ಸಿಕ್ಕಾಪಟ್ಟೆ ಗಲಾಟೆ

Image result for orange flowers

ಈ ಬಿಗ್ ಬಾಸ್ ಮುಗಿಯೋ ತನಕ  ಇದರ  ಬಗ್ಗೆನೇ ನನಗೆ ಗಮನ .. ಹಿಂದಿ ಬಿಗ್ ಬಾಸ್ ನೋಡುವಾಗ  ಹಿಂದಿನ ಸೀಸನ್ ಗಳು ಅದರಲ್ಲ್ಊ ಸನ್ನಿ ಲಿಯೋನ್ ಇರುವಂತಹ ಸೀಸನ್ ನೆನಪಿಗೆ ಬರುತ್ತದೆ.. ಆಕೆ ಪೋರ್ನ್ ಸ್ಟಾರ್ ಆದರೆ ನಡುವಳಿಕೆ, ಸ್ಪರ್ಧಿಯಾಗಿ ಆಕೆ ಭಾಗವಹಿಸುತ್ತಿದ್ದ ರೀತಿ ಎಲ್ಲವೂ ತುಂಬಾ ಗಂಭಿರವಾಗಿರುತ್ತಿತ್ತು.. ಜಗಳದ ವಿಷಯದಲ್ಲಿ ಪೂಜಾ ಎನ್ನುವ ಸ್ಪರ್ಧಿಯದ್ದು ಸಿಕ್ಕಾಪಟ್ಟೆ ಗಲಾಟೆ ಆದರೆ  ಪದೇಪದೇ ಆಕೆ ಸನ್ನಿ ಬಳಿ ನೀನು ಯಾವರೀತಿಯ ಚಿತ್ರಗಳಲ್ಲಿ  ನಟಿಸುತ್ತೀಯಾ ಎನ್ನುವುದನ್ನು ಎಲ್ಲರಿಗೂ ಹೇಳಿದ್ದಿಯಾ ಅಂತ ನೆನಪು ಮಾಡುತ್ತಿದ್ದಸಳು.. ತಮಾಷೆ ಅಂದ್ರೆ ತುಂಬಾ ಕೆಟ್ಟದಾಗಿ ಬಿಹೇವ್ ಮಾಡ್ತಾ ಇದ್ದುದು ಸನ್ನಿ ಆಗಿರಲಿಲ್ಲ... ಯಾಕೆ ಈ ಮಾತು  ಬರೀತಾ ಇದ್ದೀನಿ ಅಂದ್ರೆ ಸಾಮಾನ್ಯವಾಗಿ ಇತ್ತೀಚಿನ ಸೀಸನ್ಗಳು, ಅದರಲ್ಲಿರುವ ಸ್ಪರ್ಧಿಗಳು, ಅವರ ವರ್ತನೆ, ಮಾತು, ಶೈಲಿ, ಜೊತೆಗಾರರ ಜೊತೆ ನಡೆದುಕೊಳ್ಳುವ ರೀತಿ ಕೆಲವೊಂದಂತು ಕ್ಷಮಾರ್ಹವಲ್ಲ.. ಸಲ್ಮಾನ್ ಬಂದು ಅವರಿಗೆ ಹಾಗಲ್ಲ ಹೀಗೆ ಇರಿ ಅಂತ ಹೇಳಿದರೂ ಆ ಕ್ಷಣವಷ್ಟೇ ಅವರ ಹೂಗುಟ್ಟುವಿಕೆ..!
