ಮುಗ್ಧತೆ

 

 

ನಮ್ಮಮ್ಮ ಸೂಪರ್ ಸ್ಟಾರ್  ಕಲರ್ ವಾಹಿನಿಯಲ್ಲಿ ವೀಕೆಂಡ್ ಗಳಲ್ಲಿ ಪ್ರಸಾರ ಆಗುವ   ಕಾರ್ಯಕ್ರಮ . ಸೃಜನ್ ಲೋಕೇಶ್ , ತಾರಾ  ಮತ್ತು ಅನು ಪ್ರಭಾಕರ್   ನೇತೃತ್ವದಲ್ಲಿ ಹೊರ ಬರುತ್ತಿರುವ ಈ ರಿಯಾಲಿಟಿ ಷೋ ನಲ್ಲಿ ಮಕ್ಕಳು , ಮಕ್ಕಳು ಮತ್ತು ಮಕ್ಕಳು , ಜೊತೆಗೆ ಅವರ ಅಮ್ಮಂದಿರು ಹಾಗು ವಂಶಿಕ  ವೀಕ್ಷಕರನ್ನು ಹಿಡಿದಿಡುವ  ಅಂಶಗಳು . ಚಿಣ್ಣರ   ಪ್ರತಿಭೆಯ ಜೊತೆಗೆ ಅಮ್ಮಂದಿರ ಪ್ರತಿಭೆಗೂ ಹೆಚ್ಚಿನ ವ್ಯಾಲ್ಯೂ ದೊರಕಿಸಿ ಕೊಡುವಂತಹ ಕಾರ್ಯಕ್ರಮ ಇದಾಗಿದೆ . ಮಾತಿನ ಮೂಲಕ ವೀಕ್ಷಕರನ್ನು ಹಿಡಿದಿಡುವ ಸೃಜನ್ , ಚಂದ ನಗುವಿನ ಅನು , ಎವರ್ ಗ್ರೀನ್ ತಾರಾ ಅನುರಾಧ ಜೊತೆಗೆ  ಇಷ್ಟ ಆಗುವ ಅಂಶ  ಅಂದ್ರೆ ನಿರಂಜನ್ ದೇಶಪಾಂಡೆ ನಿರೂಪಣೆ . ರೇಡಿಯೋ ಜಾಕಿ ಆಗಿದ್ದಾಗಲೂ ಸಹ ಹೆಚ್ಚು ಇಷ್ಟ ಆಗ್ತಾ ಇದ್ರು . ಮಾತಿನ ಓಘ , ಸಮೇಹಕ್ಕೆ ಅನುಗುಣವಾಗಿ ಹೊರಹೊಮ್ಮಿಸುವ   ಹಾಸ್ಯಭರಿತ (ದ್ವಂದ್ವಾರ್ಥವು ಹೆಚ್ಚಾಗಿರುತ್ತೆ ಆ ವಿಷ್ಯ ಬೇರೆ !) ಮಾತುಗಳು . ದೊಡ್ಡವರು   ಏನೇ ಮಾತಾಡಿ ಆದ್ರೆ  ಅಲ್ಲಿಗೆ ಬರುವ ಮಕ್ಕಳನ್ನು ಮಕ್ಕಳಾಗಿಯೇ  ಇರಲು ಬಿಡಿ .. ವೀಕ್ಷಕರಿಗೆ   ಇಷ್ಟ ಆಗುವುದು ಮಕ್ಕಳ ಮುಗ್ಧತೆ  ಹೊರೆತು .....!