ಭಿನ್ನ ವಿಭಿನ್ನ




How to Plant, Grow, and Care for Marigolds | Gardener's Path
 ನಾನು ಫೇಸ್ ಬುಕ್ ನಲ್ಲಿ ಕೆಲವು ಹೀರೋಗಳ ಪೇಜ್ ಗಳನ್ನೂ ಫಾಲೋ ಮಾಡ್ತೀನಿ. ಅದರಲ್ಲಿ ಜಗ್ಗೇಶ್, ಡಾ. ಶಿವರಾಜ್ ಕುಮಾರ್, ರಾಘವೇಂದ್ರ ರಾಜ್ ಕುಮಾರ್, ಕಿಚ್ಚ, ಅನಿರುದ್ಧ್  ,ಶಂಕರ್ ಅಶ್ವಥ್ ಹೀಗೆ ಒಂದಷ್ಟು .. ಲಾಕ್ ಡೌನ್ ಸಮಯದಲ್ಲಿ ಹೆಚ್ಚು ಜೀವಂತಿಕೆಯಾಗಿತ್ತ ಹೀರೋಗಳು ಇವರೆಲ್ಲ.. ಮುಖ್ಯವಾಗಿ ನಾನು ಜಗ್ಗಣ್ಣ, ಅನಿರುದ್ಧ್  ಮತ್ತು ಶಂಕರ್ ಅಶ್ವಥ್ ಅವರ ಬಗ್ಗೆ ಹೇಳಲೇ ಬೇಕು.. ರಿಯಾಲಿಟಿ ಷೋ ಬಿಡಿ ಆದ್ರೆ ಪೇಜ್ ನ್ನು ಸಹ ಅಷ್ಟೇ ಚಂದವಾಗಿಡುತ್ತಾರೆ ಜಗ್ಗಣ್ಣ. ರಾಯರ ಪರಮ ಭಕ್ತರಾದ ಜಗ್ಗೇಶ್ ರಾಯರು, ಸ್ವಲ್ಪ ಕೌನ್ಸಿಲಿಂಗ್, ಮನೆಯ ಬಗ್ಗೆ ಸ್ವಲ್ಪ  ಹೀಗೆ ಹಲವಾರು ವಿಷಯಗಳು, ಅನಿರುದ್ಧ್ ವಿಷಯ ಮತ್ತೊಂದಷ್ಟು ಭಿನ್ನ  ಅತ್ಯುತ್ತಮವಾದ ವಿಷಯಗಳನ್ನು ಸರಳ ರೀತಿಯಲ್ಲಿ ತಿಳಿ ಹೇಳುತ್ತಾರೆ ಅನಿರುದ್ಧ್ ..  ತಮ್ಮ ಪ್ರಸ್ತುತ ಜೀವನಶೈಲಿ ಬಗ್ಗೆ ಬರೆದು ಕೊಳ್ತಾರೆ ಚೆನ್ನಾಗಿರುತ್ತದೆ.

Bright Red Lilies #flower #orange | Red lily flower, Pretty ...

