ಗುಡ್ ಲಕ್

 

ಬಿಗ್ ಬಾಸ್ ಇನ್ನು ನಿನ್ನೆ ಮೊನ್ನೆಯಷ್ಟೇ ಶುರು ಆದಂಗೆ ಇದೆ. ಆಗಲೇ  ಫಿನಾಲೆ  ಹತ್ರ ಬಂತು.ಯಾರು ಯಾವುದೇ ರೀತಿಯ ಅಭಿಪ್ರಾಯ ಹೊಂದಿರಲಿ ನಾನು ತಪ್ಪದೆ ನೋಡಿದ, ನೋಡುವ, ನೋಡುತ್ತಿದ್ದ ಶೋಗಳಲ್ಲಿ ಇದು ಒಂದು. ಕಿಚ್ಚ ಸುದೀಪ ಬಗ್ಗೆ ಸಾಕಷ್ಟು ಸರ್ತಿ ಬರೆದು ಅಭಿಮಾನಿಸಿದ್ದೀನಿ.. ಆ ಗೌರವ ಇದ್ದೆ ಇದೆ. ಸಾಮಾನ್ಯವಾಗಿ ಸ್ಟಾರ್ ಹೀರೋಗಳ ಬಗ್ಗೆ ಒಳ್ಳೆಯದನ್ನು ಹೇಳುವುದಕ್ಕಿಂತ ಕೆಟ್ಟದ್ದನ್ನು ಹರಡುವ ಮಂದಿ  ಹೆಚ್ಚು. ಅದು ಅವರ ಖುಷಿ ಬಿಡಿ..! ಒಳ್ಳೆ ಮಾತು ಹೇಳಿದರೆ ನಮಗೆ ಅವರಿಂದ ಲಾಭ ಆಗ್ತಾ ಇದೆ ಅಂತ ತಿಯೋ ಮಂದಿ ಸಹ ಹೆಚ್ಚು...!

ಬಿಗ್ ಬಾಸ್ ನಲ್ಲಿ  ಆದಿ ಹೊರಗೆ ಬಂದ ನಂತರ ಯಾರನ್ನು ಭೇಟಿ ಮಾಡ್ತೀರಿ.. ಯಾರ ಜೊತೆ ಸ್ನೇಹ ಇಟ್ಟು ಕೊಳ್ತಿರಿ ಎಂದು ಸಾಮಾನ್ಯವಾಗಿ  ಪ್ರತಿಬಾರಿ ಬಿಗ್ ಬಾಸ್ ಮನೆಯಲ್ಲಿ ಕೇಳಿಬರುತ್ತೆ. ಆದರೆ ಹೊರ  ಬದುಕು ಹೆಚ್ಚು ದಿನ ಅಂತಹ ಸ್ನೇಹ ಉಳಿಸಲ್ಲ.. ಆದರೂ ಕೆಲವೊಂದಷ್ಟು ಸ್ನೇಹ ಉಳಿದಿದೆ.. ನಮ್ಮ ವರ್ತೂರು ಸಂತೋಷ್  ಮುಗ್ಧತೆ ಬಗ್ಗೆ ಎರಡು ಮಾತಿಲ್ಲ, ಕೋಲಾರದ ಗ್ರೂಪ್ ಗಳಲ್ಲಿ ಜೈ ಹಳ್ಳಿಕಾರ್, ಜೈ ವರ್ತೂರ್  ಅನ್ನುವ ಪೋಸ್ಟರ್ ಗಳು ಸಾಮಾನ್ಯವಾಗಿ ಕಂಡು ಬರ್ತಾ ಇದೆ. ವರ್ತೂರು ಸಂತೋಷ್ ಬಗ್ಗೆ ಕೋಲಾರದವರು ಅಭಿಮಾನಿಸುವುದು ವಿಶೇಷವೇನಲ್ಲ .. ಆದರೆ ಇತ್ತೀಚಿಗೆ ಒಂದು ಸುದ್ದಿ ಕೇಳಿದ್ದು ಅಂದ್ರೆ ಚಿಕ್ಕಮಗಳೂರಿನ  ಒಂದಷ್ಟು ಯೂತ್ಸ್ ಬಂದು ಬೆಟ್ಟದ ತಾಯಿ  ಚಾಮುಂಡಿ ಹತ್ರ ಕೇಳಿಕೊಂಡಿದ್ದು   ಹಳ್ಳಿಕಾರ್ ವರ್ತೂರ್ ಸಂತೋಷ್ ಗೆಲ್ಲಬೇಕು..