ಒಂದು ಸಂಗತಿ ನೆನಪಿರಲಿ  ಇಂತಹ ರಿಯಾಲಿಟಿ ಶೋಗಳಲ್ಲಿ  ಬರುವವರು ಒಳ್ಳೆ ಸೀರಿಯಲ್, ಒಳ್ಳೆಯ ಕಥೆಯ, ಒಳ್ಳೆಯ ಪಾತ್ರಧಾರಿಯಾಗಿರುತ್ತಾರೆ. ಅವರ ಬಗ್ಗೆ ವೀಕ್ಷಕರಿಗೆ ಅತ್ಯುತ್ತಮವಾದ ಭಾವನೆ ಇರುತ್ತದೆ.. ಬಾಲಿಕಾ ವಧು ಪಾತ್ರಧಾರಿ ಪ್ರತ್ಯುಷಾ ಬ್ಯಾನರ್ಜಿ ಮತ್ತು ಸುರೇಖಾ ಸಿಕ್ರಿ (ಅಜ್ಜಿ ಪಾತ್ರಧಾರಿ) ಅವರ ಫೋಟೊ ಸೆಷನ್ ಮಾಡಬೇಕು ಅನ್ನುವ ಆಸೆ ನನ್ನ ಮಿತ್ತರೊಬ್ಬರದಾಗಿತ್ತು. ಮೂಲ  ಮನೆ ಕಟ್ಟುವ ಇಂಜಿನಿಯರ್ ಆಗಿರುವ ಪ್ರಕಾಶ್ ಹೆಗ್ಡೆ ಅತ್ಯತ್ತಮ ಬರಹಗಾರರು, ಅದ್ಭುತ ಛಾಯಾಚಿತ್ರಗಾರ.. ಪ್ರತ್ಯುಷಾ ಆಕಸ್ಮಿಕ ಮರಣವಾದಾಗ ತುಂಬಾ ಒಳ್ಳೆಯ ಮಾತುಗಳನ್ನು ಬರಹರೂಪದಲ್ಲಿ ಹೇಳಿದ್ದರು.ಜೊತೆಗೆ ತಮಗೆ ಆಕೆ ಫೋಟೋ ಸೆಷನ್ ಮಾಡುವ ಆಸೆ ಇತ್ತು ಎಂದು ಸಹ ಹೇಳಿಕೊಂಡಿದ್ದರು..

ಗೇಮ್ ಪ್ಲೇಯರ್

Image result for pink and blue flowers
ಸಿನಮಾ ಕ್ಷೇತ್ರ .. ಮಾಧ್ಯಮ ಪ್ರಪಂಚದಲ್ಲಿ ಬದುಕು ನಡೆಸಬೇಕು ಅಂತ ಆಸೆ ಹೊತ್ತು ಬಂದವರು, ಅದರಲ್ಲಿ ಗೆದ್ದವರು, ಅದರಲ್ಲಿ ಸೋತವರು..! ಯಾಕೆ ಈ ಮಾತು ಹೇಳ್ತಾ ಇದ್ದೀನಿ ಅಂದ್ರೆ ಸಾಮಾನ್ಯವಾಗಿ ಕೆಲವರಿದ್ದಾರೆ ಗೆದ್ದ ನಟ-ನಟಿ ಸಹಾಯ ಮಾಡಲಿಲ್ಲ, ಸಮಾಜಕ್ಕೇನು ಅವರ ಕೊಡುಗೆ  ಅನ್ನುವುದನ್ನು ದೊಡ್ಡದಾಗಿ ಹೇಳಿ ಅವರ ಬಗ್ಗೆ ಇಲ್ಲಸಲ್ಲದೆ ಪ್ರಚಾರಕ್ಕೆ ತೊಡಗುತ್ತಾರೆ. ಆದರೆ ಆ ಗೆಲುವಿಗಾಗಿ ಕಲಾವಿದರು ,ತಂತ್ರಜ್ಞರು ನಡೆಸಿದ ಹೋರಾಟ ಅವರ ಆಪ್ತರಿಗೆ ಮಾತ್ರ ಗೊತ್ತು.
 ಶಿವಶಂಕರ್ ಅಂತ ಸಿನಿಮಾ ಎಡಿಟರ್. ನನ್ನ ತಮ್ಮನಂತಹ  ಗೆಳೆಯ.. ತುಂಬಾ ದಿನದ ನಂತರ ಫೋನ್ ಮಾಡಿದ ನಾನು ಈ ಕ್ಷೇತ್ರ ಬಿಡ್ತೀನಿ ಕಣಕ್ಕಾ ಅಂದ.. ರಥಾವರದಂತಹ ಸಿನಿಮಾಗಳನ್ನು ಎಡಿಟ್ ಮಾಡಿರುವ ಪ್ರತಿಭಾವಂತ.. ಅವನ ವಿಷಯಗಳನ್ನು, ಸಿನಿಲೋಕದ ದೀಪದ ಕೆಳಗಿನ ಕತ್ತಲ ಬಗೆಗಿನ ವಿಷಯಗಳನ್ನು ಕೇಳುವಾಗ ಈ ಕ್ಷೇತ್ರದಲ್ಲಿ ಗೆದ್ದ ಕಲಾವಿದರ ಕಷ್ಟಗಳು ನೆನಪಿಗೆ ಬಂತು..