ಧಾರಾವಾಹಿ ಪ್ರಪಂಚದಲ್ಲಿ ಹೊಸದೊಂದು  ಪ್ರಪಂಚ ತೋರಿಸಿದ ಅಗ್ಗಳಿಕೆ ಜೊತೆಜೊತೆಯಲಿ ಧಾರಾವಾಹಿಗೆ ಸಿಗುತ್ತದೆ. ಜೀ ಕನ್ನಡ ವಾಹಿನಿ ಅನೇಕ ಅತ್ಯುತ್ತಮ ರಿಯಾಲಿಟಿ ಷೋಗಗಳು  ಮತ್ತು ಧಾರಾವಾಹಿಗಳನ್ನು ನೀಡಿದೆ. ಆದರೆ ಅನಿರುದ್ಧ್ ಅಭಿನಯದ ಈ ಧಾರಾವಾಹಿ ತುಂಬಾ ಭಿನ್ನವಾಗಿದೆ. ಡಾ. ವಿಷುವರ್ಧನ್ ಅವರನ್ನು ನೋಡಿದಂತಾಗುತ್ತದೆ ಅನಿರುದ್ಧ್ ಅವರ ನಟನೆ ಕಂಡಾಗ, ಆರ್ಯ ವರ್ಧನ್, ಮೀರಾ, ಅನು , ಆಕೆಯ ಅಪ್ಪ ಅಮ್ಮನ ಪಾತ್ರಧಾರಿಗಳು, ಮಾಮ್ ಇನ್  ಲಾ ಎಂದು ವೀಕ್ಷಕರನ್ನು ಆಕರ್ಷಿಸುವ ಮಾನ್ಸಿ, ಬೆಂಡೆ -ಝೇಂಡೆ , ಹರ್ಷ ವರ್ಧನ್, ಅನು  ಸ್ನೇಹಿತೆ-ಸ್ನೇಹಿತ ಮತ್ತು ಸ್ನೇಹಿತೆಯ ಅಮ್ಮ , ಮಾವ,ಮುಖ್ಯವಾಗಿ ಹಿರಿಯ ಚಾರ್ಮಿ೦ಗ್ ಕಲಾವಿದೆಯರಾದ ಸುಂದರಶ್ರೀ ಮತ್ತು ವಿಜಯ ಲಕ್ಷ್ಮಿ ಸಿಂಗ್ .. ಇಲ್ಲಿ ಯಾರು ಹೆಚ್ಚು ಯಾರು ಕಡಿಮೆ ಅನ್ನುವ ಹಾಗಿಲ್ಲ.. ಮತ್ತೊಂದು ಮುಖ್ಯ ಸಂಗತಿ ಈ ಧಾರಾವಾಹಿಯಲ್ಲಿ ಅತ್ಯಂತ ಶ್ರೀಮಂತರ  ಮನೆ , ಅವರ ಕೆಲಸದಾಳುಗಳು, ಅವರ  ಬ್ಯುಸಿನೆಸ್ ಜಾಗ ಎಲ್ಲವು ಪಕ್ಕಾ ಪರಫೆಕ್ಟ್  .. ಈ ಎಲ್ಲಾ  ಅಂಶಗಳಿಗೆ ಕ್ರೆಡಿಟ್ ಹೋಗ ಬೇಕಾಗಿರುವುದು ನಿರ್ದೇಶಕರು ಮತ್ತು ತಾಂತ್ರಿಕ ವರ್ಗಕ್ಕೆ ಅಲ್ವೇ! 
 

ನಿರಾಳತೆ

 Best Plants with Red Flowers - BBC Gardeners' World Magazine

ಕೋರೋನಾ  ಆರಂಭ ಕಾಲದಲ್ಲಿ, ದೇಶವು  ಸಂಪೂರ್ಣ  ಲಾಕ್ ಡೌನ್  ಆದ ಸಂದರ್ಭದಲ್ಲಿ ಹೆಚ್ಚಾಗಿ ನ್ಯೂಸ್ ಚಾನೆಲ್ ಗಳನ್ನೂ ನೋಡ್ತಾ ಇದ್ದೆ. ಪಬ್ಲಿಕ್  ಟೀವಿ ರಂಗಣ್ಣ, ಅವರ ಶಿಷ್ಯ ಬಳಗದ ಕಾರ್ಯಕ್ರಮಗಳು, ಸುವರ್ಣ  ನ್ಯೂಸ್ ರಮಾಕಾಂತ್,ಅಜಿತ್, ಜಯ ಪ್ರಕಾಶ್ ಶೆಟ್ರ  ಕಾರ್ಯಕ್ರಮಗಳು, ನ್ಯೂಸ್ 18, ಟಿವಿ 9 ರಂಗನಾಥ್ ಟೀಮ್ ಎಲ್ಲರ ಕಾರ್ಯಕ್ರಮಗಳು ನೋಡುವ ಕೆಲಸ ಜೊತೆಗೆ ಸೋಷಿಯಲ್  ಮೀಡಿಯಾದಲ್ಲಿ ಸ್ನೇಹಿತರ ಟಿವಿ ಕಾರ್ಯಕ್ರಮಗಳ ಬಗ್ಗೆ ಇದ್ದ ಅಭಿಪ್ರಾಯ, ಭಯ, ಸಂತೋಷ, ಸಂಭ್ರಮ, ಆತಂಕ, ನಿರಾಳತೆ ಹೀಗೆ ಹತ್ತು ಹಲವಾರು. 
Orange and Red Flower Logo - LogoDix

