ಬಿಗ್ ಬಾಸ್ ಸಲ್ಮಾನ್ !

 

ಕಳೆದ ಕೆಲವು ದಿನಗಳಿಂದ ಟೀವಿ ಬಗ್ಗೆ ಏನೂ ಬರೆಯೋಕೆ ಆಗ್ತಾ ಇಲ್ಲ. ಗೊತ್ತಲ್ಲ, ಸ್ವಲ್ಪ ಸೋಮಾರಿತನ, ಅನಾರೋಗ್ಯ  ಹೀಗೆ ಹಲವಾರು ಸಂಗತಿಗಳು. ಆದರೇ ಟೀವಿ ನೋಡೋದು ಬಿಟ್ಟಿಲ್ಲ ಬಿಡಿ.. ಅಲ್ಲಿ ಕಂಡ ಕಾರ್ಯಕ್ರಮಗಳನ್ನು  ಸುದ್ದಿಮನೆಯಲ್ಲಿ ಹೇಗೆ ಮಾತಾಡ್ತೀವಿ ಅಂದ್ರೆ  ಬಗ್ಗೆ ಬರೀತಿನಿ..

ಬಹು ನಿರೀಕ್ಷಿತ ಬಿಗ್ ಬಾಸ್- 7   ಕಲರ್ ವಾಹಿನಿಯಲ್ಲಿ  ಆರಂಭವಾಗಿದೆ. ಕನ್ನಡಿಗರು ಈಗಷ್ಟೇ ಕನ್ನಡ  ಬಿಗ್ ಬಾಸ್ ಮಜಾ ತೆಗೆದುಕೊಂಡಿದ್ದಾಗಿದೆ. ಈಗ ಎಲ್ಲ ವೀಕ್ಷಕರಿಗೂ ಬಿಗ್ ಬಾಸ್ ಕಡೆಗೆ ಸಕತ್ ಗಮನ.ಕನ್ನಡದಲ್ಲಿ ಹಂಗಿತ್ತು, ಸೋ ಹಿಂದಿಯಲ್ಲಿ ಹೆಂಗಿರ ಬಹುದು ಎನ್ನುವ ಕುತೂಹಲ ಇದ್ದೇ ಇದೆ. ಯಾಕೇಂದ್ರೆ  ಕನ್ನಡದ ಆ ಮನೆ ಆಟ ಎಲ್ಲರನ್ನೂ ಅಕರ್ಷಿಸಿತ್ತು.

 ನಾನು ಸಾಮಾನ್ಯವಾಗಿ ಬಿಗ್ ಬಾಸ್ ಕಾರ್ಯಕ್ರಮ ತುಂಬಾ ಆಸ್ಥೆಯಿಂದ  ವೀಕ್ಷಿಸುತ್ತಾ  ಬಂದಿದ್ದೇನೆ ಮೊದಲಿನಿಂದಲೂ. ಕೆಲವು ಆಕರ್ಷಕವಾಗಿದ್ದರೇ, ಇನ್ನು ಕೆಲವು ಓಕೆ ಓಕೇ . ಸಾಮಾನ್ಯವಾಗಿ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಅತಿಹೆಚ್ಚಿನ  ಆಕರ್ಷಣೆಯ ಕೇಂದ್ರ ಬಿಂದುಗಳು ಮನೆ, ಕನಫೆಷನ್ ರೂಂ, ಸಲ್ಮಾನ್ ಖಾನ್. ಪ್ರತಿ ಬಾರಿಯೂ ವಿವಿಧ ಮನಸ್ಥಿತಿಯ ಸ್ಪರ್ಧಿಗಳು ಸಹ ಆಕರ್ಷಣೆಯ ಕೇಂದ್ರ ಬಿಂದು ಆಗಿರುತ್ತಾರೆ. ತಮಾಷೆ ಅಂದ್ರೆ ಅವರಲ್ಲಿ  ಸಾಕಷ್ಟು ಜನ ವೀಕ್ಷಕರಿಗೆ ತಿಳಿದೇ ಇರುವುದಿಲ್ಲ . ಆದರೇ ಹಾಗೆಂದು ವೀಕ್ಷಕರು ಅದನ್ನು ವೀಕ್ಷಿಸದೇ ಬಿಡುವುದಿಲ್ಲ.

ಬಿಗ್ ಬಾಸ್ -7 ಬಗ್ಗೆ ವೀಕ್ಷಕರಿಗೆ ಅಪಾರವಾದ  ನಿರೀಕ್ಷೆ ಇತ್ತು. ಆದರೇ ಅದ್ಯಾಕೊ ಅದರ ಸೆಟ್ಟಿಂಗ್ ಯಾರನ್ನೂ ಹೆಚ್ಚು ಆಕರ್ಷಿಸುತ್ತಿಲ್ಲ ಎಂದೇ ಹೇಳ ಬಹುದು. ಆದರೂ ಇನ್ನೂ ಈಗಷ್ಟೇ ಆರಂಭ ಆಗಿರುವ ಬಿಗ್ ಬಾಸ್ ತಿರುವುಗಳ ಬಗ್ಗೆ ಏನೂ ಹೇಳೋಕೆ ಆಗಲ್ಲ. ಸದ್ಯದ ಆಕರ್ಷಣೆ ಸಲ್ಮಾನ್ boy… !