ಸುದೀಪಾ ಸಹ ಭಿನ್ನ ಕಲಾವಿದ ಅದಕ್ಕೆ ನನಗೆ ಆತನೆಂದರೆ ಸ್ವಲ್ಪ ಜಾಸ್ತಿ ಇಷ್ಟ.. ಹೊಸದಕ್ಕೆ ಸದಾ ಮೈಯೊಡ್ಡಿ ನಿಲ್ಲವ ಸುದೀಪಾ ಕಳೆದ ವರ್ಷ ಬಳೆಗಳ ವಿಷಯದಲ್ಲಿ ವಿವಾದದಲ್ಲಿ ಸಿಲುಕಿದ್ದರು. ತಮಾಷೆ ಅನ್ನಬೇಕೋ ವಿಷಾದ ಅನ್ನಬೇಕೋ ಗೊತ್ತಿಲ್ಲಾ ಬಳೆ ಒಡೆದು ಕೊಳ್ಳುವುದು, ಬಳೆ ಹಾಕಿಕೊಳ್ಳುವಂತಹ ಡೈಲಾಗ್ ಗಳು ಪ್ರಸಿದ್ಧ ಸೀರಿಯಲ್, ಸಿನಿಮಾಗಳಲ್ಲಿ ಮಾತ್ರವಲ್ಲ ಪ್ರಸಿದ್ಧ ವ್ಯಕ್ತಿಗಳ ಬರಹ- ಬಾಯಲ್ಲಿ ನಲಿಯುತ್ತಿರುತ್ತದೆ. ಆದರೆ ಅಂತಹದೊಂದು ಮಾತಾಡಿ ಮಾತ್ರ  ಸಿಕ್ಕಿಬಿದ್ದಿದ್ದು ದೀಪ್..  ಬಿಗ್ ಬಾಸ್ ಕನ್ನಡದ ಕೊನೆ ಕೊನೆ ಹಂತ .ದಿನನಿತ್ಯ ಪ್ರಸಾರವಾಗುವ ರಿಯಾಲಿಟಿ ಶೋ ಆಗಿರುವುದರಿಂದ ಸೀರಿಯಲ್ ಥರಾನೆ ಇಷ್ಟ ನನಗೆ. ಇದನ್ನು ಹೇಳಿಕೊಳ್ಳಲು  ನನಗೇನೂ ಬೇಸರವಿಲ್ಲ. ಯಾಕೇಂದ್ರೆ ಬಿಗ್ ಬಾಸ್ ವೀಕ್ಷಣೆ ಮಾಡೇ ಮಾಡುವ ಬಹಳಷ್ಟು ಜನರು ಅದರ ಪ್ರತಿಯೊಂದು ಅಂಶದ ಬಗ್ಗೆ ಟೀಕಾ ಪ್ರಹಾರ ಮಾಡ್ತಾ ಇರ್ತಾರೆ. ಅಂದ್ರೆ ಆ ರಿಯಾಲಿಟಿ ಶೋ ರುಚಿ ಹೇಗಿರಬೇಡ ಅವರಿಗೆ..ನಾನು ರೇಡಿಯೋ (ವಿವಿಧ ಭಾರತಿ) ಆಂಕರಿಂಗ್ ಗೆ ಪ್ರಯತ್ನ ಪಟ್ಟಿದ್ದೆ ಅಂತ ಮೊದಲೊಂದು ಪೋಸ್ಟ್ ನಲ್ಲಿ ತಿಳಿಸಿದ್ದೆನಲ್ಲ ಅದರಲ್ಲಿ  ಸೀನಿಯರಮ್ಮನಿಗೆ  ಸುದೀಪಾ ಅಂದ್ರೆ ಇಷ್ಟವಿಲ್ಲ :-) ಅದ್ಯಾಕೋ ನಾಕಾಣೆ.. ನಾನು ಬಿಡಿ ನನ್ನ ಜೊತೆ ಇದ್ದ ಬೇರೆಯ ಬಹಳಷ್ಟು ಮಂದಿಗೆ ನಮ್ ದೋಸ್ತಾ ಸಿನಿಮಾಗಳ ಹಾಡೇ ಇಷ್ಟ.. ಆದ್ರೆ ತಾವು ತಯಾರಿಸಿದ ಲಿಸ್ಟ್ ನಲ್ಲಿ ಇರುತ್ತಿದ್ದ ನಮ್ ಇಷ್ಟ ಹಾಡುಗಳು ಮಾತ್ರ ಮಾಯಮಂಗ ಮಾಯ!ನಾವು ಎಷ್ಟು ಕಷ್ಟ ಪಟ್ಟಿದ್ದೀವಿ ನಿಮಗಾಗಿ ಗೊತ್ತಾಯ್ತಾ ಸುದೀಪಾ..