ಅನ್ (ಲಾಕ್ ) ಡೌನ್ ಸಮಯದಲ್ಲಿ ಸೀರಿಯಲ್ ಗಳು ಆರಂಭವಾಗಿದೆ.. ಜೊತೆಗೆ ಡಬ್ಬಿಂಗ್ ಸೀರಿಯಲ್ ಗಳ  ಕಾಲ ..ಆದ್ರೂ  ಭಾಷೆ ಅರ್ಥ ಆಗುತ್ತೋ ಬಿಡುತ್ತೋ ಮೂಲ ನೋಡಿ ಅರ್ಥ ಮಾಡಿಕೊಂಡು ಎಂಜಾಯ್ ಮಾಡೋದೇ ನಿಜವಾದ ಮಜಾ. ಯಾಕೆಂದ್ರೆ ನಿನ್ನೆ 2019 ರಲ್ಲಿ ರಿಲೀಜ್ ಆದ ತಮಿಳು ಸಿನೆಮಾ KEE ನೋಡಿದೆ.ಹಿಂದೀ ಭಾಷೆಗೆ ಡಬ್ ಮಾಡಿದ್ದು.ತಮಿಳು ಸಿನಿಮಾವನ್ನು ತಮಿಳಿನಲ್ಲಿ ನೋಡ ಬೇಕು ಅನ್ನಿಸಿತು.. ಆಗ . 

@@ ಕಲರ್ ಸೂಪರ್ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಮಗಳು ಜಾನಕಿ ಸೀರಿಯಲ್ ಅತ್ಯಂತ ಚಂದದ ಕಥಾ ಹಂದರ ಹೊಂದಿತ್ತು. ಮಧ್ಯದಲ್ಲಿ ನಿಂತಿದ್ದು ಬೇಸರ ತಂದಿದ್ದು ಸತ್ಯ.. ಆದರೆ ಬದಲಾವಣೆ ಜಗದ ನಿಯಮ. ಸೀತಾರಾಮ್ ಸರ್ ಗರಡಿಯಿಂದ ಇನ್ನು ವಿಶೇಷವಾದ ಧಾರಾವಾಹಿಗಳು ಬರುತ್ತದೆ ಎನ್ನುವ ನಿರೀಕ್ಷೆ ನಮ್ಮಂತಹ ಸಿರಿಯಲ್  ಪ್ರಿಯರಿಗೆ!

