾ ಆಸ್ಥೆಯಿಂದ ಪುಸ್ತಕಗಳ ಬಿಡುಗಡೆಗೆ ಹೋಗುತ್ತಿದ್ದೆ ಮೊದಲು. ಆದರೇ ಅಲ್ಲಿನ ವಾತಾವರಣ ಮನಸ್ಸಿಗೆ ಹೆಚ್ಚು ಘಾಸಿ, ಕಿರಿಕಿರಿ ಮಾಡಿದ್ದರಿಂದ   ಎಷ್ಟೇ ಆಪ್ತರಾಗಿದ್ದರೂ ತುಂಬಾ ತಡವಾಗಿ ಪುಸ್ತಕದ ಬಿಡುಗಡೆಗೆ ಹೋಗ್ತೀನಿ ಆದಷ್ಟೂ ಜನರಿಂದ ದೂರ ಇರುವಂತಹ ವಿಮುಖತೆ ಬೆಳೆದು ಬಿಟ್ಟಿದೆ. ಇನ್ನೂ ನಿಜ ಹೇಳ ಬೇಕು ಎಂದು ಅಂದರೇ ತುಂಬಾ ವಿಶ್ವಾಸವಾಗಿ, ವೈಯುಕ್ತಿಕವಾಗಿ ಕರೆದರೆ ಮಾತ್ರ ನಾನೀಗ ಬುಕ್ ರಿಲೀಸ್ ಗೆ ಹೋಗುವುದು. ಯಾವುದೇ ರೀತಿಯಲ್ಲೂ ಸ್ವಯಂ ಪ್ರೇರಿತವಾಗಿ ಹೋಗಲ್ಲ . ಮೊದಲೇ ಹೇಳಿದಂತೆ ಅನೇಕ ಘಟನೆಗಳು- ಕಾರಣಗಳು ಮನಕ್ಕೆ ಬೇಸರ ತಂದಿದೆ. ಅದು ಆತ್ಮೀಯರನ್ನು ಮತ್ತು ಅಲ್ಲದವರನ್ನು ಗುರುತಿಸುವ ಕೆಲಸದಲ್ಲಿ ಹೆಚ್ಚು ಮುಂದುವರೆಯುತ್ತಿಲ್ಲ :-) ಏನು ಮಾಡುವುದು ?

ರಘು ಅಪಾರ ಭೇಟಿ ಆಗಿದ್ದು ಭಾರತಿ ಕಾರ್ಯಕ್ರಮದಲ್ಲೇ!  ಟೀವಿ ನೋಡಿ ಹತ್ತು ವರ್ಷವಾಯಿತು ಎಂದು ಹೇಳಿದ್ದು ಬರಹಗಾರ ಛಂದ ವಸುಧೇಂದ್ರ. ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಸಿಕ್ಕ ವಸುಧೇಂದ್ರ ಅವರನ್ನು ಕೀಟಲೆ ಮಾಡಿದ್ದೆ ನನ್ನ ಬರಹ ಒಂದರಲ್ಲಿ.ಗೊತ್ತಲ್ಲ ನನ್ನ ಕೀಟಲೆ ಆರೋಗ್ಯಕರ. ಅದರ ಬಗ್ಗೆ ತಪ್ಪು ತಿಳಿಯುವವರ ಬಗ್ಗೆ ಏನೂ ಹೇಳೊಕೆ ಆಗಲ್ಲ. ವಸುಧೇಂದ್ರ ನಗುತ್ತಾ ಟೀವಿ ನೋಡಲ್ಲ ಅಂದಾಗ ಏನೂ ಹೇಳೋಕೆ ಆಗಲಿಲ್ಲ ಬಿಡಿ!
ನಾನು ಟೀವಿ ನೋಡೇ ನೋಡ್ತೀನಿ. ಅದು ನನ್ನ ಅಭ್ಯಾಸ. ಆದರೆ ಬರೆಯುವುದೇ ವೃತ್ತಿ ಆಗಿರುವುದರಿಂದ ಕನಿಷ್ಟ ಕೆಲವು ಸಂಗತಿಗಳನ್ನು ಓದೆ ಓದುತ್ತೇನೆ.. ಈ ವಿಷಯದಲ್ಲಿ ನಾನು ಹೆಲ್ಪ್ ಲೆಸ್ ;-)