Image result for pink and blue flowers
ಈ ರಿಯಾಲಿಟಿ ಶೋ ದ ಬಳಿಕ  ನಾನು ನನ್ನಂತಹ ವೀಕ್ಷಕರು ಮಿಸ್ ಮಾಡಿಕೊಳ್ಳುವುದು ಹಿನ್ನೆಲೆ ಧ್ವನಿಯ ಪ್ರದೀಪ್ ಬಡೆಕ್ಕಿಲಾ ವಾಯ್ಸ್..ಮೊದಲೆಲ್ಲಾ ಆಗಾಗ ಫೊನ್ ಮೂಲಕ ಭೇಟಿ ಆಗ್ತಾ ಇದ್ದೆವು ಈಗ ಯಾವಾಗಲಾದರೊಮ್ಮೆ ವಾಟ್ಸ್  ಅಪ್ :-)
 ಬಿಗ್ ಬಾಸ್ ಮನೆಯಲ್ಲಿ ಪ್ರಾಮಾಣಿಕರು ಅಪ್ರಾಮಾಣಿಕರು ಅನ್ನುವ ವಿಷಯದ ಶ್ರೇಣಿ ಬಂದ್ರೆ ಮೊದಲಿನಿಂದ  ಅತ್ಯತ್ತಮ ಗೇಮ್ ಪ್ಲೇಯರ್ ಆಗಿ ಇರೋದು ವಾಸುಕಿ ವೈಭವ್, ನಂತರ ಶೈನ್ . ಹರೀಶ್ ರಾಜ್ ದು ದ್ವಂದ್ವ.. ಭೂಮಿ ಶೆಟ್ಟಿದು ಒಂದು ರೀತಿ ಏನೂ ಮಾಡದ ಸ್ಪರ್ಧಿ.. ಆದರೆ ಪ್ರಿಯಾಂಕದ್ದು ಉಡಾಫೆ..ದೀಪಿಕಾ ಅವರಿಗೆ ಇಷ್ಟ ಆದವರಿದ್ದರೆ.. ಓಕೆ. ಇಲ್ಲದವರಿವೆ ನಾಟ್ ಓಕೆ!ಅವರು ಪಾಪ ಚಂದನ್ ಆಚಾರಿ ಅವರಿಗೆ ಅವಕಾಶ ಕೊಡಲಿಲ್ಲ ಕ್ಯಾಪ್ಟನ್ ಆಗೋಕೆ .. ಹೋಗ್ಲಿ ಬೇರೆ ರೀತಿಯಾದ್ರೂ ಆ ಮನುಷ್ಯ ಜನರ ಮನ ಗೆದ್ರಾ ಉಹುಂ .. ಅವರ ವರ್ತನೆ ಹೇಗಿತ್ತು ಅಂದ್ರೆ ಅನಸ್ತೇಷಿಯಾ ಕೊಟ್ಟು ಲೇಯ್ ಮಗಾ ಇದನ್ನು ಯಾರಾದ್ರೂ ಮೂಗಿಗೆ ಹಿಡಿದು ಜ್ಞಾನ ತಪ್ಪಿಸಿ ಬಾ ಅಂದ್ರೆ ಆತ ಗಾಬರಿಯಲ್ಲಿ ತನ್ನ ಮೂಗಿಗೆ ಒತ್ತಿ ಜ್ಞಾನ ಹೋದ ಪೆದ್ದನಂತೆ ಇತ್ತು.. ಯಾಕೇ ಈಮಾತು ಹೇಳ್ತಾ ಇದ್ದೀನಿ ಅಂದ್ರೆ ಬಿಗ್ ಬಾಸ್ ಅವರಿಗೆ ಅವಕಾಶ ನೀಡಿದಷ್ಟು ಅವರು ಅದನ್ನು ಬಳಸಿಕೊಂಡಿದ್ದು ತುಂಬಾ ಕಡಿಮೆ.ಕುರಿ ಪ್ರತಾಪ್ ಆರಂಭಿಕ ಬಹಳಷ್ಟು ವಾರಗಳಲ್ಲಿ ಅದೃಷ್ಟವಷಾತ್ ಗೆದ್ದ ಗ್ರೂಪ್ ನಲ್ಲಿ ಇರುತ್ತಿದ್ದರು.ಜೊತೆ ಅವರನ್ನು ಹೆಚ್ಚು ಪ್ಲೀಸಿಂಗ್ ಮಾಡುವ ಗುಂಪು ಇದ್ದು ಅದನ್ನೇ ತಮ್ಮ ಪ್ಲಸ್ ಪಾಯಿಂಟ್ ಅಂತ ಅಂದುಕೊಂಡು ಅವರು  ತಾವು ಬದಲಾಗಿಲ್ಲ ಅಂತ ತಿಳಿದಿದ್ದಾರೆ. ಏನೇ ಹೇಳಿ ಸುದೀಪಾ ನನಗನ್ನಿಸಿದ್ದು  ಈ ಮ್ಯಾಚ್ ನ ಪಕ್ಕಾ ಆಟಗಾರರು ಶೈನ್-ವಾಸುಕಿ.