ಸಿಕ್ಕಾಪಟ್ಟೆ ಗಲಾಟೆ

Image result for orange flowers

ಈ ಬಿಗ್ ಬಾಸ್ ಮುಗಿಯೋ ತನಕ  ಇದರ  ಬಗ್ಗೆನೇ ನನಗೆ ಗಮನ .. ಹಿಂದಿ ಬಿಗ್ ಬಾಸ್ ನೋಡುವಾಗ  ಹಿಂದಿನ ಸೀಸನ್ ಗಳು ಅದರಲ್ಲ್ಊ ಸನ್ನಿ ಲಿಯೋನ್ ಇರುವಂತಹ ಸೀಸನ್ ನೆನಪಿಗೆ ಬರುತ್ತದೆ.. ಆಕೆ ಪೋರ್ನ್ ಸ್ಟಾರ್ ಆದರೆ ನಡುವಳಿಕೆ, ಸ್ಪರ್ಧಿಯಾಗಿ ಆಕೆ ಭಾಗವಹಿಸುತ್ತಿದ್ದ ರೀತಿ ಎಲ್ಲವೂ ತುಂಬಾ ಗಂಭಿರವಾಗಿರುತ್ತಿತ್ತು.. ಜಗಳದ ವಿಷಯದಲ್ಲಿ ಪೂಜಾ ಎನ್ನುವ ಸ್ಪರ್ಧಿಯದ್ದು ಸಿಕ್ಕಾಪಟ್ಟೆ ಗಲಾಟೆ ಆದರೆ  ಪದೇಪದೇ ಆಕೆ ಸನ್ನಿ ಬಳಿ ನೀನು ಯಾವರೀತಿಯ ಚಿತ್ರಗಳಲ್ಲಿ  ನಟಿಸುತ್ತೀಯಾ ಎನ್ನುವುದನ್ನು ಎಲ್ಲರಿಗೂ ಹೇಳಿದ್ದಿಯಾ ಅಂತ ನೆನಪು ಮಾಡುತ್ತಿದ್ದಸಳು.. ತಮಾಷೆ ಅಂದ್ರೆ ತುಂಬಾ ಕೆಟ್ಟದಾಗಿ ಬಿಹೇವ್ ಮಾಡ್ತಾ ಇದ್ದುದು ಸನ್ನಿ ಆಗಿರಲಿಲ್ಲ... ಯಾಕೆ ಈ ಮಾತು  ಬರೀತಾ ಇದ್ದೀನಿ ಅಂದ್ರೆ ಸಾಮಾನ್ಯವಾಗಿ ಇತ್ತೀಚಿನ ಸೀಸನ್ಗಳು, ಅದರಲ್ಲಿರುವ ಸ್ಪರ್ಧಿಗಳು, ಅವರ ವರ್ತನೆ, ಮಾತು, ಶೈಲಿ, ಜೊತೆಗಾರರ ಜೊತೆ ನಡೆದುಕೊಳ್ಳುವ ರೀತಿ ಕೆಲವೊಂದಂತು ಕ್ಷಮಾರ್ಹವಲ್ಲ.. ಸಲ್ಮಾನ್ ಬಂದು ಅವರಿಗೆ ಹಾಗಲ್ಲ ಹೀಗೆ ಇರಿ ಅಂತ ಹೇಳಿದರೂ ಆ ಕ್ಷಣವಷ್ಟೇ ಅವರ ಹೂಗುಟ್ಟುವಿಕೆ..!
ಒಂದು ಸಂಗತಿ ನೆನಪಿರಲಿ  ಇಂತಹ ರಿಯಾಲಿಟಿ ಶೋಗಳಲ್ಲಿ  ಬರುವವರು ಒಳ್ಳೆ ಸೀರಿಯಲ್, ಒಳ್ಳೆಯ ಕಥೆಯ, ಒಳ್ಳೆಯ ಪಾತ್ರಧಾರಿಯಾಗಿರುತ್ತಾರೆ. ಅವರ ಬಗ್ಗೆ ವೀಕ್ಷಕರಿಗೆ ಅತ್ಯುತ್ತಮವಾದ ಭಾವನೆ ಇರುತ್ತದೆ.. ಬಾಲಿಕಾ ವಧು ಪಾತ್ರಧಾರಿ ಪ್ರತ್ಯುಷಾ ಬ್ಯಾನರ್ಜಿ ಮತ್ತು ಸುರೇಖಾ ಸಿಕ್ರಿ (ಅಜ್ಜಿ ಪಾತ್ರಧಾರಿ) ಅವರ ಫೋಟೊ ಸೆಷನ್ ಮಾಡಬೇಕು ಅನ್ನುವ ಆಸೆ ನನ್ನ ಮಿತ್ತರೊಬ್ಬರದಾಗಿತ್ತು. ಮೂಲ  ಮನೆ ಕಟ್ಟುವ ಇಂಜಿನಿಯರ್ ಆಗಿರುವ ಪ್ರಕಾಶ್ ಹೆಗ್ಡೆ ಅತ್ಯತ್ತಮ ಬರಹಗಾರರು, ಅದ್ಭುತ ಛಾಯಾಚಿತ್ರಗಾರ.. ಪ್ರತ್ಯುಷಾ ಆಕಸ್ಮಿಕ ಮರಣವಾದಾಗ ತುಂಬಾ ಒಳ್ಳೆಯ ಮಾತುಗಳನ್ನು ಬರಹರೂಪದಲ್ಲಿ ಹೇಳಿದ್ದರು.ಜೊತೆಗೆ ತಮಗೆ ಆಕೆ ಫೋಟೋ ಸೆಷನ್ ಮಾಡುವ ಆಸೆ ಇತ್ತು ಎಂದು ಸಹ ಹೇಳಿಕೊಂಡಿದ್ದರು..