ಎನಿವೇಸ್ ಡಿಯರ್  ಸುದೀಪ ನಾವಂತೂ ಮುಖಾಮುಖಿ ಭೇಟಿ ಆಗಲ್ಲ . ನಿಮ್ಮಂತಹ ಮೇರುಶಿಖರವನ್ನು ದೂರದಿಂದ ನೋಡಿ ಗೌರವಿಸುವುದೇ ನಮ್ಮಂತಹವರು ಮಾಡುವ ಕೆಲಸ. ಹೊಗಳಿಕೆ ಅಲ್ಲ ಮನದಾಳದ ಮಾತು. ಮುಂದೆ ಎಂದಾದರೂ  ದೇವರು ಅವಕಾಶ ಕೊಟ್ಟರೆ ನಿಮ್ಮನ್ನು ... ?!

ವೆಲ್ ಎಲ್ಲ ಸ್ಪರ್ಧಿಗಳಿಗೂ ಒಳ್ಳೆಯದಾಗಲಿ. ಸೋತವರು -ಗೆದ್ದವರು ಅನ್ನುವುದು ಫಿನಾಲೆ ವೀಕ್ ನಲ್ಲಿ ಆದ್ಯತೆ  ಪಡೆಯಲ್ಲ.. ಮತ್ತೊಮ್ಮೆ ಗುಡ್ ಲಕ್ 

ಖುಷಿ ಕೊಡ್ತು.

 

ನನಗಂತೂ ಬಾಲಕ ರಾಮ ಪ್ರಾಣ ಪ್ರತಿಷ್ಠಾಪನೆ ಸಖತ್  ರೋಮಾಂಚನ ನೀಡಿದೆ. ರಾಮನ ಮುದ್ದುಮೊಗ ಉಡುಪಿಯ ಕಿಟ್ಟಪ್ಪನ  ಮುದ್ದು ಮುಖದಂತೆ ಕಂಡಿದೆ ಮತ್ತು ಕಾಣಿಸ್ತಾ ಇದೆ. ಉಡುಪಿಯ ಪೇಜಾವರ ಮಠದ ಶ್ರೀ ವಿಶ್ವೇಶತೀರ್ಥ ಶ್ರೀಗಳ ಸಮರ್ಥ ಹೋರಾಟದ ಫಲ  ಬಾಲಕ ರಾಮ ಕೃಷ್ಣನಂತೆ ಕಾಣುತ್ತಿರಬೇಕು. ಒಬ್ಬರಿಗೆ ಶ್ರೀನಿವಾಸ ಗೋವಿಂದ , ಒಂದಷ್ಟು ಮಂದಿಗೆ  ಶಂಭುಕುಮಾರ ವಡಿವೇಲ ಅಂದ್ರೆ ಬಾಲಸುಬ್ರಮಣ್ಯ ಸ್ವಾಮಿಯಂತೆ ಕಂಡು ಬರ್ತಾ ಇದ್ದಾರೆ ಅಂದ್ರೆ ಅನೇಕರೂಪ ಏಕದೇವ ಎನ್ನುವ ಅಂಶ  ಸ್ಪಷ್ಟವಾಗಿದೆ. ಜೈ ಶ್ರೀ ರಾಮ್  