ಕ್ಲಾಸಿಕಲ್ - ರಾಪ್

Image result for blue flowers
ಚಂದನ ವಾಹಿನಿಯಲ್ಲಿ ನಿನ್ನೆ ಒಂದು ಸಂಗೀತ ಕಾರ್ಯಕ್ರಮ ವೀಕ್ಷಿಸಿದೆ. ಭಾರತೀಯ ಸಾಮಗಾನ ಸಭಾ ಅವರ ಮೈಸೂರು ಆಸ್ಥಾನ ಸಂಗೀತೋತ್ಸವ ಕಾರ್ಯಕ್ರಮ ಪ್ರಸಾರವಾಗುತ್ತಿತ್ತು. ಶಾಸ್ತ್ರೀಯ ಸಂಗೀತ ಮನಕ್ಕೆ   ಅದರಲ್ಲೂ ವಾದ್ಯ ಸಂಗೀತ ಹೆಚ್ಚು ಇಷ್ಟ. ಮತ್ತೊಂದು ಸಂಗತಿ ಅಂದ್ರೆ ನನಗೆ  ಅಂದ್ರೆ ಒಂದು ಕೀರ್ತನೆಯನ್ನು ವೀಣೆ, ವಯೊಲಿನ್, ಕೊಳಲು,ಸ್ಯಾಕ್ಸೋ ಫೋನ್ ಹೀಗೆ   ವಾದ್ಯಗಳಲ್ಲಿ ಆಲಿಸುವ ಹವ್ಯಾಸ. ಸಕತ್ ಖುಷಿ ಕೊಡುತ್ತದೆ. ನಿನ್ನೆ ವೀಣಾವಾದನ ಪ್ರಸಾರವಾಗುತ್ತಿತ್ತು. ಪ್ರತಿದಿನ ಪ್ರಾಯಶಃ  ಸಂಜೆ ವೇಳೆ  ಈ ಕಾರ್ಯಕ್ರಮ ಇರುತ್ತದೆ ಅನ್ನಿಸುತ್ತದೆ (ಸಮಯದತ್ತ ಗಮನ ಹರಿಸಲು ಆಗಲಿಲ್ಲ ) ಸಂಗೀತಾಸಕ್ತರು ಇದನ್ನು ವೀಕ್ಷಿಸ ಬಹುದು.
Image result for blue flowers
@ ಈ  ವಾಹಿನಿಯಲ್ಲಿ ಪ್ರಸಾರವಾಗುವ ಶುಭೋದಯ ಕಾರ್ಯಕ್ರಮವನ್ನು ಇತ್ತೀಚೆಗೆ ವೀಕ್ಷಣೆ ಮಾಡಿದಾಗ ವಾಸು ದೀಕ್ಷಿತ್ ಅವರ ಸಂದರ್ಶನ ಕಾರ್ಯಕ್ರಮ ಪ್ರಸಾರವಾಗುತ್ತಿತ್ತು. ಭಿನ್ನಶೈಲಿಯಿಂದ ಕ್ಲಾಸಿಕಲ್ ಮತ್ತು ರಾಪ್ ಎರಡನ್ನು ಮೇಳೈಸಿ ಕೀರ್ತನೆಗಳು , ವಚನಗಳ  ಮೂಲಕ ಸಂಗೀತ ಕ್ಷೇತ್ರದಲ್ಲಿ ಸಾಧನೆ ಮಾಡಿದ್ದಾರೆ ವಾಸು. ಅವರ ಶೈಲಿ ಖುಷಿ ಕೊಡ್ತು. ಎಲ್ಲಾ ವಾಹಿನಿಗಳಿಗಿಂತ ಚಂದನ ಸದಾ ಭಿನ್ನ ಎನ್ನುವಂತೆ ಮಾಡುತ್ತದೆ ಇಂತಹ ವಿಶಿಷ್ಟವಾದ ಕಾರ್ಯಕ್ರಮಗಳಿಂದ ಮತ್ತು ಈ ರೀತಿಯ ವಿಶೇಷವಾದ ಕಲಾವಿದರಿಂದ.. 