ಗೇಮ್ ಪ್ಲೇಯರ್

Image result for pink and blue flowers
ಸಿನಮಾ ಕ್ಷೇತ್ರ .. ಮಾಧ್ಯಮ ಪ್ರಪಂಚದಲ್ಲಿ ಬದುಕು ನಡೆಸಬೇಕು ಅಂತ ಆಸೆ ಹೊತ್ತು ಬಂದವರು, ಅದರಲ್ಲಿ ಗೆದ್ದವರು, ಅದರಲ್ಲಿ ಸೋತವರು..! ಯಾಕೆ ಈ ಮಾತು ಹೇಳ್ತಾ ಇದ್ದೀನಿ ಅಂದ್ರೆ ಸಾಮಾನ್ಯವಾಗಿ ಕೆಲವರಿದ್ದಾರೆ ಗೆದ್ದ ನಟ-ನಟಿ ಸಹಾಯ ಮಾಡಲಿಲ್ಲ, ಸಮಾಜಕ್ಕೇನು ಅವರ ಕೊಡುಗೆ  ಅನ್ನುವುದನ್ನು ದೊಡ್ಡದಾಗಿ ಹೇಳಿ ಅವರ ಬಗ್ಗೆ ಇಲ್ಲಸಲ್ಲದೆ ಪ್ರಚಾರಕ್ಕೆ ತೊಡಗುತ್ತಾರೆ. ಆದರೆ ಆ ಗೆಲುವಿಗಾಗಿ ಕಲಾವಿದರು ,ತಂತ್ರಜ್ಞರು ನಡೆಸಿದ ಹೋರಾಟ ಅವರ ಆಪ್ತರಿಗೆ ಮಾತ್ರ ಗೊತ್ತು.
 ಶಿವಶಂಕರ್ ಅಂತ ಸಿನಿಮಾ ಎಡಿಟರ್. ನನ್ನ ತಮ್ಮನಂತಹ  ಗೆಳೆಯ.. ತುಂಬಾ ದಿನದ ನಂತರ ಫೋನ್ ಮಾಡಿದ ನಾನು ಈ ಕ್ಷೇತ್ರ ಬಿಡ್ತೀನಿ ಕಣಕ್ಕಾ ಅಂದ.. ರಥಾವರದಂತಹ ಸಿನಿಮಾಗಳನ್ನು ಎಡಿಟ್ ಮಾಡಿರುವ ಪ್ರತಿಭಾವಂತ.. ಅವನ ವಿಷಯಗಳನ್ನು, ಸಿನಿಲೋಕದ ದೀಪದ ಕೆಳಗಿನ ಕತ್ತಲ ಬಗೆಗಿನ ವಿಷಯಗಳನ್ನು ಕೇಳುವಾಗ ಈ ಕ್ಷೇತ್ರದಲ್ಲಿ ಗೆದ್ದ ಕಲಾವಿದರ ಕಷ್ಟಗಳು ನೆನಪಿಗೆ ಬಂತು..
ಸುದೀಪಾ ಸಹ ಭಿನ್ನ ಕಲಾವಿದ ಅದಕ್ಕೆ ನನಗೆ ಆತನೆಂದರೆ ಸ್ವಲ್ಪ ಜಾಸ್ತಿ ಇಷ್ಟ.. ಹೊಸದಕ್ಕೆ ಸದಾ ಮೈಯೊಡ್ಡಿ ನಿಲ್ಲವ ಸುದೀಪಾ ಕಳೆದ ವರ್ಷ ಬಳೆಗಳ ವಿಷಯದಲ್ಲಿ ವಿವಾದದಲ್ಲಿ ಸಿಲುಕಿದ್ದರು. ತಮಾಷೆ ಅನ್ನಬೇಕೋ ವಿಷಾದ ಅನ್ನಬೇಕೋ ಗೊತ್ತಿಲ್ಲಾ ಬಳೆ ಒಡೆದು ಕೊಳ್ಳುವುದು, ಬಳೆ ಹಾಕಿಕೊಳ್ಳುವಂತಹ ಡೈಲಾಗ್ ಗಳು ಪ್ರಸಿದ್ಧ ಸೀರಿಯಲ್, ಸಿನಿಮಾಗಳಲ್ಲಿ ಮಾತ್ರವಲ್ಲ ಪ್ರಸಿದ್ಧ ವ್ಯಕ್ತಿಗಳ ಬರಹ- ಬಾಯಲ್ಲಿ ನಲಿಯುತ್ತಿರುತ್ತದೆ. ಆದರೆ ಅಂತಹದೊಂದು ಮಾತಾಡಿ ಮಾತ್ರ  ಸಿಕ್ಕಿಬಿದ್ದಿದ್ದು ದೀಪ್..  