ನ್ಯೂಸ್ ಚಾನೆಲ್ ವೀಕ್ಷಿಸುತ್ತಾ ಇರುವಾಗ ಚಂದನ್ ಶರ್ಮ ಸುವರ್ಣ ನ್ಯೂಸ್ ನಲ್ಲಿ ಕಾಣಿಸಿದರು. ಅರ್ರೇ ಅವರು ಅಲ್ಲೇ ಕೆಲಸ ಮಾಡುವುದು. ಆದರೇ ಇತ್ತೀಚೆಗೆ ಚಂದನ್ ಟಿ ಎನ್ ಸೀತಾರಾಂ ಅವರ ಮಹಾ ಪರ್ವ ಧಾರವಾಹಿಯಲ್ಲಿ ಕಾಣಿಸಿಕೊಂಡಿದ್ದರು ಸೀತಾರಂ ಆಸ್ಥಾನಕ್ಕೆ ಎಂಟ್ರಿಯಾದ ಹೊಸ ಪ್ರತಿಭೆ ಚಂದನ್ ನಟನೆ ಓಕೆ ಅನ್ನಿಸಿತು. ಆದರೇ ನ್ಯೂಸ್  ಓದುವಾಗ ಇರುಷ್ಟು ಚಂದ ಕಾಣ್ತಾ ಇರಲಿಲ್ಲ ಬಿಡಿ. ಆ ಧಾರವಾಹಿಯ ಸುಷ್ಮಾ ಭಾರದ್ವಾಜ್ ಒಳ್ಳೆಯ ಬರಹಗಾರ್ತಿ ಮತ್ತು ನಟಿ. ಆಕೆಯ ಪಾತ್ರ ಅತ್ಯಂತ ಆಸಕ್ತಿದಾಯಕ.ಈಕೆ ಸಹನನ್ನ ಎಫ್ಬಿ ಗೆಳತಿ. ಹೆಣ್ಣುಮಕ್ಕಳು ಬೇಗ ತಾಯಿತನದ ಮನಸ್ಥಿತಿ ಪಡೆದು ಬಿಡ್ತಾರೆ. ಈಕೆಯ ಅಸಿಸ್ಟೆಂಟ್ ಒಬ್ಬರು ಕೆಲಸ ಬಿಟ್ಟು (ಓದಲೆಂದು ಕಾಣುತ್ತೆ) ಹೋದಾಗ ತನ್ನ ಮಗನನ್ನು ದೂರ ಕಳುಹಿಸುವ ತಾಯಿಯಂತೆ ಭಾವನೆ ವ್ಯಕ್ತ ಪಡಿಸಿದ್ದರು. ಆಗ ಇಡೀ ಆಕೆಯ ಎಫ್ಬಿ  ಫ್ರೆಂಡ್ಸ್ ಯಾರು, ಏನು, ಯಾವಾಗ ಮದುವೆ ಆದಿ ಅಂತೆಲ್ಲ ಕೇಳಿದ್ರು ಅಂತ ಈ ಹೆಣ್ಣು ಮಗಳು ಮತ್ತೊಂದು ಗೋಡೆ ಬರಹದಲ್ಲಿ ತಿಳಿಸಿದ್ದರು. ಇನ್ನು ಅನ್  ಮ್ಯಾರಿಡ್ ಈ ಚೆಲುವೆ :-) ಹೋಗ್ಲಿ ಟೀವಿಲಾದರೂ ಮ್ಯಾರೇಜ್  ಆಗ್ತಾರಾ ಅಂದ್ರೆ ನಮ್ಮ ಚಂದನ್  ಸ್ವಾಮಿ ಮದುವೆ ಆದಂಗೆ ಆಗಿ ಬಿಟ್ಟು ನ್ಯೂಸ್ ಓದೋಕೆ ಬಂದಿದ್ದಾರೆ. ಪಾಪದ ಹೆಣ್ಣುಮಗಳ ಬೇಸರ ಕೇಳೋರುಯಾರು ?!

ಅಲರ್ಜಿ .. ಅಲರ್ಜಿ ..

