ಕಿಲಾಡಿ ಅಮಾಯಕ!!

 

‌

ಕೆಲವು ವಿಷಯಗಳ ಬಗ್ಗೆ ಹೇಳೋಕೆ , ಮಾತನಾಡೋಕೆ, ಬರೆಯುವುದಕ್ಕೆ ಬಹಳ ಕಷ್ಟ ಎನ್ನಿಸುತ್ತದೆ. ಅದರಲ್ಲೂ ಸಾವಿಗೆ ಸಂಬಂಧ ಪಟ್ಟಂತೆ…..!

ನಾನು ಇದ್ದ ಮಾಸಪತ್ರಿಕೆ ಒಂದರಲ್ಲಿ  ಕೆಲಸ ಮಾಡುತ್ತಿದ್ದಾಗ ದೇಹದಾನದ ಬಗ್ಗೆ ಒಂದು ಲೇಖನ ತಿದ್ದುಪಡಿ ಮಾಡುವಾಗ ತುಂಬಾ ಅಳು ಬಂದಿತ್ತು. ಸಾವಿನ ವಿಷಯ ಹಾಗೇ.. ಸಾರಿ ಸುದೀಪಾ ನಿಮ್ಮ ಮನೆಯ ಮುಖ್ಯ ದೀಪ ನಂದಿದ್ದು.. ನೀವು ಅಳುತ್ತಾ ಬೀಳ್ಕೊಟ್ಟಿದ್ದು,  ಕಲರ್ಸ್‌ ವಾಹಿನಿಯಲ್ಲಿ ನಿಮ್ಮ ತಾಯಿ ಬಗ್ಗೆ ಪ್ರಸ್ತುತ ಪಡಿಸಿದ ಬಳಿಕ ಗಾಢವಾಗಿ ನಿಟ್ಟಿಸಿರು ಬಿಡುತ್ತಾ ಕಾರ್ಯಕ್ರಮವನ್ನು ಸರಾಗವಾಗಿ ನಡೆಸಲು ಪ್ರಯತ್ನ ಪಟ್ಟಿದ್ದು  ಮೆರಯಲಾಗದ್ದು. ದೇವರು ನಮ್ಮ ಸ್ಥೈರ್ಯ ಹೆಚ್ಚಿಸಲಿ..

ಈ ಸಮಯದಲ್ಲಿ ನನಗೊಂದು ಸಂಗತಿ ನೆನಪಿಗೆ ಬರುತ್ತದೆ. ಅಂಬರೀಷ್‌ ಅವರ ಬಗ್ಗೆ ಬರೆದ ಪುಸ್ತಕ ಒಂದಕ್ಕೆ ನಾನು ಅಳಿಲು ಸೇವೆ ಮಾಡಿದ್ದೆ. ಒಂದಷ್ಟು ಭಾಗದ ಹೊಣೆ ನನಗೆ ನೀಡಿದ್ದರು.ಅದರಲ್ಲಿ ಒಂದು ಪ್ರಸಂಗ   ಹೀಗೆ ಒಂದು ಸಿನಿಮಾ ಬಹುಶಃ ಮೃಗಾಲಯ ಇರಬೇಕು. ಶೂಟಿಂಗ್‌ ಆದ ಮಾರನೆಯದಿನ ಅಂಬಿ ಮಾಮನಿಗೆ ಸಿಕ್ಕಾಪಟ್ಟೆ ಮೈಕೈ ನೋವು. ಇವರಷ್ಟೇ ದುಡಿದಿದ್ದ ಪ್ರಣಯರಾಜ ಶ್ರೀನಾಥ್‌ ನಗುನಗುತ್ತಾ ಎಲ್ಲರ ಜೊತೆ ಉಲ್ಲಾಸವಾಗಿ ಇರುವುದನ್ನು ಕಂಡ ಅಂಬಿಗೆ ಆಶ್ಚರ್ಯ. ಸರಿ ಅವರ ಹತ್ತಿರ ನೀವು ಸಹ ನನ್ನಷ್ಟೇ ದುಡಿದು ದಣಿದರೂ ಇಷ್ಟು ಆರಾಮವಾಗಿ ಇದ್ದೀರಲ್ಲ ನಿಮಗೇನು ಮೈಕೈ ನೋವಿಲ್ಲವೇ ..? ಆಗ ಶ್ರೀ ಸರ್‌ ಪಬ್ಲಿಕ್‌ ನಮ್ಮ ನೋವು ನೋಡೋಲ್ಲ ನಮ್ಮ ಖುಷಿಯ ಮುಖವನ್ನು ಮಾತ್ರ ಬಯಸೋದು. ಎಷ್ಟೇ ಬೇಸರ ಇದ್ದರೂ ಅದನ್ನು ಅಭಿಮಾನಿಗಳು, ಜನರ ಮುಂದೆ ತೋರಿಸಿಕೊಳ್ಳಬಾರದು ಎಂದು ಹೇಳಿದರಂತೆ.  