ಬಿಗ್ ಬಾಸ್ ಕನ್ನಡದ ಕೊನೆ ಕೊನೆ ಹಂತ .ದಿನನಿತ್ಯ ಪ್ರಸಾರವಾಗುವ ರಿಯಾಲಿಟಿ ಶೋ ಆಗಿರುವುದರಿಂದ ಸೀರಿಯಲ್ ಥರಾನೆ ಇಷ್ಟ ನನಗೆ. ಇದನ್ನು ಹೇಳಿಕೊಳ್ಳಲು  ನನಗೇನೂ ಬೇಸರವಿಲ್ಲ. ಯಾಕೇಂದ್ರೆ ಬಿಗ್ ಬಾಸ್ ವೀಕ್ಷಣೆ ಮಾಡೇ ಮಾಡುವ ಬಹಳಷ್ಟು ಜನರು ಅದರ ಪ್ರತಿಯೊಂದು ಅಂಶದ ಬಗ್ಗೆ ಟೀಕಾ ಪ್ರಹಾರ ಮಾಡ್ತಾ ಇರ್ತಾರೆ. ಅಂದ್ರೆ ಆ ರಿಯಾಲಿಟಿ ಶೋ ರುಚಿ ಹೇಗಿರಬೇಡ ಅವರಿಗೆ..ನಾನು ರೇಡಿಯೋ (ವಿವಿಧ ಭಾರತಿ) ಆಂಕರಿಂಗ್ ಗೆ ಪ್ರಯತ್ನ ಪಟ್ಟಿದ್ದೆ ಅಂತ ಮೊದಲೊಂದು ಪೋಸ್ಟ್ ನಲ್ಲಿ ತಿಳಿಸಿದ್ದೆನಲ್ಲ ಅದರಲ್ಲಿ  ಸೀನಿಯರಮ್ಮನಿಗೆ  ಸುದೀಪಾ ಅಂದ್ರೆ ಇಷ್ಟವಿಲ್ಲ :-) ಅದ್ಯಾಕೋ ನಾಕಾಣೆ.. ನಾನು ಬಿಡಿ ನನ್ನ ಜೊತೆ ಇದ್ದ ಬೇರೆಯ ಬಹಳಷ್ಟು ಮಂದಿಗೆ ನಮ್ ದೋಸ್ತಾ ಸಿನಿಮಾಗಳ ಹಾಡೇ ಇಷ್ಟ.. ಆದ್ರೆ ತಾವು ತಯಾರಿಸಿದ ಲಿಸ್ಟ್ ನಲ್ಲಿ ಇರುತ್ತಿದ್ದ ನಮ್ ಇಷ್ಟ ಹಾಡುಗಳು ಮಾತ್ರ ಮಾಯಮಂಗ ಮಾಯ!ನಾವು ಎಷ್ಟು ಕಷ್ಟ ಪಟ್ಟಿದ್ದೀವಿ ನಿಮಗಾಗಿ ಗೊತ್ತಾಯ್ತಾ ಸುದೀಪಾ..
Image result for pink and blue flowers
ಈ ರಿಯಾಲಿಟಿ ಶೋ ದ ಬಳಿಕ  ನಾನು ನನ್ನಂತಹ ವೀಕ್ಷಕರು ಮಿಸ್ ಮಾಡಿಕೊಳ್ಳುವುದು ಹಿನ್ನೆಲೆ ಧ್ವನಿಯ ಪ್ರದೀಪ್ ಬಡೆಕ್ಕಿಲಾ ವಾಯ್ಸ್..ಮೊದಲೆಲ್ಲಾ ಆಗಾಗ ಫೊನ್ ಮೂಲಕ ಭೇಟಿ ಆಗ್ತಾ ಇದ್ದೆವು ಈಗ ಯಾವಾಗಲಾದರೊಮ್ಮೆ ವಾಟ್ಸ್  ಅಪ್ :-)