ಇಂಡಿಯನ್-ಶಿಷ್ಯ


Image result for red and orange flowers
ಅತಿ ಹೆಚ್ಚು ವೀಕ್ಷಕರನ್ನು ಆಕರ್ಷಿಸುವುದು ಸುಲಭವಲ್ಲ. ಆದರೆ ಸಂಗೀತ ಮಾತ್ರ ಸದಾ ಸರ್ವದಾ ಜನರನ್ನು ತನ್ನತ್ತ ಸೆಳೆಯುತ್ತಲೆ ಇರುತ್ತದೆ. ಸೋನಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಇಂಡಿಯನ್ ಐಡಲ್ ಅದಕ್ಕೆ ಒಂದು ಉತ್ತಮ ಉದಾಹರಣೆ ಎಂದು ಹೇಳ ಬಹುದು ಪ್ರಸ್ತುತ 11 ಸೀಸನ್ ನಡೆಯುತ್ತಿರುವ  ಹಾಡಿನ ರಿಯಾಲಿಟಿ ಶೋ ನಲ್ಲಿ  ಹಿಮೇಶ್ ರೇಷ್ಮಿಯಾ, ನೇಹಾ ಕಕ್ಕರ್ ಮತ್ತು ವಿಶಾಲ್ ದದ್ಲಾನಿ ಸಾರಥ್ಯ ನಡೆಸುತ್ತಿದ್ದಾರೆ. ಆದಿತ್ಯ ನಾರಾಯಣ್  ನಿರೂಪಕ.ಕಳೆದ ವರ್ಷ ಅಕ್ಟೋಬರ್ ತಿಂಗಳಲ್ಲಿ ಈ ಶೋ ಆರಂಭಗೊಂಡಿತು. ನಾನು ಕೆಲವೊಂದು ವೀಕ್ಷಿಸಿದ್ದೇನೆ, ನನಗೆ ಹೆಚ್ಚು ಆಸಕ್ತಿ ನೀಡಿದ್ದು ಸ್ಪರ್ಧಾಳುಗಳು ಅವರಿಗಿಂತಲೂ ಈ ಕಾರ್ಯಕ್ರಮದ ಥೀಮ್. ಪ್ರಸಿದ್ಧ ಸಂಗೀತ ನಿರ್ದೇಸಕರ ಜೋಡಿ, ಸಿನಿಮಗಳಲ್ಲಿ ನಟಿಸಿದ್ದ ಆ ಕಾಲದ ಪ್ರಸಿದ್ದ ಕಲಾವಿದರು,ಹಾಡುಗಾರರು.. ಅಂದ್ರೆ ಪ್ರತಿವಾರ ಯಾರು ಬರುತ್ತಾರೆ ಎಂದು ಕಾಯುವಂತಹ ಆಸಕ್ತಿ ಮೂಡಿಸುವಂತೆ ಸಿದ್ಧವಾಗಿದದೆ ಕಾರ್ಯಕ್ರಮ. ಆ ಸಾಧಕರು ತಮ್ಮ ಸಿನಿಮಾಗಳಲ್ಲಿ ಹಾಡಿಸಿದ್ದ , ನಟಿಸಿದ್ದ, ನಿರ್ದೇಶಿಸಿದ್ದ ಹಾಡುಗಳನ್ನು ಹೊಸಬರು ಅದರಲ್ಲೂ ಕಿರಿಯ ಪ್ರತಿಭೆಗಳಿಂದ ಆಲಿಸುವಾಗ ಅವರ ಮೊಗದಲ್ಲಿದ್ದ  ಖುಷಿ ಸಹ ಮರೆಯಲಾಗದ್ದು.