ಕಲರ್ ವಾಹಿನಿಯಲ್ಲಿ ಕಾಮಿಡಿ ವಿತ್ ಕಪಿಲ್ ಹೆಚ್ಚು ಜನಪ್ರಿಯ. ಆ ಲೆವೆಲ್ ನಲ್ಲೇ ಕನ್ನಡದಲ್ಲಿ ಜೋಕ್ ಮಾಡುವ ಪ್ರತಿಭಾವಂತ ಅಂದ್ರೆ ಮಾಸ್ಟರ್ ಮಿಸ್ಟರ್ ಆನಂದ್. ಈ ಟಿವಿ ಕನ್ನಡ ವಾಹಿನಿಯಲ್ಲಿ ಪ್ರತಿರಾತ್ರಿ ಆನಂದ್ ಹಾಸ್ಯ ಧಾರವಾಹಿ ಪ್ರಸಾರ ಆಗುತ್ತದೆ. ಇರುವ ಇಪ್ಪತ್ತು ನಿಮಿಷಗಳಲ್ಲಿ ಆತ ಕಾಲುಗಂಟೆ ಉಲ್ಲಾಸವಾಗಿರುವಂತೆ ಧಾರವಾಹಿ ಸಿದ್ಧ  ಮಾಡಿರುತ್ತಾರೆ ತಮ್ಮ ಟೀಂ ಜೊತೆ. ಭರಫೂರ ನಗೆ ಬರುತ್ತೆ. ಮೊದಲಿನಿಂದಲೂ ಆನಂದ್ ಧಾರವಾಹಿಗಳು,  ನಟನೆ ಇಷ್ಟ ಆಗಿದೆ ನನಗೆ. ಅದರಲ್ಲೂ ಆಗಾಗ ಜಗ್ಗೇಶ್ ರೀತಿ, ಒಮ್ಮೊಮ್ಮೆ ಅಣ್ಣಾವರು, ಡಾ. ವಿಷ್ಣು ಹೀಗೆ ಅವರಂತೆ  ನಟಿಸುವ ಪರಿ ಭಯಂಕರ ಮುದ ನೀಡುತ್ತದೆ. ಕನ್ನಡದ ಈ ಪ್ರತಿಭೆ ಹೈಲೆವೆಲ್ ಗೆಯಾಕೆ ಹೋಗಿಲ್ಲ ಅಂತ ಬೇಜಾರಾಗುವ ಅಗತ್ಯ ಇಲ್ಲ ಆತ ಕನ್ನಡಿಗರ ಮನದಲ್ಲಿ ಸದಾ ಶಾಶ್ವತ.


ನಾನು ಟ್ವೀಟ್ ಮಾಡೋದೆ ಕಡಿಮೆ. ಹಾಗೆ ಸುಮ್ಮನೇ ಫಾಲೋ ಮಾಡ್ತೀನಿ. ಸಲ್ಮಾನ್ ಖಾನ್  ಹತ್ರ ಇತ್ತೀಚೆಗೆ ಹೋದಾಗ ?!  ಬಿಗ್ ಬಾಸ್ ನೋಡ ಬೇಡಿ ಅಂತಾನೆ ಇತ್ತು ಟ್ವೀಟ್ ನಲ್ಲಿ.. ಯಾಕ ಪಾ..ಅ ಅ.. ಅಂತ ಕೇಳೋಲ್ಲ ಸಲ್ಮಾನ್  boy. ಬಿಗ್ ಬಾಸ್ ಎಂದಿಗೂ ಬದಲಾಗದ ಕಾನ್ಸೆಪ್ಟ್ ಇರುವ ರಿಯಾಲಿಟಿ ಶೋ. ಅದರಲ್ಲಿ ಸಲ್ಮಾನ್ ಮಾತು -ನಗು ಇಷ್ಟ ವಾಗುತ್ತೇ. ಆದರೆ ಇತ್ತೀಚೆಗೆ ಅದ್ಯಾಕೋ  ಅವರು ಶರ್ಟ್ ತೋಳಿನ ಬಟನ್ ಬಿಚ್ಚಿ ನೀವು ನಿಮ್ಮ ಇಷ್ಟದಂತೆ ಮಾಡಿ ನಾನು ನನ್ನ ಇಷ್ಟದಂತೆ ಇರ್ತೀನಿ ಅಂತ ಹೇಳ್ತಾರೆ. ಅವರೇನು ಮಾಡ್ತಾರೆ ಅಂತ ಹೇಳಿದ್ರೆ ನಮಗೂ ಗೊತ್ತಾಗುತ್ತೆ ಅಲ್ವಾ boy!