 ಜೀ ಕನ್ನಡ ವಾಹಿನಿಯ ಸರಿಗಮಪ ಸೀಜನ್  20  ಸಂಕ್ರಾಂತಿ ಸಮಯದ ಎಪಿಸೋಡ್ ನಲ್ಲಿ ಅಯ್ಯಪ್ಪ ಸ್ವಾಮಿ ಹಾಡುಗಳು  ಖುಷಿ ಕೊಡ್ತು. ಚಿಕ್ಕಂದಿನಲ್ಲಿ ನಾವು ಅಯ್ಯಪ್ಪ ಸ್ವಾಮಿ ದೀಪ ಹೊತ್ತಿದ್ದೆ ಮೆರವಣಿಗೆ ಸಮಯದಲ್ಲಿ.. ಆಗ  ವೀರಮಣಿ ರಾಜು ಅವರು ಹಾಡಿರುವ ಪಳ್ಳಿಕಟ್ಟು  ಶಬರಿ  ಮಲೈ ಕ್ಕೂ ಕಲ್ಲುಮ  ಮುಳ್ಳುಮ  ಕಾಲುಕ್ಕು  ಮೆಥೈ ಸ್ವಾಮಿಯೇ  ಅಯ್ಯಪ್ಪೋ  ಅಯ್ಯಪ್ಪೋ  ಸ್ವಾಮಿಯೇ ನೆಯ್ಯ್ಯಭಿಷೇಕಂ  ಸ್ವಾಮಿಕ್ಕೆ ಕರ್ಪೂರ  ದೀಪಂ  ಸ್ವಾಮಿಕ್ಕೆ ತಪ್ಪದೆ ಕೇಳುತ್ತಾ ತಪ್ಪುತಪ್ಪಾಗಿ ತಮಿಳಿನಲ್ಲಿ ಹಾಡುತ್ತಾ ಸಾಗುತ್ತಿದ್ದೆವು    ವಿಜಯಪ್ರಕಾಶ ಅಲ್ಲದೆ  ಸ್ಪರ್ಧಿಗಳು ಅಯ್ಯಪ್ಪ ದೇವನ ಹಾಡು ಹಾಡಿ  ಮನಕ್ಕೆ ಮುದ ನೀಡಿದರು. ಕರ್ನಾಟಕದಲ್ಲಿ ಅಯ್ಯಪ್ಪ ಸ್ವಾಮಿ ಭಕ್ತರು ಹೆಚ್ಚು.. ಅದೇರೀತಿ ಶ್ರೀರಾಮದೇವನ ಹಾಡು ಖುಷಿ ಕೊಡ್ತು. ಡಿವೋಷನಲ್, ಎಮೋಷನಲ್  ಹಾಡು .. ನಾವು ಸಹ ಬಾಲಕ ರಾಮ ಪ್ರಾಣಪ್ರತಿಷ್ಠಾಪನೆ ದಿನವಾದ ನಿನ್ನೆ ರಾಮದೇವನಿಗೆ ಪೂಜಿಸಿ ನಮ್ಮ ಮನೆಯಲ್ಲಿ ಹಾಡಿನ ಮೂಲಕ ಭಕ್ತಿ ಸಮರ್ಪಣೆ ಮಾಡಿದೆವು ಮಹಾಗುರು ಹಂಸಲೇಖ ಸರ್.. :-) 

ಜೈ ಶ್ರೀ ರಾಮ್

 

 22 ಜನವರಿ2024  ಅತ್ಯಂತ ಸುಂದರ ದಿನ ಧಾರ್ಮಿಕ ಮನಸ್ಥಿತಿಯನ್ನು ಹೊಂದಿದವರಿಗೆ.....  ಭಾರತದ ಇತಿಹಾಸದಲ್ಲಿ ಇಂತಹದ್ದೊಂದು ದಿನ ಬರುತ್ತದೆ.. ಈ ಕೆಲಸ ಸಾಧ್ಯ ಆಗುತ್ತದೆ ಎಂದು ಯಾರು  ತಿಳಿ ದಿರಲಿಲ್ಲ. ಕನ್ನಡದ ವಾಹಿನಿಗಳಾದ  ಏಷ್ಯಾನೆಟ್  ಸುವರ್ಣ , ಪಬ್ಲಿಕ್  ಟಿವಿ   ರಿಪಬ್ಲಿಕ್ ಕ  ನ್ನಡ  ಟಿವಿ ನೈನ್, ಟಿವಿ 5,ವಿಸ್ತಾರ .. ಹೀಗೆ ಕನ್ನಡ ಎಲ್ಲಾ  ವಾರ್ತಾ ವಾಹಿನಿಗಳು ತಮ್ಮದೇ ಆದ ಶೈಲಿಯಿಂದ ರಾಮ್ದೇವ್ನ ದರ್ಶನ ಮಾಡಿಸಿದ್ದು ನಿಜಕ್ಕೂ ಅವಿಸ್ಮರಣೀಯ. ಪಬ್ಲಿಕ್  ಟಿವಿ  ರಂಗಣ್ಣ, ಏಷ್ಯಾನೆಟ್ ಅಜಿತ, ರಿಪಬ್ಲಿಕ್  ಜಯಪ್ರಕಾಶ ಶೆಟ್ಟಿ ಸ್ವಲ್ಪ ಭಿನ್ನವಾಗಿ ಗಮನ ಸೆಳೆದರು.. ಶೆಟ್ರ ಉತ್ರ ಜಾಸ್ತಿ ವೈರಲ್ ಆಯ್ತು.. ಅದರ ಬಗ್ಗೆ ಹೆಚ್ಚು ವಿಸ್ತಾರಾ ಬೇಡ .. ಅದೇ ರೀತಿ ನಮ ರಂಗಣ್ಣ ಪಾದರಕ್ಷೆ ಇಲ್ಲದೆ  ರಾಮ ದೇವಳದ ಬಗ್ಗೆ ನೀಡಿದ ಮಾಹಿತಿಯ ಚಿತ್ರ ಸಹ.. ಅಜಿತ ಮತ್ತು ದೇವರ ..?! ನಡುವೆ ನಡೆದ ಚರ್ಚೆ .. ಇದು ಸಹ ....  

