ಕನ್ನಡ ಬಿಗ್ ಬಾಸ್ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗ್ತಾ ಇದೆ. ಅದು ಎಲ್ಲರಿಗು ಗೊತ್ತಿದೆಯೋ ಇಲ್ಲವೋ ನಾನಂತೂ ತಪ್ಪದೆ ನೋಡ್ತಾ ಇರ್ತಿನಿ . ನನಗೆ ಸುದೀಪ ಒಂದು ಆಕರ್ಷಣೆ ಆದರೆ ಮತ್ತೊಂದು ಈ ರಿಯಾಲಿಟಿ ಷೋ ಬಗ್ಗೆ ಇರುವ ಆಸಕ್ತಿ. ಇದರ ಬಗ್ಗೆ ಸಾವಿರಾರು ಅಭಿಪ್ರಾಯಗಳು ಬಂದರು ತಪ್ಪದೆ ವೀಕ್ಷಿಸುತ್ತೀನಿ. ಕಳೆದ ವಾರ ಮಂಗಳೂರು, ಉಡುಪಿ, ಧರ್ಮಸ್ಥಳ, ಕಟೀಲು ಅಂತ ಒಂದಷ್ಟು ಕಡೆ ಓಡಾಡಿಕೊಂಡು ಬಂದ ಕಾರಣ ಸರಿಯಾಗಿ ವೀಕ್ಷಣೆ ಮಾಡದೆ ಇದ್ದರು ಸ್ಪರ್ಧಿಗಳು, ಅವರ ಆಟ , ಅವರುಗಳ ಚತುರತೆ ಬಗ್ಗೆ ನೋಡಿ ನೋಡಿ ...!ಏನೇ ಆದರು ಈ ಬಾರಿ ನನ್ನನ್ನು ಆಕರ್ಷಿಸಿದ ಮತ್ತೊಂದು ಅಂಶ ಬಿಗ್ ಬಾಸ್ ಮನೆ ಬಾಗಿಲು ಮತ್ತು ಕಿಟಕಿ. ಕನ್ನಡ ಸಂಖ್ಯೆ ೧೦ ರೂಪದಲ್ಲಿ ರಚಿಸಿದ್ದಾರೆ. ನನಗೆ ಹಾಗೆ ಅನ್ನಿಸಿದೆಯೋ ಅಥವಾ ಸೀಜನ್ 10 ನ್ನು ಈ ರೀತಿ ತೋರಿಸಿದ್ದಾರೋ ಗೊತ್ತಿಲ್ಲ.
@ ಕಿಚ್ಚ ಸುದೀಪ ದಿನೇದಿನೇ ಯಂಗ್ ಆಗಿ ಕಾಣ್ತಾ ಇರೋದು ಈ ಬಿಗ್ ಬಾಸ್ ನ ಮುಖ್ಯ ಅಂಶ ಜೊತೆಗೆ ಹೊಸಬಗೆಯ ಭಿನ್ನ ರೀತಿಯ ಆಟಗಳು ಮನಸ್ಸಿಗೆ ಖುಷಿ ಕೊಟ್ಟಿದೆ. ನಂಗೆ ಸ್ಪರ್ಧಿ ವಿನಯ್ ಹೆಚ್ಚು ಇಷ್ಟ ಆಗಿದ್ದಾರೆ ಆದರೆ ಸಂಗೀತ ಅತಿ ಆಶ್ಚರ್ಯ ಉಂಟು ಮಾಡಿದ್ದಾರೆ. ಹೇಗೆ ಅಂದ್ರೆ ಕೆಲವು ಮಂದಿ ಇರ್ತಾರೆ ಅವರು ಹೇಗೆ ಅಂದ್ರೆ ಹಾಯ್ ಹವ್ ಆರ್ ಯು ಅಂತ ಕೇಳಿದೆವು ಅಂತ ಅಂದುಕೊಳ್ಳಿ ತಕ್ಷಣ ನೋ ಇಂಗ್ಲಿಸ್ ದಿಸ್ ಈಸ್ ಕನ್ನಡ ಮಂತ್ ಓನ್ಲಿ ಕನ್ನಡ !!ಹಾಗೆ ಸಂಗೀತ ಸಹ ಆಕೆ ಮಾಡೋದು ಒಂದಾದರೆ ಆಡೋದು ಬೇರೆ !! ನನಗೆ ಆಶ್ಚರ್ಯ ತರಿಸಿದ್ದು ಆಕೆಯ ಗುಣ. ಸಾಮಾನ್ಯವಾಗಿ ಎಲ್ಲ ಸೀಜನ್ ಗಳಲ್ಲೂ ನಾನು ಕಂಡಂತೆ ಸ್ನೇಹದ ವಿಷಯದಲ್ಲಿ ಪ್ರಾ ಮಾಣಿಕರಾಗಿ ಇರುತ್ತಿದ್ದರು ಮತ್ತು ಇದ್ದಾರೆ . ಆದರೆ ಈಕೆ ಮತ್ತು ತನಿಷಾ ಜೊತೆಗಿನ ಬಾಂಧವ್ಯ ನೋಡಿ ಒಳ್ಳೆಯ ಸ್ನೇಹ ಅಂದುಕೊಳ್ಳುವಷ್ಟಲ್ಲಿ ... !
@ ಕೋಲಾರ ಅದರಲ್ಲೂ ಮುಳಬಾಗಿಲಿನ ಹುಡುಗ್ರು ಹೆಚ್ಚು ತೆಲುಗು ಸಿನಿಮಾ ಪ್ರಭಾವಿತರು .ನಮ್ಮ ವರ್ತೂರು ಸಂತೋಷ್ ಇದಕ್ಕೆ ಹೊರತಲ್ಲ . ಕೋಲಾರದ ಕಡೆಯವರು ಮನೆಗಳಲ್ಲಿ ತಂದೆತಾಯಿ ತೆಲುಗು ಮಾತಾಡೋದು ಸಾಮಾನ್ಯ. ಆದರೆ ಮಕ್ಕಳ ಜೊತೆ ಕನ್ನಡಕನ್ನಡ ಸವಿಗನ್ನಡ ,,!ಹುಲಿ ಉಗುರು ಮಾತ್ರವಲ್ಲ ತೆಲುಗು ಹೀರೋಗಳ ನಟನೆ, ಡ್ರೆಸ್, ಜಾಸ್ತಿನೇ ಅನುಕರಿಸುತ್ತಾರೆ. ನಾನು ಕಂಡಂಗೆ . ಆತನ ಬದುಕಲ್ಲಿ ನಡೆದ ಘಟನೆ ನಿಜಕ್ಕೂ ಖೇದಕರ. ಯಾಕೋ ತುಂಬಾ ಗ್ರಾಂಥಿಕವಾಗಿ ಬರೀತಾ ಇದ್ದೀನಿ . ಬಹುಶಃ ಇತ್ತೀಚೆಗೆ ಮಂಗಳೂರಿಗೆ ಹೋದ ಪ್ರಭಾವ ಇರಬೇಕು :-)