ಮೊಸ್ಟ್ಲಿ ಕಳೆದ ತಿಂಗಳಲ್ಲಿ ಇರಬೇಕು ಸಲ್ಮಾನ್ ಖಾನ್ ಗೆ ಸಂಬಂಧಪಟ್ಟಂತೆ ಒಂದು ಪುಟ್ಟ ಸಂದರ್ಶನ ಓದಿದೆ ಟೈಮ್ಸ್ ಆಫ್ ಇಂಡಿಯಾದಲ್ಲಿ. ಅಲ್ಲಿ ಆತ ಯಾಕೆ ಸಾಮಾನ್ಯವಾಗಿ ಶರ್ಟ್ ಬಿಚ್ಚೋದು ಅನ್ನುವುದರ ಬಗ್ಗೆ ಇತ್ತು. ಅವರಿಗೆ ಬಟ್ಟೆಗೆ ಬಳಸುವ ದಾರಗಳು (ನೇಯ್ಗೆ) ಅಲರ್ಜಿ ಉಂಟು ಮಾಡುತ್ತದೆಯಂತೆ. ಹೊಲಿಸಿದ ಬಟ್ಟೆಯನ್ನು ಒಗದೇ ಬಳಸುವುದಂತೆ.  ಧರಿಸಿರುವ ಬಟ್ಟೆ ಬಿಚ್ಚುವುದು ಅದಕ್ಕೆ ಅಂತೆ. ದೇವರ ದಯೇ ಅವರಿಗೆ ಶರ್ಟ್ ಮಾತ್ರ ಅಲರ್ಜಿ !!

ಟೀವಿ ನೈನ್ ವಾಹಿನಿಯಲ್ಲಿ ಕಾಫಿ ವಿತ್ ಕರಣ್ ಕಾರ್ಯಕ್ರಮದ ಬಗ್ಗೆ ಉಷಾ ಹೇಳುತ್ತಿದ್ದರು ಇತ್ತೀಚೆಗೆ. ತೀರಾ ನಗು ಬಂದ ಸಂಗತಿ ಅಂದ್ರೆ ಆ ವಾಹಿನಿಯವರ ಟೆನ್ಷನ್ ಬಗ್ಗೆ. ಸಲ್ಮಾನ್ ಡೇಟಿಂಗ್ ಇಲ್ಲ, ಗರ್ಲ್ ಫ್ರೆಂಡ್ ಇಲ್ಲ, ಅದು ಮಾಡಿಲ್ಲ- ಇದು ಮಾಡಿಲ್ಲ ಅಂತ ಹೇಳಿದರೆ ಇವರು ಒದ್ದಾಡಿದ್ದೇ ಒದ್ದಾಡಿದ್ದು ಹೌದಾ ಹೌದಾ ಅಂತಾ? ಒಂದಂತೂ ಸತ್ಯ. ಯಾರ ಬಗ್ಗೆ ಯಾರಿಗೂ ಪೂರ್ಣವಾಗಿ ಗೊತ್ತಿರಲ್ಲ. ನಮಗೆ ಮಾತ್ರ ನಾವೇನು ಅಂತ ತಿಳಿದಿರೋದು. ಅದಕ್ಕೆ ಈ ಜಗತ್ತಿನಲ್ಲಿ ಇರುವ ನಿಗೂಢಗಳಲ್ಲಿ ಮನುಷ್ಯನ ವರ್ತನೆ ಮತ್ತು ಮನಸ್ಸು ಸಹ ಸೇರಿದೆ. ಸಲ್ಮಾನ್ ಬಗ್ಗೆ ಅವರಿಗಿಂತ ಯಾರಿಗೆ ಹೆಚ್ಚು ಗೊತ್ತು ?  ಅಕಸ್ಮಾತ್ ಅವರು ಅವರ ಬಗ್ಗೇನೆ ಸುಳ್ಳು ಹೇಳಿದರೆ ಅವರಿಗೆ ಅವರೇ ಮೋಸ ಮಾಡಿಕೊಂಡಂತೆ ಅಲ್ಲವೇ? ಅದಕ್ಕಿಂತ ಬೇಸರದ ಸಂಗತಿ ಇನ್ನೇನಿರುತ್ತೇ?? 

ಥೈಯಂ ಥಾಹಾ.. !..ಥೈಯಂ ಥಾಹಾ.. !