ಬಹುತ್ವಕ್ಕೆ ಭಾರತ ಹೆಸರುವಾಸಿ ಅದು ಇನ್ನುಮುಂದೆ ಇರಲ್ಲ, ರಾಮ್ ನಾಮ್ ಸತ್ಯ ಹಾಯ್ ಅನ್ನುವ ಮನಸ್ಥಿತಿ ಸಹ ಸಾಕಷ್ಟು ಹೊರ ಬಂತು.. ಬಹುತ್ವ ಅನ್ನುವುದು ಆರಂಭವಾಗುವುದೇ ಭಾರತದ ದೇಗುಲಗಳಲ್ಲಿ. ಇಲ್ಲಿ  ಯಾರು ಯಾವ ರೀತಿ  ಸೇವೆ, ಸಹಕಾರ ಉಪಯೋಗ, ಪ್ರಯೋಜನ ಪಡೆಯುತ್ತಿದ್ದಾರೆ ಎನ್ನುವುದನ್ನು ಕೂಲಂಕಷವಾಗಿ ಗಮನಿಸಿದರೆ ತಿಳಿಯುತ್ತದೆ. ಆ ದೇವಳಕ್ಕೆ ನೀಡುವ ಹೂವು, ಅದನ್ನು ಬೆಳೆಯುವ ರೈತ, ಅದಕ್ಕೆ ಬಳಕೆ ಆಗುವ ಗೊಬ್ಬರ, ಕೀಟ ನಾಶಕ, ಅದನ್ನು ತಯಾರಿಸುವ ಫ್ಯಾಕ್ಟರಿ  ಹೂ  ಕಟ್ಟಲು ಬೇಕಾಗುವ  ದಾರ, ದಾರವನ್ನು ತಯಾರಿಸುವ ಕಾರ್ಖಾನೆ, ಅದನ್ನು ತಯಾರಿಸುವ ಕಾರ್ಮಿಕ, ಅದಕ್ಕೆ ಬಳಕೆ ಆಗುವ ಯಂತ್ರ, ಅದನ್ನು ನಿರ್ಮಿಸಿದ ಟೆಕ್ನಿಷಿಯನ್ ಅದು ಕೆಟ್ಟರೆ ಹಾಳಾದರೆ  ಅದರಿಂದ ದೊರಕುವ ಮೆಟಲ್, ಪ್ಲಾಸ್ಟಿಕ್ ನಂತಹ   ಈ ತ್ಯಾಜ್ಯ, ಬಳಸಿ ಅದನ್ನು ಪುರುರ್ತ್ಪತ್ತಿ ಮಾಡುವ ಕಬಾಡಿ, ಮತ್ತೆ ಅದು ಬೇರೆ ರೂಪದಲ್ಲಿ ಗ್ರಾಹಕರ ಕೈ ಸೇರುವ ವಿಧಾನ ಇವೆಲ್ಲವಕ್ಕೆ  ಒಂದಕ್ಕೊಂದು  ಲಿಂಕ್ ಇರುತ್ತದೆ. .. ಹೀಗೆ ಅಲ್ಲಿರುವ ಎಲ್ಲಾ ಅಂಶಗಳಿಗೂ ಅದರದ್ದೇ ಆದ ಕೊಂಡಿ ಇದೆ. ಇಲ್ಲಿ ಯಾರು ಕ್ರಿಶ್ಚಿಯನ್, ಯಾರು ಪಾರ್ಸಿ, ಯಾರು ಮುಸ್ಲಿಂ ಅನ್ನುವುದು ಗೊತ್ತಿರಲ್ಲ ಅದರ ಅದರ ಅಗತ್ಯ ಇರಲ್ಲ. ಬಹುತ್ವ ಇರಬೇಕಾಗಿರುವುದು ಇಂತಹ ಅಂಶಗಳಲ್ಲಿ ಬರೀ  ಪುಸ್ತಕದಲ್ಲಿ ಅಥವಾ ತಮ್ಮ ಬೇಳೆ  ಬೇಯಿಸಿಕೊಳ್ಳುವವರ ಮಾತುಗಳಲ್ಲಿ ಅಲ್ಲವೇ ಅಲ್ಲ.. ಜೈ ಶ್ರೀ ರಾಮ್ 