Image result for red and orange flowers
 ಕಪಿಲ್ ಶರ್ಮ ಶೋ ಸೋನಿಯಲ್ಲಿ ಪ್ರಸಾರವಾಗುವ ಮತ್ತೊಂದು ಆಕರ್ಷಣೆ ( ಕನ್ನಡದಲ್ಲಿ ಸೃಜನ್ ಲೋಕೇಶ್ ಮಜಾ ಟಾಕೀಸ್ ನಂತೆ ). ಕಪಿಲ್ ಶೋ  ನಕ್ಕು ನಕ್ಕು ಸಾಕಾಗುವಂತೆ ಮಾಡಿದ , ಮಾಡುತ್ತಿರುವ ಹಾಸ್ಯಭರಿತ ರಿಯಾಲಿಟಿ ಶೋ. ಕಪಿಲ್, ಕಿಕು, ಸುಮೋನಾ,ಚಂದನ್ ಪ್ರಭಾಕರ್, ಕೃಷ್ಣ ಅಭಿಷೇಕ್, ಭಾರತಿ.. ಹಾಸ್ಯಗಾರರ ಒಟ್ಟು ಗುಂಪು.. ! ನನ್ನನ್ನ್ನು ಹೆಚ್ಚು ಆಕರ್ಷಿಸುವುದು ಕೃಷ್ಣ ಅಭಿಷೇಕ್ -ಭಾರತಿ ನಟನೆ..ತಕ್ಷಣ ಮಾತಿಗೆ ಹಾಸ್ಯದ ಲೇಪನ ಹಚ್ಚುವ ಈ ಪ್ರತಿಭೆಗಳ ಪ್ರಭೆಯನ್ನು  ಕಪಿಲ್ ಶೋ ನಲ್ಲಿ ಒಟ್ಟಿಗೆ ವೀಕ್ಷಿಸುವ  ಆನಂದ ವೀಕ್ಷಕರಿಗೆ..ಆದರೆ  ಗುತ್ತಿಯನ್ನು ಸಹ  ಮಿಸ್ ಮಾಡಿಕೊಳ್ತಾ ಇರ್ತಿನಿ ಶೋ ವೀಕ್ಷಿಸುವಾಗ.. ಒಂದು ಕಾಲದಲ್ಲಿ ಪ್ರಸಾರವಾಗುತ್ತಿದ್ದ ಹಾಸ್ಯದ ರಿಯಾಲಿಟಿ ಶೋಗಳಲ್ಲಿ ಕಪಿಲ್ ಸಹ  ಒಬ್ಬ ಸ್ಪರ್ಧಿಯಾಗಿದ್ದರು. ಅವುಗಳಿಗೆ ಅರ್ಚನಾ ಪೂರಣ್ ಸಿಂಗ್ ಜಡ್ಜ್ ಆಗಿರುತ್ತಿದ್ದರು. ಈಗ  ಅವರು ಆಯ್ಕೆ ಮಾಡಿ ಭಾರತೀಯ ವೀಕ್ಷಕರ ಮುಂದೆ ತಂದ ಕಪಿಲ್ ಅವರ ಶೋ ನಲ್ಲಿ ತೀರ್ಪುಗಾರರಾಗಿದ್ದಾರೆ. ಶಿಷ್ಯರ ಸಾಧನೆ ಹೀಗಿರಬೇಕಲ್ಲವೇ!

