ಹವಾ

 

  ಸುವರ್ಣ ನ್ಯೂಸ್  ನಲ್ಲಿ ಪ್ರಸಾರ ಆಗುವ ಕಾರ್ಯಕ್ರಮಗಳು   ಬಹಳಷ್ಟು ಬಾರಿ ಚರ್ಚೆಯ   ವಿಷಯವಾಗಿ ಸಾಮಾಜಿಕ ಜಾಲತಾಣದಲ್ಲಿ ಕಂಡು ಬರುತ್ತದೆ . ಈಗ ಹೆಚ್ಚಿನ ಚಾಲ್ತಿಯಲ್ಲಿರುವ ಎಡ - ಬಲ ಪಂಥೀಯರು ಅವರದ್ದೇ ಆದ ರೀತಿಯಲ್ಲಿ ಅಭಿಮಾನ ವ್ಯಕ್ತ ಪಡಿಸುತ್ತಿರುತ್ತಾರೆ . ಅದರಲ್ಲೂ ನ್ಯೂಸ್ ಪ್ರಸೆಂಟರ್ ಅಜಿತ್  ಬಗ್ಗೆ ಅಭಿಮಾನ ಮತ್ತು ವಿರೋಧಾಭಿಮಾನ ಹೆಚ್ಚು ಮಂದಿಗೆ .ಕಳೆದ ಎರಡು ದಿನಗಳಿಂದ ಅಜಿತ್ ಹನುಮಕ್ಕ ನವರ್  ದ್ದೇ   ಹವಾ ಎನ್ನಬಹುದು ಸೋಷಿಯಲ್ ಮೀಡಿಯಾದಲ್ಲಿ . ಇತ್ತೀಚೆಗೆ  ಅವರು ಮಾಡಿದ ಸಂದರ್ಶನ ದಿಂದ  ಅತಿಥಿಗಿರುವ  ಜ್ಞಾನ  ವಿಸ್ತಾರದ ಪರಿಚಯ ಮಾಡಿತು ಎನ್ನುವುದೇ ಬರೆದವರ ಮುಖ್ಯ ಅನಿಸಿಕೆ ಆಗಿತ್ತು .
ಕ್ರೈಮ್ ನಿಂದ ಹಿಡಿದು ರಾಜಕೀಯ ವಿಶ್ಲೇಷಣೆ ಮಾಡುವ ತನಕ ತಮ್ಮ ವ್ಯಾಪ್ತಿಯನ್ನು ವಿಸ್ತಾರ ಮಾಡಿಕೊಂಡಿರುವ ಅಜಿತ್  ಬಗ್ಗೆ ನಾನು ಹೆಚ್ಚು ಹೇಳುವ ಅಗತ್ಯವಿಲ್ಲ .ಭಾಷೆ ಬಳಕೆ , ಮಾತನಾಡುವ ಇರಬೇಕಾದ ಧ್ವನಿಯ ಹಿಡಿತ ,ಮಾತಿನ ಓಘ ಎಲ್ಲವು ಜನ ಮೆಚ್ಚಿನ ಸಂಗತಿ . ಅದರಲ್ಲೂ ಬಲ ಪಂಥೀಯರು ಎಂದು ಹಣೆ ಪಟ್ಟಿ ಹೊಂದಿರುವ ವೀಕ್ಷಕರಿಗೆ ಇವರೆಂದರೆ ಅಭಿಮಾನ . ಇನ್ನೊಂದು ಪಂಥದವರಿಗೆ ವಿ-ರೋಧಾಭಿಮಾನ ಅಷ್ಟೇ !