ಭೀಕರ ಹಾಸ್ಯ

 

ಬಿಗ್ ಬಾಸ್  ಛೆ...  ಅಂತಹ ಕಾರ್ಯಕ್ರಮ ನಾನು ನೋಡೋದೇ ಇಲ್ಲ ಎಂದು  ಒಂದು ಕಡೆ , ಬಿಗ್ ಬಾಸ್ ,  ಸ್ಪರ್ಧಿಗಳು, ಅವರ  ವರ್ತನೆ, ಅವರ ಉಡುಗೆ ತೊಡುಗೆ ಹತ್ತು ಹಲವಾರು ಅಂಶಗಳ ಬಗ್ಗೆ   ಚರ್ಚೆ,ಜಗಳ , ಸಪೋರ್ಟ್ ಮಾಡುವ ಮಂದಿ ಒಂದಷ್ಟು  ಇರ್ತಾರೆ.  ಅಂತಹವರು ಸೀಜನ್ ನಿಂದ  ಸೀಜನ್ ಗೆ ಬದಲಾಗುತ್ತಾರೆ. ಆದರೆ ವೀಕ್ಷಕರು ಸದಾ ತಮ್ಮ ಆಸಕ್ತಿಯನ್ನು ಹೊಂದಿರುವುದು ಆ ಕಾರ್ಯಕ್ರಮದ  ಪ್ರೆಸೆಂಟರ್  ಕುರಿತಂತೆ. ನಮ್ಮ ಕನ್ನಡದ ನಮ್ಮ ಕಿಚ್ಚ ಸುದೀಪಾ ಸಹ  ಆಸಕ್ತಿ ಉಳಿಸಿಕೊಂಡು ಇರುವಲ್ಲಿ ಸಫಲ ಆಗಿದ್ದಾರೆ ಅಂತ ಈ ಸಂದರ್ಭದಲ್ಲಿ ಹೇಳೋಕೆ ಇಷ್ಟ ಪಡ್ತೀನಿ ಪ್ರೆಂಡ್ಸ್ (ಪ್ರತಾಪ್ ಶೈಲಿಯಲ್ಲಿ ಓದಿಕೊಳ್ಳಿ ). ಪರ್ಸನಲಿ  ನನಗು ಅಷ್ಟೇ. .... 

ಸಾಮಾನ್ಯವಾಗಿ ಒಂದಷ್ಟು ವಯಸ್ಸಾದ ಬಳಿಕ ಹೆಣ್ಣು ಮತ್ತು ಗಂಡು  ಮಕ್ಕಳ  ವರ್ತನೆ, ಅವರ ಶೈಲಿಯಲ್ಲಿ ಸ್ವಲ್ಪ ಬದಲಾವಣೆ ಕಂಡು ಬರುತ್ತದೆ. ಆದರೆ ಕಿಚ್ಚಾ ವಾಟ್ ಐಸ್ ಡಿಸ್ ಯಾ ದಿನೇ ದಿನೇ  ಹೆಚ್ಚೆಚ್ಚು   ಯಂಗಿ ಬಾಯ್ ಆಗ್ತಾ ಇದ್ದೀರಿ.. ಟಚ್ ವುಡ್ .. 