 ಬಿಗ್ ಬಾಸ್ ಮನೆಯಲ್ಲಿ ಪ್ರಾಮಾಣಿಕರು ಅಪ್ರಾಮಾಣಿಕರು ಅನ್ನುವ ವಿಷಯದ ಶ್ರೇಣಿ ಬಂದ್ರೆ ಮೊದಲಿನಿಂದ  ಅತ್ಯತ್ತಮ ಗೇಮ್ ಪ್ಲೇಯರ್ ಆಗಿ ಇರೋದು ವಾಸುಕಿ ವೈಭವ್, ನಂತರ ಶೈನ್ . ಹರೀಶ್ ರಾಜ್ ದು ದ್ವಂದ್ವ.. ಭೂಮಿ ಶೆಟ್ಟಿದು ಒಂದು ರೀತಿ ಏನೂ ಮಾಡದ ಸ್ಪರ್ಧಿ.. ಆದರೆ ಪ್ರಿಯಾಂಕದ್ದು ಉಡಾಫೆ..ದೀಪಿಕಾ ಅವರಿಗೆ ಇಷ್ಟ ಆದವರಿದ್ದರೆ.. ಓಕೆ. ಇಲ್ಲದವರಿವೆ ನಾಟ್ ಓಕೆ!ಅವರು ಪಾಪ ಚಂದನ್ ಆಚಾರಿ ಅವರಿಗೆ ಅವಕಾಶ ಕೊಡಲಿಲ್ಲ ಕ್ಯಾಪ್ಟನ್ ಆಗೋಕೆ .. ಹೋಗ್ಲಿ ಬೇರೆ ರೀತಿಯಾದ್ರೂ ಆ ಮನುಷ್ಯ ಜನರ ಮನ ಗೆದ್ರಾ ಉಹುಂ .. ಅವರ ವರ್ತನೆ ಹೇಗಿತ್ತು ಅಂದ್ರೆ ಅನಸ್ತೇಷಿಯಾ ಕೊಟ್ಟು ಲೇಯ್ ಮಗಾ ಇದನ್ನು ಯಾರಾದ್ರೂ ಮೂಗಿಗೆ ಹಿಡಿದು ಜ್ಞಾನ ತಪ್ಪಿಸಿ ಬಾ ಅಂದ್ರೆ ಆತ ಗಾಬರಿಯಲ್ಲಿ ತನ್ನ ಮೂಗಿಗೆ ಒತ್ತಿ ಜ್ಞಾನ ಹೋದ ಪೆದ್ದನಂತೆ ಇತ್ತು.. ಯಾಕೇ ಈಮಾತು ಹೇಳ್ತಾ ಇದ್ದೀನಿ ಅಂದ್ರೆ ಬಿಗ್ ಬಾಸ್ ಅವರಿಗೆ ಅವಕಾಶ ನೀಡಿದಷ್ಟು ಅವರು ಅದನ್ನು ಬಳಸಿಕೊಂಡಿದ್ದು ತುಂಬಾ ಕಡಿಮೆ.ಕುರಿ ಪ್ರತಾಪ್ ಆರಂಭಿಕ ಬಹಳಷ್ಟು ವಾರಗಳಲ್ಲಿ ಅದೃಷ್ಟವಷಾತ್ ಗೆದ್ದ ಗ್ರೂಪ್ ನಲ್ಲಿ ಇರುತ್ತಿದ್ದರು.ಜೊತೆ ಅವರನ್ನು ಹೆಚ್ಚು ಪ್ಲೀಸಿಂಗ್ ಮಾಡುವ ಗುಂಪು ಇದ್ದು ಅದನ್ನೇ ತಮ್ಮ ಪ್ಲಸ್ ಪಾಯಿಂಟ್ ಅಂತ ಅಂದುಕೊಂಡು ಅವರು  ತಾವು ಬದಲಾಗಿಲ್ಲ ಅಂತ ತಿಳಿದಿದ್ದಾರೆ. ಏನೇ ಹೇಳಿ ಸುದೀಪಾ ನನಗನ್ನಿಸಿದ್ದು  ಈ ಮ್ಯಾಚ್ ನ ಪಕ್ಕಾ ಆಟಗಾರರು ಶೈನ್-ವಾಸುಕಿ.