ನಮ್ಮ ಅಮ್ಮ ಹೇಳ್ತಾರೆ ಜಗತ್ತಿನಲ್ಲಿ ತಾಯಿ ಬಹಳ ಮುಖ್ಯ . ಆಕೆಯ ಅಂತಿಮವಿದಾಯ ಮಕ್ಕಳಿಗೆ  ಸದಾ ಸರ್ವದಾ ಅತಿ ಹೆಚ್ಚು ನೋವು ನೀಡುವ ಅಂಶ. ತಾಯಿ ಇಲ್ಲದೇ ಇದ್ದರೆ ಮಕ್ಕಳಿಗಾಗುವ ನಷ್ಟ ಅಪಾರ . ನಿಮ್‌ ಬಗ್ಗೆ  ಸೋಷಿಯಲ್‌ ಮೀಡಿಯಾಗಳಲ್ಲಿ  ಬರೆದ ನೆಗೆಟಿವ್‌ ಕಮೆಂಟ್‌ ಗಳು, ಹಣದ ಆಸೆಗಾಗಿ ತಾಯಿಯ ಕೊನೆಯ ಕ್ಷಣದಲ್ಲಿ ನಿಮ್ಮ ಆಬ್ಸೆನ್ಸ್‌  ಹೀಗೆ ಹಲವಾರು ಸಂಗತಿಗಳು. ಇವೆಲ್ಲವೂ ಬರೆದವರ ಮಾನಸಿಕ ಸ್ಥಿತಿ ಎತ್ತಿ ತೋರುತ್ತದೆ..  

ಈ ಬಾರಿ ಬಿಗ್‌  ಬಾಸ್ ನಲ್ಲಿ ಭವ್ಯ, ಮೋಕ್ಷಿತ, ಸೌಂದರ್ಯ,ಅನುಷ ಚೈಲ್ಡ್‌ ಗಳು. ಅತಿ ಕಿಲಾಡಿ ಅಮಾಯಕ ಹನುಮಂತ.. ಜೀ ಯಂತಹ ವಾಹಿನಿಯ ರಿಯಾಲಿಟಿ ಶೋ ನಲ್ಲಿ ಭಾಗವಹಿಸಿ ಗೆದ್ದ  ಬಳಿಕ ಪದೇಪದೇ ಅವಕಾಶ ಪಡೆದ ಜಾಣ ಅಮಾಯಕ.ಧನರಾಜ್‌ ನಿಜವಾದ ಮುಗ್ಧ.. ಪ್ರತಿ ಸೀಜನ್‌ ನಲ್ಲಿ ಒಬ್ಬರ ಮೇಲೆ ಕೆಂಗಣ್ಣು ಬೀಳುತ್ತೇ ಮನೆಯವರದ್ದು. ಈ ಸರ್ತಿ ಪಾಪ ಗೋಲ್ಡ್‌ ಸೂರಿ ಕಥೇ ಹೀಗೆ ಆಗಿದೆ.

ಈ ಬಾರಿ ನನಗೆ ಹೆಚ್ಚು ಇಷ್ಟ ಆಗಿರುವುದು ಭವ್ಯ, ಮೋಕ್ಷಿತ, ಸೌಂದರ್ಯ,ಅನುಷ ಚೈಲ್ಡ್‌. ಹನ್ನೊಂದರಲ್ಲಿ ಹೆಣ್ಣು ಮಕ್ಕಳು ಗೆದ್ದು ಟ್ರೋಫಿ ತಮ್ಮದಾಗಿಸಿ ಕೊಳ್ಳಲಿ..ಈ ಬಾರಿಯಾದರೂ ಹೆಣ್ಣುಮಕ್ಕಳನ್ನು ಗೆಲ್ಲಿಸಿ..!