ಈ  ಬಾರಿಯ  ಬಿಗ್ ಬಾಸ್ ನಲ್ಲಿ  ಹೆಣ್ಣುಮಕ್ಕಳು ಸ್ಟ್ರಾಂಗ್ ಆಗಿದ್ದಾರೆ. ಅದೆಷ್ಟೋ ವರ್ಷಗಳ ಬಳಿಕ ಒಳ್ಳೆಯ  ಸ್ಪಾರ್ಕ್. . ನಮ್ರತಾ ಸಿನಿಮಾ ಇಂಡಸ್ಟ್ರಿಗೆ  ಒಳ್ಳೆ ಅಸೆಟ್. ಯಾಕೆಂದ್ರೆ ಈ ರಂಗಕ್ಕೆ ಬೇಕಾದ ಒನಪು,  ವೈಯಾರ,ಪ್ರತಿಭೆ ಇದೆ. ಆಕೆ ಬಿಗ್ ಬಾಸ್ ನಲ್ಲಿ ಗೆಲ್ತಾರೋ , ಸೋಲ್ತಾರೋ ಒಟ್ಟಿನಲ್ಲಿ ಭವಿಷ್ಯ ಚೆನ್ನಾಗಿದೆ. ಬೀ ನ್ ಬ್ಯಾಗ್ ಬಾಯ್ಸ್   ನಲ್ಲಿ ತುಕಾಲಿಗೆ ರಿಯಲ್ಲೂ ಸಹ ರಿಯಾಲಿಟಿ ಷೋ ನಂತೆ ಅನ್ನಿಸಿರಬೇಕು. ಕಾಮಿಡಿ ಶೋಗಳ ಲ್ಲಿ  ಭೀಕರ ಹಾಸ್ಯ ದ  ಪ್ರವಾಹ ಹರಿಸಿದವರಿಗೆ ಸೆನ್ಸಿಬಲ್ ಆಗಿ ಮಾತಾಡೋಕೆ ಬರಲ್ಲ ಅನ್ನುವ ಅಂಶ ಮತ್ತೆ ಸಾಬೀತಾಯಿತು. . 

 

ಆಂಟಿ ...ಆಂಟಿ ...!

 

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುವ ಡ್ರಾಮ ಜೂನಿಯರ್ಸ್  ಈಗ  5ನೇ ಸೀಜನ್ . . ಆರಂಭಿಕ ಸೀಜನ್ ಗಳನ್ನೂ ಹೆಚ್ಚು ನೋಡ್ತಾ ಇದ್ದೆ.. ಕ್ರಮೇಣ ಕಾರಣಗಳು, ಬ್ಯುಸಿಗಳು, ಅದು ಇದು ಅಂತ   ಗಮನ ಕೊಟ್ಟು ವೀಕ್ಷಣೆ ಮಾಡುವುದಕ್ಕೆ ಸಾಧ್ಯ ಆಗಿರಲಿಲ್ಲ. ಸಾಮಾನ್ಯವಾಗಿ ನಾನು ಕಂಡಂತೆ ಯಾವುದೇ ಕಾರ್ಯಕ್ರಮ ಆಗಿರಲಿ ಅದರಲ್ಲಿ ಸ್ಪರ್ಧಿಗಳು ಎಷ್ಟು ಮುಖ್ಯವೋ ಅಷ್ಟೇ ಪ್ರಾಧಾನ್ಯತೆಯನ್ನು ತೀರ್ಪು ಗಾರರು ಸಹ ಪಡೆದಿರುತ್ತಾರೆ. ಈ ರಿಯಾಲಿಟಿ ಷೋ ಮುಖ್ಯ  ಆಕರ್ಷಣೆ   ರವಿ ಮಾಮ , ಲಕ್ಷ್ಮಿ ಆಂಟಿ ಮತ್ತು ಮುದ್ದು ಗೊಂಬೆ  ರಚಿತಾ ರಾಮ್ . ನಾನು ಸಿನಿಮಾ ಪತ್ರಿ ಕೆಯಲ್ಲಿ ಕೆಲಸ ಮಾಡುವಾಗ  ನಂ  ಸೀನಿಯರ್ ಮೇಡಂ ಯಾವುದಾದರೂ ವೈಭವ ಬಗ್ಗೆ ಹೇಳುವಾಗ ಒಳ್ಳೆ ರವಿಚಂದ್ರ ಸಿನಿಮಾ ಸೆಟ್ ಇದ್ದಂಗಿತ್ತು ಕಣೆ ಅನ್ನೋರು. ರವಿ ಮಾಮನ ಬಗ್ಗೆ ಅವರಿಗೆ ಮಾತ್ರವಲ್ಲ ಕನ್ನಡದ ಸಿನಿಪ್ರಿಯರಿಗೂ ಸಹ ಅಂತಹದ್ದೇ ಭಾವವಿದೆ. ಹೊಸತನ , ಹೊಸರೀತಿಯ ಸಾಹಿತ್ಯ ಸಂಗೀತ.....  ಇತ್ತೀಚೆಗೆ ಫೇಸ್  ಬುಕ್ ನಲ್ಲಿ ಬೇರೆ ದೇಶದ ಮಾಡೆಲ್    ದ್ರಾ ಕ್ಷಿಯಿಂದ ಮಾಡಿದ ಉಡುಗೆ ತೊಟ್ಟ ಚಿತ್ರ ಸಿಕ್ಕಾಪಟ್ಟೆ ಸ ದ್ದು  ಮಾಡಿತ್ತು. ಆಗ  ಬಹಳಷ್ಟು ಮಂದಿ ಹೇಳಿದ್ದು ರವಿಚಂದ್ರನ್  ಸಿನಿಮಾ ನೋಡಿದಂಗೆ ಆಯ್ತು !