ಕ್ಲಾಸಿಕಲ್ - ರಾಪ್

Image result for blue flowers
ಚಂದನ ವಾಹಿನಿಯಲ್ಲಿ ನಿನ್ನೆ ಒಂದು ಸಂಗೀತ ಕಾರ್ಯಕ್ರಮ ವೀಕ್ಷಿಸಿದೆ. ಭಾರತೀಯ ಸಾಮಗಾನ ಸಭಾ ಅವರ ಮೈಸೂರು ಆಸ್ಥಾನ ಸಂಗೀತೋತ್ಸವ ಕಾರ್ಯಕ್ರಮ ಪ್ರಸಾರವಾಗುತ್ತಿತ್ತು. ಶಾಸ್ತ್ರೀಯ ಸಂಗೀತ ಮನಕ್ಕೆ   ಅದರಲ್ಲೂ ವಾದ್ಯ ಸಂಗೀತ ಹೆಚ್ಚು ಇಷ್ಟ. ಮತ್ತೊಂದು ಸಂಗತಿ ಅಂದ್ರೆ ನನಗೆ  ಅಂದ್ರೆ ಒಂದು ಕೀರ್ತನೆಯನ್ನು ವೀಣೆ, ವಯೊಲಿನ್, ಕೊಳಲು,ಸ್ಯಾಕ್ಸೋ ಫೋನ್ ಹೀಗೆ   ವಾದ್ಯಗಳಲ್ಲಿ ಆಲಿಸುವ ಹವ್ಯಾಸ. ಸಕತ್ ಖುಷಿ ಕೊಡುತ್ತದೆ. ನಿನ್ನೆ ವೀಣಾವಾದನ ಪ್ರಸಾರವಾಗುತ್ತಿತ್ತು. ಪ್ರತಿದಿನ ಪ್ರಾಯಶಃ  ಸಂಜೆ ವೇಳೆ  ಈ ಕಾರ್ಯಕ್ರಮ ಇರುತ್ತದೆ ಅನ್ನಿಸುತ್ತದೆ (ಸಮಯದತ್ತ ಗಮನ ಹರಿಸಲು ಆಗಲಿಲ್ಲ ) ಸಂಗೀತಾಸಕ್ತರು ಇದನ್ನು ವೀಕ್ಷಿಸ ಬಹುದು.
Image result for blue flowers
@ ಈ  ವಾಹಿನಿಯಲ್ಲಿ ಪ್ರಸಾರವಾಗುವ ಶುಭೋದಯ ಕಾರ್ಯಕ್ರಮವನ್ನು ಇತ್ತೀಚೆಗೆ ವೀಕ್ಷಣೆ ಮಾಡಿದಾಗ ವಾಸು ದೀಕ್ಷಿತ್ ಅವರ ಸಂದರ್ಶನ ಕಾರ್ಯಕ್ರಮ ಪ್ರಸಾರವಾಗುತ್ತಿತ್ತು. ಭಿನ್ನಶೈಲಿಯಿಂದ ಕ್ಲಾಸಿಕಲ್ ಮತ್ತು ರಾಪ್ ಎರಡನ್ನು ಮೇಳೈಸಿ ಕೀರ್ತನೆಗಳು , ವಚನಗಳ  ಮೂಲಕ ಸಂಗೀತ ಕ್ಷೇತ್ರದಲ್ಲಿ ಸಾಧನೆ ಮಾಡಿದ್ದಾರೆ ವಾಸು. ಅವರ ಶೈಲಿ ಖುಷಿ ಕೊಡ್ತು. ಎಲ್ಲಾ ವಾಹಿನಿಗಳಿಗಿಂತ ಚಂದನ ಸದಾ ಭಿನ್ನ ಎನ್ನುವಂತೆ ಮಾಡುತ್ತದೆ ಇಂತಹ ವಿಶಿಷ್ಟವಾದ ಕಾರ್ಯಕ್ರಮಗಳಿಂದ ಮತ್ತು ಈ ರೀತಿಯ ವಿಶೇಷವಾದ ಕಲಾವಿದರಿಂದ..