ಇತ್ತೀಚೆಗೆ ಅದ್ಯಾಕೊ ಬ್ಲಾಗ್ ನಲ್ಲಿ ಬರೆಯೋಕೆ ಆಗ್ತಾ ಇಲ್ಲ. ಆದರೆ ಮೊನ್ನೆ ಫೋನ್ ಮಾಡಿದ ಇಬ್ಬರು ವ್ಯಕ್ತಿಗಳು ಬ್ಲಾಗ್ ನೆನಪಿಸಿದರು. ಒಬ್ಬರು ಮಾತಿನ ಮೂಲಕ, ಮತ್ತೊಬ್ಬರು ಏನೂ ಹೇಳದೇ ಇದ್ದರೂ ಮನಸ್ಸಿಗೆ ಬರೆಯುವ ತವಕ ಹುಟ್ಟು ಹಾಕಿದರು. ಅವರು ವಿನಾಯಕ ಜೋಶಿ ಮತ್ತು ರಾಧಿಕ.


ವಿನಾಯಕ ಜೋಶಿ ಈಗ ಜೋಶ್-ಈ-ಲೇ ಡಾಕ್ಯುಮೆಂಟರಿಯಲ್ಲಿ ಬ್ಯುಸಿ. ಆ ಹುಡುಗನ ಸಾಹಸದ ಬಗ್ಗೆ ಪತ್ರಿಕೆಯಲ್ಲಿ ಬರೆದು ಲಿಂಕ್ (ಇಲ್ಲಿ ಕ್ಲಿಕ್ಕಿಸಿ ..http://kannada.webdunia.com/entertainment/regionalcinema/newsgossips/1312/04/1131204006_1.htm ) ಫೇಸ್ ಬುಕ್ ನಲ್ಲಿ ಅಂಟಿಸಿದಾಗ ಹುಡುಗ ಫುಲ್ ಖುಷ್. ನಾನು ಕಂಡಂತೆ  ಪ್ರತಿಭೆಗಳ ಗುಚ್ಛ  ಜೋ.. ಹೊಸ ಸಾಹಸಗಳನ್ನು ಮಾಡುವ ಆತನ ಬಗ್ಗೆ ಹೇಳುವುದು ಬೇಕಾದಷ್ಟಿದೆ. ತನ್ನೆಲ್ಲಾ ಅನುಭಗಳನ್ನು ಅದರಲ್ಲೂ ಬಿಗ್ ಬಾಸ್ ಗೆ ಹೋಗಿ ಬಂದ ಬಳಿಕ ಆದ ಘಟನೆ, ಅಲ್ಲಿದ್ದಾಗ ಫೇಸ್ ಮಾಡಿದ ಸಂಗತಿಗಳು ಎಲ್ಲಾ ಎಲ್ಲಾ!


ಅಕ್ಕಾ ಅಂತ ಮಾತಿಗೊಮ್ಮೆ ಹೇಳುತ್ತಾ ಈ ಹುಡುಗ ಸುಮಾರು ಒಂದೂವರೆ ಗಂಟೆಗಳ ಕಾಲ ಹರಟಿದ, ಬೇಜಾರಾದ, ನಕ್ಕ, ವಿನಮ್ರನಾದ, ಕಣ್ಣೀರಾದ ಏನು ಹೇಳಲಿಕ್ಕೆ ಸಾಧ್ಯ ನನಗೆ ಆತನ ಭಾವನೆಗಳ ಬಗ್ಗೆ?
ಆಗ ಮಾತಿನ ನಡುವೆ ಜೋ ಒಬ್ಬರ ಬಗ್ಗೆ ಹೇಳುತ್ತಾ ನಾವು ಮೀಟ್ ಆದಾಗ ನಿಮ್ಮ ಬ್ಲಾಗ್ ಬಗ್ಗೆ ಮಾತಾಡುತ್ತೇವೆ ಅಕ್ಕ ಅಂದ..ಅವರು ಸುವರ್ಣ ನ್ಯೂಸ್ ನ  ವಾರ್ತಾವಾಚಕ ಅರವಿಂದ್. ಈ ವಾರ್ತಾವಾಚಕ ನನ್ನ ಎಫ್ಬಿ ಸ್ನೇಹಿತರು. ತಮ್ಮ ಪತ್ನಿ ಮಗುವಿನ ಪಟ ಹಾಕಿದಾಗ ನಾನು ಲೈಕ್ ಕೊಟ್ಟಿದ್ದೀನಿ  ;-)