ಸೂಪರ್-ತಾಯಾಣೆ

Image result for green flowers
ಕಲರ್ ಸೂಪರ್ ಚಾನೆಲ್ ನಲ್ಲಿ ಪ್ರಸಾರವಾಗುವ ಸೂಪರ್ ದಂಪತಿ ರಿಯಾಲಿಟಿ  ಷೋ ವಾರ ಪೂರ್ತಿ ವೀಕ್ಷಕರನ್ನು ಉಲ್ಲಾಸವಾಗಿಡುತ್ತದೆ. ಮುರಳಿ ಅವರ ನಿರೂಪಣೆಯಲ್ಲಿ ಪ್ರಸಾರವಾಗುವ ಈ ಕಾರ್ಯಕ್ರಮದಲ್ಲಿ ಮುಖ್ಯ ಆಕರ್ಷಣೆ ಆಟಗಳು ಮತ್ತು ಮುರಳಿಯವರ ಮಾತಿನ ಶೈಲಿ. ಬಿಗ್ ಬಾಸ್ ಮನೆಗೆ ಹೋಗಿ ಬಂದ ಬಳಿಕ ಹಾಗೆ ಅನ್ನುವುದಕ್ಕಿಂತ ಬಿಗ್ ಬಾಸ್ ಮನೆಯಲ್ಲಿ ಸಣ್ಣಗಾಗಿ ಬಂದ ಮುರಳಿ ತಮ್ಮ ಫಿಟ್ನೆಸ್  ಕಾಯ್ದಿಟ್ಟುಕೊಂಡಿದ್ದಾರೆ. ಜೀ ಕನ್ನಡ ವಾಹಿನಿಯಲ್ಲಿ  ಅಡುಗೆ ಕಾರ್ಯಕ್ರಮದಲ್ಲಿ ಜನರ ಮನ ಗೆದ್ದಿದ್ದ ಮುರಳಿ  ಕ.ಸೂಪರ್  ವಾಹಿನಿಯ ಕಾರ್ಯಕ್ರಮದಲ್ಲಿ ಇನ್ನು ಹೆಚ್ಚು ಇಷ್ಟವಾಗುತ್ತಾರೆ.(ಸ್ವಲ್ಪ ಜಾಸ್ತಿ ಅ ಮತ್ತು ಹಕಾರ  ಇದ್ರೂ ಸಹ!)ಮುಖ್ಯವಾಗಿ ಮುರಳಿ ಮಾತಿನ  ಶೈಲಿ, ಲವಲವಿಕೆ ಆಕರ್ಷಿಸುತ್ತದೆ.ಒಂದರಥದಲ್ಲಿ ಹಳೆಯ -ಹೊಸ ಆಟ..

Image result for green flowers

ಭೂಮಿ ತಾಯಾಣೆ  ಸರಳ ಕಥೆಯನ್ನು ಹೊಂದಿರುವ ಮತ್ತು ಇದೇ ವಾಹಿನಿಯಲ್ಲಿ ಪ್ರಸಾರವಾಗುವಂತಹ ಧಾರವಾಹಿ . ತುಂಬಾ ಕ್ಯೂಟ್  ಹೀರೊ-ಹೀರೋಯಿನ್ (ಭೂಮಿ -ಆಕಾಶ ) .ಶ್ರೀಮಂತರ  ಹುಡುಗ ಹಳ್ಳಿಗೆ ಬಂದು ಭತ್ತ ಬೆಳೆಯುವ  ಸಾಹಸಿ, ಅಲ್ಲಿನ ರಾಜಕೀಯ, ಹಳ್ಳಿ ಪ್ರಕೃತಿ ಸೌಂದರ್ಯ. ಆಕಾಶ್ ಮತ್ತು ಭೂಮಿ ಪಾತ್ರಧಾರಿಗಳು ಜಾಸ್ತಿ ಇಷ್ಟ ಆಗ್ತಾರೆ ಅವರ ಮುಗ್ಧ ನಟನೆಯಿಂದ.ಸಂಪೂರ್ಣವಾಗಿ ಹಳ್ಳಿಯ ಸೊಗಡು ಅದರಲ್ಲೂ ಮೈಸೂರು ಮಂಡ್ಯ ಸೊಗಡು .. ಇಷ್ಟ ಆಗುತ್ತದೆ.ಅಂಬರೀಷ್ ನಾರಂಗ್ ಮುಖ್ಯ ಪಾತ್ರಧಾರಿಗಳಲ್ಲಿ ಒಬ್ಬರು. ಟಿ ಎನ್ ಧಾರವಾಹಿ ಮೂಲಕ ವೀಕ್ಷಕರ ಮನದ  ಬಾಗಿಲು ತಟ್ಟಿದ್ದ  ಕಲಾವಿದ ಈ ಧಾರಾವಾಹಿಯಲ್ಲಿ ಭೂಮಿ ಅಪ್ಪನ ಪಾತ್ರಧಾರಿ. ತಾಯಿ ಪಾತ್ರ ಮಾಡಿರುವವರು ಮಾತ್ರವಲ್ಲ ಎಲ್ಲ ಪಾತ್ರಗಳು ಕೊಟ್ಟಿರುವುದನ್ನು ಅಚ್ಚುಕಟ್ಟಾಗಿ ಮಾಡಿದ್ದಾರೆ.