ಆಂಟಿ  ಅಂತ ಲಕ್ಷ್ಮಿ ಮೇಡಂಗೆ ಯಾಕೆ ಕರೆದೆ ಅಂದ್ರೆ ಇತ್ತೀಚಿಗೆ ಆಂಟಿ ಅನ್ನುವ ಪದವನ್ನು ವಿಕಾರ-ವಿಕೃತಿಗಳಿಗೆ ಬಳಸಿಕೊಳ್ಳುವ ಮಂದಿ ಒಂದಷ್ಟು ಇದ್ದರೂ   ಸಹ!ಆಂಟಿ ಎನ್ನುವ ಪಟ್ಟ ಅತ್ಯಂತ ವಿಶೇಷವಾದದ್ದು ಎಂದು ನಾನು ನಂಬುತ್ತೀನಿ. ಯಾಕೆಂದ್ರೆ ಇಲ್ಲಿ ವಯಸ್ಸಿನ ಹಂಗಿರಲ್ಲ ಮತ್ತು,  ಅರಿಯದ ಆಪ್ತಭಾವದ ತಂತು ಇರುತ್ತದೆ. ಅತ್ತೆ , ಚಿಕ್ಕಮ್ಮ, ದೊಡ್ಡಮ್ಮ, ಅಜ್ಜಿ ಇಂತಹ ಅನೇಕ ಬಂಧಗಳು   ಒಂದು ಆಂಟಿಯಲ್ಲಿ ಸೇರಿ ಬಿಡುತ್ತದೆ. ನಿಜ ತಾನೇ ನಮ್ಮ ಬ್ಯುಟಿಫುಲ್  ಲಕುಮಿ/ ಲಕ್ಷ್ಮಿ ಆಂಟಿ.   ರಚಿತಾ ಬಗ್ಗೆ ಹೇಳುವಷ್ಟಿಲ್ಲ. ಗುಳಿಗಲ್ಲದ ಚೆಲುವೆ.. ಪ್ರತಿಭೆ. 

ಈ ಕಾರ್ಯಕ್ರ ಮದಲ್ಲಿ ಕಳೆದವಾರ  ಮಕ್ಕಳನ್ನು ಭಿಕ್ಷೆಗೆ ಬಿಡುವ ವಿಷಯಕ್ಕೆ ಸಂಬಂಧ ಪಟ್ಟ  ನಾಟಕ ಮನ ಕಲುಕಿತು.ಎಲ್ಲರಿಗೂ ಗೊತ್ತಿರುವಂತೆ ಇದು ನೈಜ ಘಟನೆ.. ಇದಕ್ಕೆ ಸಂಬಂಧಿಸಿದ ಅನೇಕ ವಿಡಿಯೋ ಗಳು ಜಾಲತಾಣದಲ್ಲಿ ಹರಿದಾಡಿತ್ತು. ಅದನ್ನು ನೋಡಿದಾಗ ಸಖತ್  ಭಯ ಮತ್ತು ದುಃಖ ಆಗ್ತಾ ಇತ್ತು .ಯಾರನ್ನು ನಂಬದ ಪರಿಸ್ಥಿತಿ ಈಗ. ಮಕ್ಕಳು ತುಂಬಾ ಸುಂದರವಾಗಿ ವಿಷಯ ತಿಳ್ಸಿದರು ನಾಟಕದ ಮೂಲಕ.. ಇದನ್ನು ನಿರ್ದೇಶಿಸಿ  ವೀಕ್ಷಕರ ಮುಂದೆ ಬಿಟ್ಟವರಿಗೂ   ಬಿಗ್ ಥ್ಯಾಂಕ್ಸ್