ಅವರು ನನ್ನ ಬ್ಲಾಗ್ ಓದುತ್ತಾರೆ ಅಂದಾಗ ಖುಷಿ ಆಯ್ತು. ಅದ್ಯಾಕೊ ಗೊತ್ತಿಲ್ಲ ಇತ್ತೀಚಿನ ಕೆಲವು ದಿನಗಳಿಂದ ನಾನು ಯಾರಿಗೂ ಗೊತ್ತಿಲ್ಲ, ಎಲ್ಲರೂ ಮರತೇ ಹೋಗಿದ್ದಾರೆ ಅಂತ ಅನ್ನಿಸುತ್ತಿತ್ತು .. ಅಂತಹುದರಲ್ಲಿ ಈ ಮಾತು ಕೇಳಿದಾಗ!!
ಅದೇ ದಿನ ನನಗೆ ಬಂದ ಇನ್ನೊಂದು ಕರೆ ಅನಿರೀಕ್ಷಿತವಾಗಿತ್ತು. ಅವರು ಟೀವಿ ನೈನ್ ರಾಧಿಕ.ಅವರಿಗೆ ಬೇಕಾಗಿದ್ದ ವ್ಯಕ್ತಿ ನಾನು ಆಗಿರಲಿಲ್ಲ.   ನಾನು ಆಕೆ ಕೇಳಿದ ಪತ್ರಿಕೆಯಲ್ಲಿ ಕೆಲಸ ಮಾಡುತ್ತಿರಲಿಲ್ಲ. ಸೋ ನಾನಿರುವ ಕಡೆ ಹೇಳಿದೆ.ಅದೆಷ್ಟು ನೆನಪಿದೆಯೊ ಗೊತ್ತಿಲ್ಲ. ರಂಗನಾಥ್ ಭಾರದ್ವಾಜ್ ಎಲ್ಲಿದ್ದಾರೆ ಅಂದಾಗ ಅವರೀಗ ಸಮಯದಲ್ಲಿ ಇರೋದು ಅಂದ್ರು. ಕೋಲಾರದ ಹೆಣ್ಣುಮಗಳ ಮಾತಿನಲ್ಲಿ ನಗೆಯ ಹಾಯಿಗಾಳಿ. ಮಾತಿನ ಮಧ್ಯೆ ನಾವಿಬ್ಬರು ಫ್ರೆಂಡ್ಸ್ ಅಲ್ವ ಜಯಶ್ರೀ ಅವೆಲ್ಲಾ ಯಾಕೆ ಎಂದು ಹೇಳಿದಾಗ ಖುಷಿ!

ನನಗೆ ಸಿಕ್ಕಾಪಟ್ಟೆ ಇಷ್ಟ ಆಗುವ ಕಾರ್ಯಕ್ರಮಗಳಲ್ಲಿ ಜೀ ಹಿಂದಿಯಲ್ಲಿ ಪ್ರಸಾರ ಆಗುವ  ಡ್ಯಾನ್ಸ್ ಇಂಡಿಯಾ ಡ್ಯಾನ್ಸ್ ಸಹ ಒಂದು. ಈ ಬಾರಿ ಮಿಥುನ್ ದಾ ಜೊತೆಗೆ ಮೂರು ಕಿರಿಯ ಜಡ್ಜ್‍   ಗಳು. ಮೂವರೂ ಇಷ್ಟವಾಗುತ್ತಾರೆ. ಯಾಕೇಂದ್ರೆ ಇನ್ನೂ ಮೂರೂ ಎಳಸು. ಮಿಥುನ್ ದಾ ಅವರ ಮಾತು, ಅವರ ಇನ್ವಾಲ್ ಮೆಂಟ್ ತುಂಬಾ ಇಷ್ಟ ಪಟ್ಟು ನೋಡುವಂತೆ ಈ ತೀರ್ಪು ಗಾರರ ಮಾತುಗಳು ಸಹ ಲೈಕ್ ಆಗುತ್ತದೆ. ಅದರಲ್ಲೂ ಶೃತಿ ಮರ್ಚೆಂಟ್ ಸಖತ್ ಮಜಾ ಕೊಡ್ತಾರೆ. ಆ ಹೆಣ್ಣುಮಗಳು ತೀರ್ಪು ಹೇಳುವಾಗ ಒಂದು ಕ್ಲಾಸಿಕಲ್ ಡ್ಯಾನ್ಸ್ ನೋಡಿದಂತಹ ಅನುಭವ ಆಗುತ್ತದೆ. ಥೈಯಂ ಥಾಹಾ.. !ಐ ಲೈಕ್ ಇಟ್ ಬೇಬಿ ವೆರಿ ಮಚ್!